വിളവെടുപ്പ് സെപ്റ്റംബറിലേക്കു നീളുമെന്നാണ് ഏലം മുഖ്യമായി വിളയുന്ന മേഖലകളിലെ കർഷകരുടെ വിലയിരുത്തൽ. നേരത്തേ, സീസണ് ഓഗസ്റ്റിൽ തുടങ്ങുമെന്ന പ്രതീക്ഷയിലായിരുന്നു. കയറ്റുമതിക്കാരും ആഭ്യന്തര ഇടപാടുകാരും ഏലക്ക സംഭരണത്തിനു മത്സരിച്ചെങ്കിലും വിലയുയർത്താൻ അവർ താത്പര്യം കാണിച്ചില്ല. വാരാന്ത്യം ശരാശരി ഇനങ്ങൾ കിലോ 2445 രൂപയിലും മികച്ചയിനങ്ങൾ 3100 രൂപയിലുമാണ്.
കൊപ്രയ്ക്കു നഷ്ടം കൊപ്രയാട്ട് വ്യവസായികൾ വെളിച്ചെണ്ണ വിലയുയർത്താൻ ശ്രമിച്ചെങ്കിലും കൂടിയ വില നൽകി കൊപ്ര ശേഖരിക്കാൻ തയാറായില്ല. വിദേശ പാചകയെണ്ണകൾ ഉയർത്തിയ ശക്തമായ മത്സരമാണ് അവരെ കൊപ്രയിൽനിന്നു പിന്തിരിപ്പിക്കുന്നത്. കൊച്ചിയിൽ വെളിച്ചെണ്ണയെ 15,200 രൂപ വരെ ഉയർത്തിയെങ്കിലും കൊപ്രയെ 10,000 കടത്തിവിടാൻ മില്ലുകാർ തയാറായില്ല. എണ്ണ സ്റ്റോക്ക് ഉയർന്ന വിലയ്ക്കു വിപണിയിലിറക്കാനുള്ള നീക്കമാണു നടക്കുന്നത്. മില്ലുകാർ ചരക്ക് സംഭരണത്തിൽ കാണിക്കുന്ന തണുപ്പൻ മനോഭാവം മൂലം കർഷകർക്കു പച്ചത്തേങ്ങയും കൊപ്രയും മെച്ചപ്പെട്ട വിലയ്ക്കു വിറ്റുമാറാനായില്ല.
![](/Newsimages/kopra1_2024janu01.jpg)
തമിഴ്നാട്ടിൽ 9200-9300 രൂപയ്ക്കു കൊപ്ര ലഭ്യമാണ്. കാങ്കയത്തെ മില്ലുകാർ ഗുണമേൻമ കുറഞ്ഞ കൊപ്രയും കലർത്തി എണ്ണ ഉത്പാദിപ്പിക്കുന്നതിനാൽ അവർക്കു വിലയിടിച്ചു ചരക്ക് വിറ്റഴിക്കാനാവുന്നു. നമ്മുടെ വിലയിലും ക്വിന്റലിന് 1600 രൂപ താഴ്ത്തി 13,800 രൂപയാണു വാരാന്ത്യം രേഖപ്പെടുത്തിയത്. ഇതിനിടെ, നാഫെഡ് സംഭരിച്ച കൊപ്ര ലേലത്തിൽ ഇറക്കുകയാണ്. ഈ ചരക്ക് രംഗത്തെത്തുന്നതോടെ വിപണി ആടിയുലയാം.
ചാഞ്ചാടി സ്വര്ണം ![](/Newsimages/gold_2024mar11.jpg)
ആഭരണവിപണികളിൽ സ്വർണവില പവന് 54,120 രൂപയിൽനിന്ന് 53,680ലേക്കു താഴ്ന്നങ്കിലും വാരാന്ത്യം 54,080ലാണ്.
നാടന് ഡിമാന്ഡ് കുറവ് ഉത്തരേന്ത്യയിൽ ഇറക്കുമതി കുരുമുളക്, വില്പനയ്ക്ക് ഇറങ്ങിയതിനിടയിൽ വാങ്ങലുകാർ നാടൻ ചരക്കിൽനിന്ന് അല്പം പിൻവലിഞ്ഞു. ദക്ഷിണേന്ത്യൻ മാർക്കറ്റിൽ ഡിമാൻഡ് മങ്ങിയതു വിലയെ ബാധിച്ചു. അതേസമയം, ഉത്തരേന്ത്യൻ കറി മസാല പൗഡർ യൂണിറ്റുകൾ ഹൈറേഞ്ച്, കൂർഗ് മുളകിൽ താത്പര്യം നിലനിർത്തി.
![](/Newsimages/pepper_2024april01.jpg)
അടുത്ത മാസം രണ്ടാം പകുതിയിൽ ഉത്തരേന്ത്യയിൽ ഉത്സവ സീസണിനു തുടക്കം കുറിക്കും. സുഗന്ധവ്യഞ്ജനങ്ങൾക്ക് ഈയവസരത്തിൽ ഡിമാൻഡ് ഉയരുമെന്ന പ്രതീക്ഷയിലാണ് ഒരു വിഭാഗം വ്യാപാരികൾ. കൊച്ചിയിൽ അണ്ഗാർബിൾഡ് കുരുമുളക് വില 66,000 രൂപ.