ന്യൂയോർക്ക്: യുവതലമുറയ്ക്ക് പ്രാധാന്യം നൽകി ഫോമയിൽ മാറ്റത്തിന്റെ കാഹളമായി "ടീം പ്രോമിസ്'. അവിഭക്ത ഫൊക്കാനയിലും ഫോമയിലും മറ്റു സംഘടനകളിലും ദേശീയ നേതൃത്വത്തിൽ വിജയകരമായി പ്രവർത്തിച്ചിട്ടുള്ള മാത്യു വർഗീസാണ് (ജോസ്, ഫ്ലോറിഡ) ടീം പ്രോമിസിന് നേതൃത്വം നൽകുന്നത്.
പാനലിൽ ജനറൽ സെക്രട്ടറിയായി ഫിലാഡൽഫിയയിൽ നിന്ന് അനു സ്കറിയയും ട്രഷററായി ന്യൂയോർക്കിൽ നിന്ന് ബിനോയി തോമസും വൈസ് പ്രസിഡന്റായി കാലിഫോർണിയയിൽ നിന്ന് ജോൺസൺ ജോസഫും ജോ. സെക്രട്ടറിയായി ഡാളസിൽ നിന്ന് രേഷ്മ രഞ്ജനും ജോ. ട്രഷററായി ഫ്ലോറിഡയിൽ നിന്ന് ടിറ്റോ ജോണും മത്സരിക്കുന്നു.
സംഘടനയ്ക്ക് കൂടുതൽ കരുത്തും സേവനരംഗത്ത് പുതിയ കാൽവയ്പുകളും എന്നതാണ് പാനൽ ലക്ഷ്യമിടുന്നത്. നിലവിലുള്ള നല്ല പ്രോജക്ടുകൾ തുടരുകയും പുതിയവയ്ക്ക് തുടക്കമിടുകയും ചെയ്യും. ഇവിടെ വിഷമതകളിലൂടെ കടന്നു പോകുന്നവർക്ക് അത്താണിയാവുക എന്നതാണ് പ്രഥമ ലക്ഷ്യമെന്ന് ടീം അറിയിച്ചു.
Tags : Foma The Promise USA