അ​മ്മ​യെ വെ​ട്ടാ​ന്‍ ഒ​രു​ങ്ങി​യ മ​ക​ൻ; പോലീസ് കീ​ഴ്‌​പ്പെ​ടു​ത്തി
Tuesday, November 28, 2023 1:57 AM IST
തൃ​ശൂ​ര്‍: ക​ഴി​ഞ്ഞ ദി​വ​സം രാ​ത്രി തൃ​ശൂ​ര്‍ ടൗ​ണ്‍ വെ​സ്റ്റ് പോ​ലീ​സ് സ്റ്റേ​ഷ​നി​ലേ​ക്ക് ഒ​രു ഫോ​ണ്‍സ​ന്ദേ​ശം വ​ന്നു. രാ​ത്രി ഒ​മ്പ​തു​മ​ണി​യാ​യി​ക്കാ​ണും. കോ​ട്ട​പ്പു​റം പ്ര​ദേ​ശ​ത്തെ ഒ​രു വീ​ട്ടി​ല്‍ അ​ക്ര​മം ന​ട​ക്കു​ന്നു, അ​ടി​യ​ന്ത​ര​മാ​യി അ​വി​ടേ​ക്ക് എ​ത്ത​ണം എ​ന്നാ​ണ് സ​ന്ദേ​ശം. ഡ്യൂ​ട്ടി​യി​ലു​ണ്ടാ​യി​രു​ന്ന സ​ബ് ഇ​ന്‍​സ്‌​പെ​ക്ട​ര്‍ അ​നൂ​പ്, സി​പി​ഒ​മാ​രാ​യ അ​ജി​ത് ലാ​ല്‍, ര​ഞ്ജി​ത്, ഹോം​ഗാ​ര്‍​ഡ് ബേ​ബി എ​ന്നി​വ​ര്‍ വാ​ഹ​ന​ത്തി​ല്‍ ക​യ​റി, നി​മി​ഷനേ​രം കൊ​ണ്ടു​ത​ന്നെ സ്ഥ​ല​ത്തെ​ത്തി.

വീ​ടി​നു മു​മ്പി​ല്‍ അ​ഞ്ചാ​റു​പേ​ര്‍കൂ​ടി നി​ല്‍​ക്കു​ന്നു​ണ്ട്. അ​തു​ക​ണ്ട​പ്പോ​ഴേ എ​ന്തോ പ​ന്തി​കേ​ടു​ണ്ടെ​ന്നു തോ​ന്നി. വീ​ടി​ന​ക​ത്തു​നി​ന്നും വ​ലി​യ ബ​ഹ​ളം കേ​ള്‍​ക്കു​ന്നു​ണ്ട്. എ​ന്താ​ണ് സം​ഭ​വ​മെ​ന്ന് അ​വി​ടെ കൂ​ടി​യി​രു​ന്ന​വ​രോ​ടു പോ​ലീ​സ് ഉദ്യോ​ഗ​സ്ഥ​ര്‍ ചോ​ദി​ച്ചു.

വീ​ടി​ന​ക​ത്ത് ഒ​രു ചെ​റു​പ്പ​ക്കാ​ര​നു​ണ്ട്. അ​യാ​ള്‍ വെ​ട്ടു​ക​ത്തി​യെ​ടു​ത്ത് അ​മ്മ​യെ കൊ​ല്ലു​മെ​ന്നു പ​റ​ഞ്ഞ് ഭീ​ഷ​ണി​പ്പെ​ടു​ത്തു​ക​യാ​ണ്. പോ​ലീ​സ് ഉദ്യോ​ഗ​സ്ഥ​ര്‍ പ​തു​ക്കെ വീ​ടി​ന്‍റെ വ​രാ​ന്ത​യി​ലേ​ക്കു ക​ട​ന്നു. സാ​ധ​ന​ങ്ങ​ളൊ​ക്കെ ആ​കെ വാ​രിവ​ലി​ച്ചെ​റി​ഞ്ഞി​രി​ക്കു​ക​യാ​ണ്. പ്രാ​യ​മാ​യ ഒ​രു സ്ത്രീ ​ക​ര​യു​ന്ന ശ​ബ്ദം.

""അ​രു​ത് മോ​നേ, അ​ങ്ങ​നെ ചെ​യ്യ​ല്ലേ...'' ​പ്രാ​യ​മാ​യ സ്ത്രീ ​അ​വ​നോ​ടു ക​ര​ഞ്ഞ് പ​റ​യു​ക​യാ​ണ്. പെ​ട്ടെ​ന്നാ​ണ് അ​വ​ന്‍ അ​ല​റി​ക്കൊ​ണ്ട് റൂ​മി​നു പു​റ​ത്തേ​ക്കു വ​ന്ന​ത്. അ​വ​ന്‍റെ കൈയി​ല്‍ ഒ​രു വെ​ട്ടു​ക​ത്തി​യു​മു​ണ്ട്.

""എ​നി​ക്ക് കൊ​ല്ല​ണം, ഞാ​ന്‍ എ​ല്ലാ​വ​രെ​യും കൊ​ല്ലും.'' പോ​ലീ​സു​ദ്യോ​ഗ​സ്ഥ​രെ ക​ണ്ട​തും അ​വ​ന്‍ കൂ​ടു​ത​ല്‍ രോ​ഷാ​കു​ല​നാ​യി. കൈ​യി​ല്‍ ആ​യു​ധ​വു​മാ​യി രോ​ഷ​ത്തോ​ടെ നി​ല്‍​ക്കു​ന്ന ചെ​റു​പ്പ​ക്കാ​ര​നെ എ​ങ്ങ​നെ നേ​രി​ടും. സ​ബ് ഇ​ന്‍​സ്‌​പെ​ക്ട​ര്‍ അ​നൂ​പും സം​ഘ​വും വ​ള​രെ സം​യ​മ​ന​ത്തോ​ടെ​യാ​ണ് അ​യാ​ളെ സ​മീ​പി​ച്ച​ത്. അയാൾ വെ​ട്ടു​ക​ത്തി​യെ​ടു​ത്ത് ചു​റ്റു​പാ​ടും വീ​ശി. പോ​ലീ​സ് ഉദ്യോ​ഗ​സ്ഥ​ര്‍ അ​ക​ലേ​ക്ക് മാ​റി നി​ന്നു.


ധൈ​ര്യം സം​ഭ​രി​ച്ച്
ഹോം​ഗാ​ര്‍​ഡ്

എ​ത്ര​നേ​രം ക​ഴി​ഞ്ഞി​ട്ടും അ​വ​ന്‍ അ​നു​സ​രി​ക്കു​ന്നി​ല്ലെ​ന്ന ഘ​ട്ടം വ​ന്ന​പ്പോ​ള്‍, പോ​ലീ​സ് സം​ഘ​ത്തി​ലെ ഹോം ​ഗാ​ര്‍​ഡ് ബേ​ബി, പ​തു​ക്കെ അ​വ​ന്‍റെ അ​ടു​ത്തേ​ക്കു ചെ​ന്നു. അ​നു​ന​യി​പ്പി​ക്കാ​ന്‍ ശ്ര​മി​ക്കു​ന്ന ഭാ​വ​ത്തി​ല്‍ അ​വ​നെ കെ​ട്ടി​പ്പി​ടി​ച്ചു. അ​വ​ന്‍ കു​ത​റാ​ന്‍ ശ്ര​മി​ച്ചു. പെ​ട്ടെ​ന്നുത​ന്നെ എ​ല്ലാ പോ​ലീ​സു​ദ്യോ​ഗ​സ്ഥ​രും ചേ​ര്‍​ന്ന് ബ​ലം​പ്ര​യോ​ഗി​ച്ച് അ​വ​ന്‍റെ കൈ​വ​ശ​മു​ണ്ടാ​യി​രു​ന്ന വെ​ട്ടു​ക​ത്തി പി​ടി​ച്ചെ​ടു​ത്തു, അ​പ​ക​ട​നി​ല ഒ​ഴി​വാ​ക്കി.

മ​യ​ക്കു​മ​രു​ന്നി​ന് അ​ടി​മ​യാ​യി അ​ക്ര​മാ​സ​ക്ത​നാ​യ ചെ​റു​പ്പ​ക്കാ​ര​നെ കു​ടും​ബാം​ഗ​ങ്ങ​ളോ​ടൊ​പ്പം ആ​ശു​പ​ത്രി​യി​ലെ​ത്തി​ക്കു​ന്ന​തി​നു​ള്ള സ​ഹാ​യ​ങ്ങ​ളും ചെ​യ്തു​കൊ​ടു​ത്ത​തി​നു​ശേ​ഷ​മാ​ണ് പോ​ലീ​സുകാർ സ്റ്റേ​ഷ​നി​ലേ​ക്കു മ​ട​ങ്ങി​യ​ത്.

ന​മു​ക്ക് ഒ​രു​മി​ക്ക​ണം

ചെ​റു​പ്പ​ക്കാ​ര്‍​ക്കി​ട​യി​ല്‍ വ്യാ​പ​ക​മാ​യി​ക്കൊ​ണ്ടി​രി​ക്കു​ന്ന മ​യ​ക്കു​മ​രു​ന്ന് ദു​രു​പ​യോ​ഗ​ത്തി​ന്‍റെ നേ​ര്‍​ച്ചി​ത്ര​മാ​ണ് പ​റ​ഞ്ഞ​ത്. കു​ടും​ബ​ത്തി​ന് അ​ത്താ​ണി​യാ​കേ​ണ്ട യു​വാ​ക്ക​ള്‍ ല​ഹ​രിവ​സ്തു​ക്ക​ള്‍​ക്ക് അ​ടി​മ​യാ​കു​ന്ന​തോ​ടെ കു​ടും​ബ​ത്തി​ന്‍റെ ഭാ​വി ഒ​ന്ന​ട​ങ്കം അ​നി​ശ്ചി​ത​ത്വ​ത്തി​ലും അ​പ​ക​ട​ത്തി​ലു​മാ​കു​ന്നു. അ​ങ്ങ​നെ കു​റേ കു​ടും​ബ​ങ്ങ​ള്‍ ചേ​ര്‍​ന്ന​താ​ണ​ല്ലോ ന​മ്മു​ടെ സ​മൂ​ഹം. സ​മൂ​ഹ​ത്തി​നെ​തി​രാ​യ ഈ ​യു​ദ്ധ​ത്തി​ല്‍ നാം ​ഒ​ന്നി​ച്ച് അ​ണി​ചേ​രു​ക ത​ന്നെ വേ​ണം. എ​ങ്കി​ല്‍ മാ​ത്ര​മേ നാം ​വി​ജ​യി​ക്കു​ക​യു​ള്ളൂ: പോലീസ് പറയുന്നു.

Copyright @ 2022 , Rashtra Deepika Ltd.