അതേസമയം, 46 വിമാനങ്ങൾക്കു ലഭിച്ച ബോംബ് ഭീഷണി സന്ദേശം അയച്ചത് ഒരേ എക്സ് അക്കൗണ്ടിൽനിന്നാണെന്നു വ്യക്തമായി. @adamlanza1111 എന്ന എക്സ് അക്കൗണ്ടിൽനിന്ന് വെള്ളിയാഴ്ചയും ശനിയാഴ്ചയുമായി 46 തവണയാണു ഭീഷണിസന്ദേശം അയച്ചത്. അമേരിക്കൻ എയർലൈൻസ്, ജെറ്റ് ബ്ലൂ, എയർ ന്യൂസിലൻഡ് തുടങ്ങിയ അന്താരാഷ്ട്ര വിമാനങ്ങൾക്കു നേരേയും ഇതേ അക്കൗണ്ടിൽനിന്നു വ്യാജ ഭീഷണി അയയ്ക്കാൻ ശ്രമമുണ്ടായതായി കണ്ടെത്തി. നേരത്തേ സമൂഹമാധ്യമങ്ങളിലൂടെ വിമാനങ്ങൾക്കു ഭീഷണിസന്ദേശമയച്ച സംഭവത്തിൽ 17കാരൻ ഛത്തീസ്ഗഡിൽ അറസ്റ്റിലായിരുന്നു.
ഡിജിസിഎ മേധാവിയെ നീക്കി
വിമാനക്കന്പനികൾക്കെതിരേ വ്യാജ ബോംബ് ഭീഷണി തുടരുന്നതിനിടെ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) മേധാവിസ്ഥാനത്തുനിന്ന് വിക്രം ദേവ് ദത്തിനെ മാറ്റി. കൽക്കരി മന്ത്രാലയത്തിന്റെ സെക്രട്ടറിയായാണു ദത്തിനെ സ്ഥലം മാറ്റിയത്. ജോയിന്റ് സെക്രട്ടറി തലത്തിലുള്ള ഒരു ഉദ്യോഗസ്ഥനെ അദ്ദേഹത്തിന്റെ സ്ഥാനത്തു നിയമിച്ചേക്കുമെന്നാണു വിവരം.