അ​ട​ച്ചി​ട്ട വീ​ട് കു​ത്തി​ത്തു​റ​ന്ന് സ്വ​ര്‍​ണം ക​വ​ര്‍​ന്ന പ്ര​തി അറസ്റ്റിൽ
Sunday, March 3, 2024 7:54 AM IST
കുന്നം​കു​ളം: പോ​ര്‍​ക്കു​ളം ക​മ്പി​പ്പാ​ല​ത്ത് അ​ട​ച്ചി​ട്ട വീ​ട് കു​ത്തി​ത്തു​റ​ന്ന് സ്വ​ര്‍​ണം ക​വ​ര്‍​ന്ന പ്ര​തി​യെ കു​ന്നം​കു​ളം പോ​ലീ​സ് അ​റ​സ്റ്റ് ചെ​യ്തു. ചാ​ല​ക്കു​ടി പ​രി​യാ​രം സ്വ​ദേ​ശി ചെ​റി​യ​ക്ക​ര വീ​ട്ടി​ല്‍ ജെ​യ്‌​സ​നെ​യാ​ണ് കു​ന്നം​കു​ളം സ്റ്റേ​ഷ​ന്‍ ഹൗ​സ് ഓ​ഫീ​സ​ര്‍ യു.​കെ. ഷാ​ജ​ഹാ​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​റ​സ്റ്റ് ചെ​യ്ത​ത്.

ക​ഴി​ഞ്ഞ 13നു രാ​വി​ലെ 10 മ​ണി​ക്കും 19നു ​രാ​വി​ലെ 9.45നും ​ഇ​ട​യി​ലു​ള്ള സ​മ​യ​ത്താ​ണ് മോ​ഷ​ണം ന​ട​ന്ന​ത്. ക​മ്പി​പ്പാ​ലം സ്വ​ദേ​ശി​നി ഇ​ന്ദി​ര​യു​ടെ വീ​ട്ടി​ലെ അ​ല​മാ​ര​യി​ല്‍ സൂ​ക്ഷി​ച്ച 1.30 ലക്ഷം രൂ​പ വി​ലവ​രു​ന്ന ര​ണ്ട​ര പ​വ​നോ​ളം തൂ​ക്കം വ​രു​ന്ന മാ​ല​യാ​ണ് പ്ര​തി ക​വ​ര്‍​ന്ന​ത്.

വീ​ടി​ന്‍റെ മു​ന്‍​വ​ശ​ത്തെ വാ​തി​ല്‍ കു​ത്തി​ത്തു​റ​ന്ന് അ​ക​ത്തുക​യ​റി​യ പ്ര​തി ബെ​ഡ്‌​റൂ​മി​ലെ അ​ല​മാ​ര​യി​ല്‍ സൂ​ക്ഷി​ച്ച സ്വ​ര്‍​ണ​മാ​ണ് ക​വ​ര്‍​ന്ന​ത്.​ തു​ട​ര്‍​ന്ന് വീ​ട്ടു​കാ​ര്‍ കു​ന്നം​കു​ളം പോ​ലീ​സി​ല്‍ ന​ല്‍​കി​യ പ​രാ​തി​യു​ടെ അ​ടി​സ്ഥാ​ന​ത്തി​ല്‍ പോ​ലീ​സ് കേ​സെ​ടു​ത്ത് സി​സി​ടി​വി കാ​മ​റ​ക​ള്‍ കേ​ന്ദ്രീ​ക​രി​ച്ചു ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യി​ലാ​യ​ത്.

വൈ​ദ്യപ​രി​ശോ​ധ​ന​യ്ക്കു ശേ​ഷം പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി. ജ​യി​ലി​ലാ​യി​രു​ന്ന പ്ര​തി അ​ടു​ത്തി​ടെ​യാ​ണ് പു​റ​ത്തി​റ​ങ്ങി​യ​ത്.​സ​മാ​ന​മാ​യ രീ​തി​യി​ല്‍ സ​മീ​പ​ത്തെ വീ​ട്ടി​ലും ഇ​യാ​ള്‍ മോ​ഷ​ണ​ശ്ര​മം ന​ട​ത്തി​യി​ട്ടു​ണ്ട്.