കിക്ക് ബോക്സിംഗ് ചാമ്പ്യന്‍ഷിപ്പ് ബോചെ ഉദ്ഘാടനം ചെയ്തു
Thursday, November 28, 2024 2:27 AM IST
കോഴിക്കോട്: യുണൈറ്റഡ് ഇന്‍ഡോര്‍ കോംപാക്‌ട് സംഘടിപ്പിച്ച പ്രോ കിക്ക് ബോക്സിംഗ് ചാമ്പ്യന്‍ഷിപ്പായ ‘ഫൈറ്റ് നൈറ്റ്’ ബോചെ കിക്ക് ബോക്സിംഗ് പ്രദര്‍ശനം നടത്തിക്കൊണ്ട് ഉദ്ഘാടനം ചെയ്തു.
വിജയികള്‍ക്കുള്ള ഫൈറ്റ് ബെല്‍റ്റ് വിതരണവും അദ്ദേഹം നിര്‍വഹിച്ചു. കോഴിക്കോട് ലുലു മാളില്‍ സംഘടിപ്പിച്ച പരിപാടിയില്‍ ഡബ്ല്യുബിസി, ഐബിസി, യുഐസി പ്രോ ബോക്സിംഗ് ചാമ്പ്യന്‍ഷിപ്പുകള്‍ അരങ്ങേറി.
2025 ഫെബ്രുവരിയില്‍ വരാനിരിക്കുന്ന ചാമ്പ്യന്‍ഷിപ്പുകളുടെ ആദ്യ ഘട്ടം ബോചെ ആയിരമേക്കറില്‍വച്ച് നടത്തുമെന്ന് ഉദ്ഘാടനവേളയില്‍ ബോചെ അറിയിച്ചു.
ചാമ്പ്യന്‍ഷിപ്പുകള്‍ അന്താരാഷ്‌ട്ര നിലവാരത്തിലുള്ളവയാണെന്ന് ചടങ്ങില്‍ അദ്ദേഹം അഭിപ്രായപ്പെട്ടു. വിവിധ സംസ്ഥാനങ്ങളില്‍നിന്നും നേപ്പാള്‍, ശ്രീലങ്ക, അഫ്ഗാനിസ്ഥാന്‍ എന്നീ രാജ്യങ്ങളില്‍ നിന്നുമുള്ള നിരവധി താരങ്ങള്‍ ചാമ്പ്യന്‍ഷിപ്പില്‍ പങ്കെടുത്തു.