കാ​പ്പി കു​ടി​ച്ച ശേ​ഷം ബാ​ക്കി അ​ൽ​പ്പം തെ​രു​വി​ലെ ഓ​ട​യി​ലേ​ക്ക് ഒ​ഴി​ച്ച​തി​ന് ല​ണ്ട​നി​ൽ വ​നി​താ യാ​ത്രി​ക​യ്ക്ക് 17,500 രൂ​പ പി​ഴ ചു​മ​ത്തി. പ​രി​സ്ഥി​തി നി​യ​മ​ങ്ങ​ളെ​ക്കു​റി​ച്ചു​ള്ള പൊ​തു​ജ​ന​ങ്ങ​ളു​ടെ അ​റി​വി​ല്ലാ​യ്മ​യും നി​യ​മം ന​ട​പ്പാ​ക്കു​ന്ന രീ​തി​യും ചോ​ദ്യം ചെ​യ്യ​പ്പെ​ട്ട​തോ​ടെ, സൗ​ത്ത്-​വെ​സ്റ്റ് ല​ണ്ട​നി​ലെ റി​ച്ച്മ​ണ്ട് കൗ​ൺ​സി​ൽ ത​ങ്ങ​ളു​ടെ തീ​രു​മാ​നം റ​ദ്ദാ​ക്കു​ക​യും യാ​ത്ര​ക്കാ​രി​ക്ക് മു​ന്ന​റി​യി​പ്പ് ന​ൽ​കി വി​ട്ട​യ​ക്കു​ക​യും ചെ​യ്തു.

ക്യൂ​വി​ൽ താ​മ​സി​ക്കു​ന്ന ബു​ർ​ക്കു യെ​സി​ല്യു​ർ​ട്ട് ആ​ണ് ഈ ​അ​പ്ര​തീ​ക്ഷി​ത സം​ഭ​വ​ത്തി​ന് ഇ​ര​യാ​യ​ത്. താ​ൻ ക​യ​റാ​ൻ പോ​കു​ന്ന ബ​സി​ൽ കാ​പ്പി തു​ളു​മ്പി​പ്പോ​കു​ന്ന​ത് ഒ​ഴി​വാ​ക്കാ​നാ​യി, ത​ന്‍റെ റീ​യൂ​സ​ബി​ൾ ക​പ്പി​ൽ അ​വ​ശേ​ഷി​ച്ചി​രു​ന്ന അ​ൽ​പ്പം കാ​പ്പി റി​ച്ച്മ​ണ്ട് സ്റ്റേ​ഷ​ന് സ​മീ​പ​മു​ള്ള ബ​സ് സ്റ്റോ​പ്പി​ലെ ഓ​ട​യി​ലേ​ക്ക് ഒ​ഴി​ച്ച​തി​നാ​ണ് പി​ഴ ച​മ​ത്തി​യ​ത്.

എ​ന്നാ​ൽ, കാ​പ്പി ഒ​ഴി​ച്ച ഉ​ട​ൻ ത​ന്നെ, മൂ​ന്ന് നി​യ​മ​പാ​ല​ക​ർ എ​ത്തി അ​വ​രെ ത​ട​യു​ക​യും നി​യ​മ​ലം​ഘ​ന​ത്തി​ന് പി​ഴ ചു​മ​ത്തു​ക​യു​മാ​യി​രു​ന്നു. യെ​സി​ല്യു​ർ​ട്ടി​നെ അ​മ്പ​ര​പ്പി​ച്ചു​കൊ​ണ്ട്, 1990-ലെ ​സെ​ക്ഷ​ൻ 33, പ​രി​സ്ഥി​തി സം​ര​ക്ഷ​ണ നി​യ​മ​പ്ര​കാ​ര​മാ​ണ് പി​ഴ ചു​മ​ത്തി​യ​ത്.

ഭൂ​മി​യെ​യോ ജ​ല​ത്തെ​യോ മ​ലി​ന​പ്പെ​ടു​ത്താ​ൻ സാ​ധ്യ​ത​യു​ള്ള രീ​തി​യി​ൽ മാ​ലി​ന്യം നി​ക്ഷേ​പി​ക്കു​ക​യോ നീ​ക്കം ചെ​യ്യു​ക​യോ ചെ​യ്യു​ന്ന​ത് കു​റ്റ​ക​ര​മാ​ക്കു​ന്ന നി​യ​മ​മാ​ണി​ത്. തെ​രു​വി​ലെ ഓ​ട​ക​ളി​ലേ​ക്ക് ദ്രാ​വ​ക​ങ്ങ​ൾ ഒ​ഴു​ക്കു​ന്ന​തും ഈ ​നി​യ​മ​ത്തി​ന്‍റെ പ​രി​ധി​യി​ൽ വ​രും.

താ​ൻ കു​റ്റ​ക​ര​മാ​യ എ​ന്തോ ചെ​യ്ത​താ​യി ഉ​ദ്യോ​ഗ​സ്ഥ​ർ പ​റ​ഞ്ഞ​പ്പോ​ൾ "ഞെ​ട്ടി​പ്പോ​യി' എ​ന്നും, ഇ​ത് നി​യ​മ​പ​ര​മാ​യി തെ​റ്റാ​ണെ​ന്ന് ത​നി​ക്ക് അ​റി​യി​ല്ലാ​യി​രു​ന്നു എ​ന്നും യെ​സി​ല്യു​ർ​ട്ട് വ്യ​ക്ത​മാ​ക്കി. നി​യ​മ​ത്തെ​ക്കു​റി​ച്ച് മു​ന്ന​റി​യി​പ്പ് ന​ൽ​കു​ന്ന ബോ​ർ​ഡു​ക​ളോ സൂ​ച​ന​ക​ളോ സ്ഥ​ല​ത്തു​ണ്ടോ എ​ന്ന് താ​ൻ ഉ​ദ്യോ​ഗ​സ്ഥ​രോ​ട് ചോ​ദി​ച്ചെ​ങ്കി​ലും അ​വ​ർ മ​റു​പ​ടി ന​ൽ​കി​യി​ല്ല എ​ന്നും അ​വ​ർ കൂ​ട്ടി​ച്ചേ​ർ​ത്തു.

ബാ​ക്കി​യാ​യ കാ​പ്പി എ​ന്തു​ചെ​യ്യ​ണ​മാ​യി​രു​ന്നു എ​ന്ന ചോ​ദ്യ​ത്തി​ന്, അ​ടു​ത്തു​ള്ള മാ​ലി​ന്യ സം​ഭ​ര​ണി​യി​ലി​ട​ണ​മാ​യി​രു​ന്നു എ​ന്നാ​ണ് ഉ​ദ്യോ​ഗ​സ്ഥ​ർ മ​റു​പ​ടി ന​ൽ​കി​യ​ത്. സം​ഭ​വം സോ​ഷ്യ​ൽ മീ​ഡി​യ​യി​ൽ വ​ലി​യ ച​ർ​ച്ച​യാ​യ​തോ​ടെ, റി​ച്ച്മ​ണ്ട് കൗ​ൺ​സി​ൽ വി​ഷ​യം പു​നഃ​പ​രി​ശോ​ധി​ച്ചു.

ത​ങ്ങ​ളു​ടെ ഉ​ദ്യോ​ഗ​സ്ഥ​രു​ടെ ദേ​ഹ​ത്ത് ഘ​ടി​പ്പി​ച്ച കാ​മ​റ​യി​ലെ ദൃ​ശ്യ​ങ്ങ​ൾ പ​രി​ശോ​ധി​ച്ച​പ്പോ​ൾ, ഉ​ദ്യോ​ഗ​സ്ഥ​ർ പ്രൊ​ഫ​ഷ​ണ​ലാ​യി ത​ന്നെ​യാ​ണ് പെ​രു​മാ​റി​യ​തെ​ന്നും നി​യ​മ​ലം​ഘ​നം ന​ട​ന്നി​ട്ടു​ണ്ടെ​ന്നും കൗ​ൺ​സി​ൽ വ​ക്താ​വ് ആ​ദ്യ​ഘ​ട്ട​ത്തി​ൽ വി​ല​യി​രു​ത്തി.

എ​ങ്കി​ലും, സം​ഭ​വ​ത്തി​ന്‍റെ സ്വ​ഭാ​വം ക​ണ​ക്കി​ലെ​ടു​ത്തും, അ​പ്പീ​ൽ ന​ൽ​കി​യാ​ൽ ഈ ​പി​ഴ റ​ദ്ദാ​ക്കാ​ൻ സാ​ധ്യ​ത​യു​ണ്ടെ​ന്ന് വി​ല​യി​രു​ത്തി​യ​തി​നെ തു​ട​ന്നും, കൗ​ൺ​സി​ൽ ത​ങ്ങ​ളു​ടെ തീ​രു​മാ​നം മാ​റ്റു​ക​യാ​യി​രു​ന്നു. ബു​ധ​നാ​ഴ്ച യെ​സി​ല്യു​ർ​ട്ടി​ന് അ​യ​ച്ച ഇ-​മെ​യി​ലി​ൽ "പ​രി​ശോ​ധ​ന​യി​ൽ, ഫി​ക്സ​ഡ് പെ​നാ​ൽ​റ്റി നോ​ട്ടീ​സ് റ​ദ്ദാ​ക്കി​യി​രി​ക്കു​ന്നു' എ​ന്ന് കൗ​ൺ​സി​ൽ അ​റി​യി​ച്ചു.

ത​നി​ക്ക് നേ​രി​ട്ട ദു​ര​നു​ഭ​വം പ​രി​ഗ​ണി​ച്ച കൗ​ൺ​സി​ലി​ന്‍റെ ന​ട​പ​ടി​യി​ൽ സ​ന്തോ​ഷ​മു​ണ്ടെ​ന്ന് പി​ഴ റ​ദ്ദാ​ക്കി​യ ശേ​ഷം ബു​ർ​ക്കു യെ​സി​ല്യു​ർ​ട്ട് പ്ര​തി​ക​രി​ച്ചു. കൂ​ടു​ത​ൽ വ്യ​ക്ത​മാ​യ ബോ​ർ​ഡു​ക​ളോ പൊ​തു​ജ​ന അ​വ​ബോ​ധ​മോ ഇ​ല്ലാ​ത്ത ഇ​ത്ത​രം നി​യ​മ​ങ്ങ​ൾ സാ​ധാ​ര​ണ​ക്കാ​ർ​ക്ക് വ​ലി​യ ബു​ദ്ധി​മു​ട്ടു​ണ്ടാ​ക്കു​മെ​ന്ന ആ​ശ​ങ്ക​യും ഈ ​സം​ഭ​വം ഉ​യ​ർ​ത്തി​യി​ട്ടു​ണ്ട്.

Tags : Coffee Crim Fined Commuter