ഹരിയാന ആവർത്തിക്കാൻ ആർഎസ്എസ് മുംബൈ: മഹാരാഷ്‌ട്രയിൽ ഭരണം നിലനിർത്താൻ ബിജെപിക്കായി രംഗത്തിറങ്ങി ആർഎസ്എസ്. നിയമസഭാ തെരഞ്ഞെടുപ്പിന് ഒരു മാസം മാത്രം ശേഷിക്കേ ബിജെപി സഖ്യത്തിന് അനുകൂലമായ പൊതുജനാഭിപ്രായം രൂപവത്കരിക്കാൻ വിപുലമായ ജനസമ്പർക്ക പരിപാടിക്ക് ആർഎസ്എസ് തുടക്കമിട്ടു. ആർഎസ്എസ് അനുബന്ധ സംഘടനകളെയെല്ലാം രംഗത്തിറക്കിയാണു തെരഞ്ഞെടുപ്പിനു നിലമൊരുക്കുന്നത്.
ചെറു സംഘങ്ങളായി ഓരോ കുടുംബത്തിലുമെത്താനാണു ശ്രമം. ഹരിയാന നിയമസഭാ തെരഞ്ഞെടുപ്പിൽ ഇതേ തന്ത്രമാണ് ആർഎസ്എസ് ഉപയോഗിച്ചത്. സംസ്ഥാനത്തുടനീളം 1.25 ലക്ഷത്തിലധികം ചെറുയോഗങ്ങളാണു സംഘടിപ്പിച്ചത്. ഇതുവഴി നേരിട്ട് ഓരോ കുടുംബത്തിലേക്കും എത്താൻ ആർഎസ്എസിനു സാധിച്ചു. ഇതോടെ ഹാട്രിക് വിജയം ഹരിയാനയിൽ നേടാനായി.