പ്രദേശവാസികൾ ചിത്രീകരിച്ച വീഡിയോയിൽ, സ്ഫോടനമുണ്ടായ സ്ഥലത്തുനിന്ന് വൻതോതിൽ പുക ഉയരുന്നതു കാണാം. രണ്ടു കിലോമീറ്റർ അകലെവരെ സ്ഫോടനത്തിന്റെ ശബ്ദം കേട്ടതായി റിപ്പോർട്ടുണ്ട്.
അതേസമയം, രാജ്യതലസ്ഥാനത്തെ ക്രമസമാധാന തകർച്ചയ്ക്കു കാരണം കേന്ദ്രം ഭരിക്കുന്ന ബിജെപിയാണെന്ന ആരോപണവുമായി ഡൽഹി മുഖ്യമന്ത്രി അതിഷി മർലേന രംഗത്തുവന്നു. ഡൽഹിയുടെ ക്രമസമാധാന ചുമതല കേന്ദ്രസർക്കാരിനാണ്. എന്നാൽ അവർ ഇക്കാര്യം അവഗണിക്കുകയും ഡൽഹിയിൽ തെരഞ്ഞെടുക്കപ്പെട്ട സർക്കാരുകളുടെ പ്രവർത്തനം തടസപ്പെടുത്താൻ ശ്രമിക്കുകയുമാണ്.
അധോലോക കാലത്തെ മുംബൈക്കു സമാനമാണ് ഡൽഹിയെന്നും അതിഷി എക്സിൽ കുറിച്ചു. സംസ്ഥാനത്തെ ക്രമസമാധാന സംവിധാനം തുറന്നുകാട്ടുന്നതാണ് ഇന്നലെ നടന്ന സ്ഫോടനമെന്നും അവർ ആരോപിച്ചു.