കൊ​ച്ചി: ആ​റു വ​ര്‍​ഷ​ങ്ങ​ള്‍​ക്ക് ശേ​ഷം മ​ട്ടാ​ഞ്ചേ​രി​യി​ല്‍ നി​ന്നു ബോ​ട്ട് സ​ര്‍​വീ​സ് ആ​രം​ഭി​ച്ചെ​ങ്കി​ലും ബോ​ട്ട് ജെ​ട്ടി ഇ​രു​ട്ടി​ല്‍ ത​ന്നെ. ടെ​ര്‍​മി​ന​ല്‍ പ​രി​സ​ര​ത്ത് കൊ​ച്ചി കോ​ര്‍​പ​റേ​ഷ​ന്‍ സ്ഥാ​പി​ച്ച തെ​രു​വു​വി​ള​ക്കു​ക​ളൊ​ന്നും പ്ര​വ​ര്‍​ത്ത​ന​ക്ഷ​മ​മ​ല്ല. 78 ല​ക്ഷം രൂ​പ ചെ​ല​വി​ല്‍ ന​വീ​ക​രി​ച്ച മ​ട്ടാ​ഞ്ചേ​രി​യി​ലെ ബോ​ട്ട് ജെ​ട്ടി​ക്ക് ഇ​തു​വ​രെ വൈ​ദ്യു​തി ക​ണ​ക്ഷ​ന്‍ പോലും ല​ഭി​ച്ചി​ട്ടു​മി​ല്ല.

മ​ട്ടാ​ഞ്ചേ​രി​യി​ല്‍ നി​ന്ന് എ​റ​ണാ​കു​ള​ത്തേ​ക്കു​ള്ള അ​വ​സാ​ന ബോ​ട്ട് സ​ര്‍​വീ​സ് രാ​ത്രി 7.30ന് ​ആ​ണ്. ഈ ​സ​മ​യം ജെ​ട്ടി​യി​ലെ​ത്തു​ന്ന​വ​ര്‍ ഇ​രു​ട്ടി​ല്‍ ബോ​ട്ടി​ല്‍ ക​യ​റാ​ന്‍ പാ​ടു​പെ​ടു​ക​യാ​ണ്. സ​ര്‍​വീ​സ് പു​ന​രാ​രം​ഭി​ച്ച് ഇ​തി​ന​കം ര​ണ്ടു യാ​ത്ര​ക്കാ​ര്‍ അ​പ​ക​ട​ത്തി​ല്‍​പ്പെ​ട്ടി​ട്ടു​ണ്ട്. ച​രി​ത്ര​പ്രാ​ധാ​ന്യ​മു​ള്ള പ്ര​ദേ​ശം സ​ന്ദ​ര്‍​ശി​ക്കാ​നെ​ത്തു​ന്ന വി​ദേ​ശി​ക​ളും ഇ​തോ​ടെ ബോ​ട്ട് സ​ര്‍​വീ​സി​നെ ആ​ശ്ര​യി​ക്കു​ന്ന​ത് കു​റ​ച്ചി​രി​ക്കു​ക​യാ​ണ്.

ജ​ല​ഗ​താ​ഗ​ത വ​കു​പ്പി​ന്‍റെ കീ​ഴി​ലാ​ണ് ബോട്ട് ജെ​ട്ടി. വെ​ളി​ച്ചം ഇ​ല്ലാ​ത്ത​തി​ല്‍ അ​ധി​കൃ​ത​രു​ടെ ഭാ​ഗ​ത്തി​നി​ന്നു വി​ശ​ദീ​ക​ര​ണ​മൊ​ന്ന​മി​ല്ല. ടെ​ര്‍​മി​ന​ലി​ന്‍റെ ഉ​ദ്ഘാ​ട​ന വേ​ള​യി​ല്‍ ഈ ​പ്ര​ശ്‌​നം പ്ര​ദേ​ശ​വാ​സി​ക​ള​ട​ക്കം അ​ധി​കാ​രി​ക​ളു​ടെ ശ്ര​ദ്ധ​യി​ല്‍​പ്പെ​ടു​ത്തി​യി​രു​ന്നെ​ങ്കി​ലും ഇ​തു​വ​രെ ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല. ഡെ​പ്യൂ​ട്ടി മേ​യ​റു​ടെ ഡി​വി​ഷ​നി​ലാ​ണ് ബോ​ട്ട് ജെ​ട്ടി.

ബോ​ട്ട് ജെ​ട്ടി പ​രി​സ​ര​ത്തെ തെ​രു​വു​വി​ള​ക്കു​ക​ളും അ​ണ​ഞ്ഞ നി​ല​യി​ലാ​ണ്. കൊ​ച്ചി കോ​ര്‍​പ​റേ​ഷ​നാ​ണ് ഇ​തു തെ​ളി​​ക്കു​ന്ന​തി​നു​ള്ള ഉ​ത്ത​ര​വാ​ദി​ത്വം. വെ​ളി​ച്ചം ഇ​ല്ലാ​ത്ത​തു​മൂ​ലം അ​പ​ക​ട​ങ്ങ​ളും പ​തി​വാ​യ സാ​ഹ​ച​ര്യ​ത്തി​ല്‍ അ​ടി​യ​ന്ത​ര ന​ട​പ​ടി വേ​ണ​മെ​ന്ന ആ​വ​ശ്യ​വും ശ​ക്ത​മാ​ണ്.

2018 ലെ ​പ്ര​ള​യ​ത്തി​നു ശേ​ഷം കാ​യ​ല്‍ ചാ​ന​ലി​ല്‍ വ​ലി​യ തോ​തി​ല്‍ ചെ​ളി അ​ടി​ഞ്ഞു​കൂ​ടി​യ​തി​നാ​ല്‍ ഇ​വി​ടേ​ക്കു​ള്ള ബോ​ട്ട് സ​ര്‍​വീ​സു​ക​ള്‍ ആ​റു വ​ര്‍​ഷ​ത്തോ​ളം നി​ര്‍​ത്തി​വ​ച്ചി​രു​ന്നു. പി​ന്നീ​ട് ഡ്ര​ഡ്ജിം​ഗ് ന​ട​ത്തു​ന്ന​തി​ല്‍ ജ​ല​സേ​ച​ന വ​കു​പ്പ് പ​രാ​ജ​യ​പ്പെ​ട്ട​തോ​ടെ ജ​ല​ഗ​താ​ഗ​ത​വ​കു​പ്പ് സി​ല്‍​റ്റ് പു​ഷ​ര്‍ മെ​ഷീ​ന്‍ ഉ​പ​യോ​ഗി​ച്ച് ഡ്ര​ഡ്ജിം​ഗ് ന​ട​ത്തു​ക​യാ​യി​രു​ന്നു.