ടിക്കറ്റ് നിരക്ക് താങ്ങാനാകാത്തതിനാൽ ഗൾഫ് മലയാളികൾ അവിടെനിന്നു മുംബൈയിലേക്കാണു പോരുന്നത്. മുംബൈയിലേക്കു സാധാരണ നിരക്ക് നൽകിയാൽ മതിയാകും. മുംബൈയിൽനിന്നു തീവണ്ടി മാർഗമാണ് മലയാളികൾ നാട്ടിലേക്കു പോരുന്നത്.
മുംബൈ വഴി വരുമ്പോൾ 25 മണിക്കൂറോളം കൂടുതൽ യാത്ര വേണ്ടിവരും. പ്രവാസികളെ ചൂഷണം ചെയ്യുന്ന ഈ ആകാശക്കൊള്ള അവസാനിപ്പിക്കണമെന്നാവശ്യപ്പെട്ട് സിപിഐ സംസ്ഥാന സെക്രട്ടറി ബിനോയ് വിശ്വം കേന്ദ്ര വ്യോമയാന മന്ത്രിക്കു കത്ത് നൽകിയിട്ടുണ്ട്.