കോ​ല്‍​ക്ക​ത്ത: ഐ​പി​എ​ല്‍ ട്വ​ന്‍റി-20 ക്രി​ക്ക​റ്റി​ല്‍ 2024 ഫൈ​ന​ലി​ന്‍റെ ത​നി​യാ​വ​ര്‍​ത്ത​ന​ത്തി​ല്‍ ഫ​ല​ത്തി​ലും ജ​യി​ക്കാ​ന്‍ സാ​ധി​ക്കാ​തെ സ​ണ്‍​റൈ​സേ​ഴ്‌​സ് ഹൈ​ദ​രാ​ബാ​ദ്. നി​ല​വി​ലെ ചാ​മ്പ്യ​ന്മാ​രാ​യ കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സി​ന് എ​തി​രേ എ​വേ പോ​രാ​ട്ട​ത്തി​ന് ഇ​റ​ങ്ങി​യ സ​ണ്‍​റൈ​സേ​ഴ്‌​സ് ഹൈ​ദ​രാ​ബാ​ദി​ന് 80 റ​ണ്‍​സി​ന്‍റെ നാ​ണം​കെ​ട്ട തോ​ല്‍​വി.

29 പ​ന്തി​ല്‍ മൂ​ന്നു സി​ക്‌​സും ഏ​ഴ് ഫോ​റും അ​ട​ക്കം 60 റ​ണ്‍​സ് നേ​ടി​യ വൈ​സ് ക്യാ​പ്റ്റ​ന്‍ വെ​ങ്കി​ടേ​ഷ് അ​യ്യ​റാ​ണ് കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സി​ന്‍റെ വി​ജ​യ ശി​ല്‍​പ്പി​ക​ളി​ല്‍ പ്ര​ധാ​നി. 29 റ​ണ്‍​സ് വ​ഴ​ങ്ങി മൂ​ന്നു വി​ക്ക​റ്റ് വീ​ഴ്ത്തി​യ വൈ​ഭ​വ് അ​റോ​റ​യു​ടെ ബൗ​ളിം​ഗ് വൈ​ഭ​വ​വും 32 പ​ന്തി​ല്‍ 50 റ​ണ്‍​സ് നേ​ടി​യ അം​ഗ്രി​ഷ് ര​ഘു​വം​ശി​യു​ടെ ബാ​റ്റിം​ഗും നൈ​റ്റ് റൈ​ഡേ​ഴ്‌​സി​ന്‍റെ ജ​യ​ത്തി​നു വ​ഴി തെ​ളി​ച്ചു. വൈഭവാണ് കളിയിലെ താരം.

ത​ല ത​ക​ര്‍​ന്നു

ടോ​സ് നേ​ടി​യ സ​ണ്‍​റൈ​സേ​ഴ്‌​സ് ക്യാ​പ്റ്റ​ന്‍ പാ​റ്റ് ക​മ്മി​ന്‍​സ് ബൗ​ളിം​ഗ് തെ​ര​ഞ്ഞെ​ടു​ക്കു​ക​യാ​യി​രു​ന്നു. ആ​ദ്യം ബാ​റ്റിം​ഗി​ന് ഇ​റ​ങ്ങേ​ണ്ടി​വ​ന്ന കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സി​ന്‍റെ തു​ട​ക്കം ത​ക​ര്‍​ച്ച​യോ​ടെ. ഓ​പ്പ​ണ​ര്‍​മാ​രാ​യ ക്വി​ന്‍റ​ണ്‍ ഡി​കോ​ക്കും (1) സു​നി​ല്‍ ന​രെ​യ്‌​നും (7) ര​ണ്ട​ക്കം കാ​ണാ​തെ കൂ​ടാ​രം ക​യ​റി. ഡി​കോ​ക്കി​നെ ക​മ്മി​ന്‍​സും ന​രെ​യ്‌​നെ മു​ഹ​മ്മ​ദ് ഷ​മി​യു​മാ​യി​രു​ന്നു മ​ട​ക്കി​യ​ത്. അ​തോ​ടെ 2.3 ഓ​വ​റി​ല്‍ ര​ണ്ടു വി​ക്ക​റ്റ് ന​ഷ്ട​ത്തി​ല്‍ 16 റ​ണ്‍​സ് എ​ന്ന നി​ല​യി​ല്‍ ആ​തി​ഥേ​യ​ര്‍ പ​രു​ങ്ങി.

വെ​ങ്കി, രം​ഘു​വം​ശി ഫി​ഫ്റ്റി

മൂ​ന്നാം വി​ക്ക​റ്റി​ല്‍ ക്യാ​പ്റ്റ​ന്‍ അ​ജി​ങ്ക്യ ര​ഹാ​നെ​യും ര​ഘു​വം​ശി​യും ചേ​ര്‍​ന്ന് ആ​ദ്യ ര​ക്ഷാ​പ്ര​വ​ര്‍​ത്ത​നം ന​ട​ത്തി. 81 റ​ണ്‍​സി​ന്‍റെ കൂ​ട്ടു​കെ​ട്ട് ഇ​വ​ര്‍ ചേ​ര്‍​ന്നു​ണ്ടാ​ക്കി. 27 പ​ന്തി​ല്‍ നാ​ലു സി​ക്‌​സും ഒ​രു ഫോ​റും അ​ട​ക്കം 38 റ​ണ്‍​സ് നേ​ടി​യ ര​ഹാ​നെ പു​റ​ത്താ​യ​തോ​ടെ വെ​ങ്കി​ടേ​ഷ് അ​യ്യ​ര്‍ ക്രീ​സി​ല്‍. സ്‌​കോ​ര്‍ 106ല്‍ ​നി​ല്‍​ക്കു​മ്പോ​ള്‍ രം​ഘു​വം​ശി മ​ട​ങ്ങി. 32 പ​ന്തി​ല്‍ ര​ണ്ടു സി​ക്‌​സും അ​ഞ്ച് ഫോ​റും അ​ട​ക്ക​മാ​യി​രു​ന്നു രം​ഘു​വം​ശി​യു​ടെ 50.

മൂ​ന്നു സി​ക്‌​സും ഏ​ഴ് ഫോ​റും അ​ട​ങ്ങു​ന്ന​താ​യി​രു​ന്നു വെ​ങ്കി​ടേ​ഷ് അ​യ്യ​റി​ന്‍റെ വെ​ടി​ക്കെ​ട്ട് ഇ​ന്നിം​ഗ്‌​സ്. 206.90 സ്‌​ട്രൈ​ക്ക് റേ​റ്റി​ലാ​യി​രു​ന്നു വെ​ങ്കി​ടേ​ഷ് അ​യ്യ​ര്‍ 60 റ​ണ്‍​സ് അ​ടി​ച്ചു​കൂ​ട്ടി​യ​ത്. വെ​ങ്കി​ടേ​ഷി​ന് ഒ​പ്പം റി​ങ്കു സിം​ഗും (17 പ​ന്തി​ല്‍ 32 നോ​ട്ടൗ​ട്ട്) ചേ​ര്‍​ന്ന​തോ​ടെ അ​ഞ്ചാം വി​ക്ക​റ്റി​ല്‍ 91 റ​ണ്‍​സ് പി​റ​ന്നു.


വെ​ങ്കി​ക്ക് ഹാ​ട്രി​ക് ഫി​ഫ്റ്റി

സ​ണ്‍​റൈ​സേ​ഴ്‌​സ് ഹൈ​ദ​ര​ബാ​ദി​ന് എ​തി​രേ വെ​ങ്കി​ടേ​ഷ് അ​യ്യ​റി​ന്‍റെ തു​ട​ര്‍​ച്ച​യാ​യ മൂ​ന്നാം അ​ര്‍​ധ​സെ​ഞ്ചു​റി​യാ​ണ് എ​ന്ന​തും ശ്ര​ദ്ധേ​യം. 2024 ക്വാ​ളി​ഫ​യ​റി​ല്‍ 28 പ​ന്തി​ല്‍ 51 നോ​ട്ടൗ​ട്ട്, 2024 ഫൈ​ന​ലി​ല്‍ 26 പ​ന്തി​ല്‍ 52 നോ​ട്ടൗ​ട്ട്, ഇ​ന്ന​ലെ 29 പ​ന്തി​ല്‍ 60 എ​ന്നി​ങ്ങ​നെ​യാ​യി​രു​ന്നു സ​ണ്‍​റൈ​സേ​ഴ്‌​സി​ന് എ​തി​രേ വെ​ങ്കി​യു​ടെ ഹാ​ട്രി​ക് ഫി​ഫ്റ്റി.

വൈ​ഭ​വ് അ​റോ​റ തിം​ഗ്‌​സ്

201 റ​ണ്‍​സ് എ​ന്ന ല​ക്ഷ്യ​ത്തി​നാ​യി ക്രീ​സി​ല്‍ എ​ത്തി​യ സ​ണ്‍​റൈ​സേ​ഴ്‌​സ് ഹൈ​ദ​രാ​ബാ​ദി​ന്‍റെ ആ​ദ്യ മൂ​ന്നു ബാ​റ്റ​ര്‍​മാ​ര്‍​ക്കും ര​ണ്ട​ക്കം കാ​ണാ​ന്‍ സാ​ധി​ച്ചി​ല്ല. ഐ​പി​എ​ല്ലി​ല്‍ വൈ​ഭ​വ് അ​റോ​റ​യു​ടെ മു​ന്നി​ല്‍ ട്രാ​വി​സ് ഹെ​ഡ് (4) ര​ണ്ടാം ത​വ​ണ​യും ത​ല കു​നി​ച്ചു.

2024 ഫൈ​ന​ലി​ല്‍ നേ​രി​ട്ട ആ​ദ്യ പ​ന്തി​ല്‍​ത്ത​ന്നെ വൈ​ഭ​വി​നു മു​ന്നി​ല്‍ മു​ട്ടു​മ​ട​ക്കി​യ ട്രാ​വി​സ് ഹെ​ഡ്, ഇ​ന്ന​ലെ ര​ണ്ടാം പ​ന്തി​ല്‍ പു​റ​ത്ത്. അ​ടു​ത്ത ഓ​വ​റി​ന്‍റെ ആ​ദ്യ പ​ന്തി​ല്‍ ഇ​ഷാ​ന്‍ കി​ഷ​നെ​യും (2) വൈ​ഭ​വ് അ​റോ​റ മ​ട​ക്കി. ഇ​തി​നി​ടെ ഹ​ര്‍​ഷി​ത് റാ​ണ​യ്ക്കു മു​ന്നി​ല്‍ അ​ഭി​ഷേ​ക് ശ​ര്‍​മ​യും (2) കീ​ഴ​ട​ങ്ങി​യ​തോ​ടെ സ​ണ്‍​റൈ​സേ​ഴ്‌​സ് ഹൈ​ദ​രാ​ബാ​ദ് 2.1 ഓ​വ​റി​ല്‍ മൂ​ന്നി​ന് ഒ​മ്പ​ത് റ​ണ്‍​സ് എ​ന്ന ദ​യ​നീ​യ​ത​യി​ല്‍.

ഹെ​ന്‍‌റി​ച്ച് ക്ലാ​സ​ന്‍ (21 പ​ന്തി​ല്‍ 33), ക​മി​ന്ധു മെ​ന്‍​ഡി​സ് (20 പ​ന്തി​ല്‍ 27), നി​തീ​ഷ് കു​മാ​ര്‍ റെ​ഡ്ഡി (19), പാ​റ്റ് ക​മ്മി​ന്‍​സ് (14) എ​ന്നി​വ​ര്‍ മാ​ത്ര​മാ​ണ് സ​ണ്‍​റൈ​സേ​ഴ്‌​സ് ഇ​ന്നിം​ഗ്‌​സി​ല്‍ ര​ണ്ട​ക്കം ക​ണ്ട​ത്. 2025 ഐ​പി​എ​ല്‍ സീ​സ​ണി​ല്‍ 300 റ​ണ്‍​സ് സ്‌​കോ​ര്‍ ചെ​യ്യു​മെ​ന്നു പ്ര​തീ​ക്ഷ ന​ല്‍​കി​യ ടീ​മി​ന് 16.4 ഓ​വ​റി​ല്‍ 120 റ​ണ്‍​സ് മാ​ത്ര​മാ​ണ് എ​ടു​ക്കാ​ന്‍ സാ​ധി​ച്ച​തെ​ന്ന​തും മാ​ന​ഹാ​നി​യാ​യി.

വൈ​ഭ​വ് അ​റോ​റ നാ​ല് ഓ​വ​റി​ൽ 29 റ​ൺ​സ് വ​ഴ​ങ്ങിയും വ​രു​ൺ ച​ക്ര​വ​ർ​ത്തി 22 റ​ൺ​സ് വ​ഴ​ങ്ങി മൂ​ന്നും വി​ക്ക​റ്റ് വീതം സ്വ​ന്ത​മാ​ക്കി.