തൃശൂര്‍ തെക്കേ ഗോപുരനടയില്‍ ഭീമന്‍ പൂക്കളം
Monday, August 21, 2023 2:40 AM IST
തൃശൂര്‍: ഓണനാളുകളിലേക്ക് ഭീമന്‍ പൂക്കളവുമായി സൗഹൃദക്കൂട്ടായ്മ. പൂരത്തിന് തെക്കോട്ടിറക്കത്തില്‍ ആനകളും ആളുകളും നിറയുന്ന വടക്കുന്നാഥന്‍റെ തെക്ക േഗോപുരനടയിലാണ് അറുപതടിയിലധികം വ്യാസത്തില്‍ പൂക്കളമൊരുക്കിയത്. രണ്ടായിരം കിലോയിലധികം പൂക്കൾ ഉപയോഗിച്ചു. കോയമ്പത്തൂരില്‍നിന്നാണ് പൂക്കള്‍ എത്തിച്ചത്.
ഇത്തവണത്തെ കൂറ്റന്‍ അത്തപ്പൂക്കളം ഓണാഘോഷങ്ങളുടെയും ടൂറിസം വാരാഘോഷത്തിന്‍റെയും ജില്ലാതല ഉദ്ഘാടനം കൂടിയായിരുന്നു. മന്ത്രി ആര്‍. ബിന്ദു ഉദ്ഘാടനം ചെയ്തു. മുന്‍ മേയര്‍ അജിത വിജയന്‍റെയും കൂട്ടരുടെയും തിരുവാതിരകളിയും ആഘോഷത്തിന് ആവേശം കൂട്ടി.
നിരവധിയാളുകളാണ് രാവിലെ മുതല്‍ സെല്‍ഫിയെടുക്കാന്‍ എത്തിയത്. പൂക്കളം കാണാനും വന്‍ തിരക്കായിരുന്നു. ജനറല്‍ കണ്‍വീനര്‍ ഷോബി ടി. വര്‍ഗീസ് നേതൃത്വം നല്‍കി.