ആ​ലു​വ: ശി​വ​രാ​ത്രി ആ​ഘോ​ഷ ഒ​രു​ക്ക​ങ്ങ​ളു​ടെ ഭാ​ഗ​മാ​യി ആ​ലു​വ ന​ഗ​ര​ത്തി​ലെ കാ​ന​ക​ളുടെ​യും കാ​ൽ​ന​ട​പ്പാ​ത​ക​ളു​ടെ​യും ന​വീ​ക​ര​ണം പു​ന​രാ​രം​ഭി​ച്ചു. ഒ​രു വ​ർ​ഷ​മാ​യി​ട്ടും ന​ട​പ്പാ​ത ന​വീ​ക​ര​ണം നീ​ണ്ടു പോ​കു​ന്ന​തി​നെ​തി​രേ ശി​വ​രാ​ത്രി അ​വ​ലോ​ക​ന യോ​ഗ​ത്തി​ൽ ച​ർ​ച്ച​യാ​യ​തോ​ടെ​യാ​ണ് ക​ഴി​ഞ്ഞ ദി​വ​സം മു​ത​ൽ ന​വീ​ക​ര​ണം ആ​രം​ഭി​ച്ച​ത്.

റെ​യി​ൽ​വേ സ്റ്റേ​ഷ​ൻ റോ​ഡി​ല​ട​ക്കം കാ​ന ന​വീ​ക​ര​ണം പാ​തി വ​ഴി​യി​ലാ​യ​തോ​ടെ കാ​ൽ​ന​ട​യാ​ത്ര​ക്കാ​രു​ടെ ദു​രി​തം ‘ദീ​പി​ക' റി​പ്പോ​ർ​ട്ട് ചെ​യ്തി​രു​ന്നു. കാ​ന​യു​ടെ ന​വീ​ക​ര​ണ​ത്തോ​ടൊ​പ്പം ഫൂ​ട്ട്പാ​ത്ത് നി​ർ​മാ​ണ​വും ശി​വ​രാ​ത്രി​ക്ക് മു​മ്പ് പൂ​ർ​ത്തി​യാ​ക്ക​ണ​മെ​ന്നാ​ണ് പൊ​തു​മ​രാ​മ​ത്ത് വ​കു​പ്പി​നോ​ട് അ​വ​ലോ​ക​ന യോ​ഗം ആ​വ​ശ്യ​പ്പെ​ട്ടി​രി​ക്കു​ന്ന​ത്. ന​ഗ​ര​ത്തി​ലെ ക​വ​റിം​ഗ് സ്ലാ​ബു​ക​ൾ പ​രി​ശോ​ധി​ച്ച് സു​ര​ക്ഷ ഉ​റ​പ്പു​വ​രു​ത്താ​നും യോ​ഗം നി​ർ​ദ്ദേ​ശി​ച്ചി​ട്ടു​ണ്ട്.

ഇ​തി​നി​ട​യി​ൽ ടൈ​ൽ പാ​കി​ക്ക​ഴി​ഞ്ഞ ന​ട​പ്പാ​ത​ക​ളു​ടെ താ​ഴെ ദ്വാ​ര​ങ്ങ​ളു​ണ്ടാ​യി ഹോ​ട്ട​ൽ മാ​ലി​ന്യം ത​ള്ളു​ന്ന​താ​യി വീ​ണ്ടും ആ​ക്ഷേ​പം ഉ​യ​ർ​ന്നി​ട്ടു​ണ്ട്. കാ​ന ന​വീ​ക​ര​ണ​ത്തി​നാ​യി ഒ​രു വ​ർ​ഷം മു​മ്പ് പൊ​ളി​ച്ച​പ്പോ​ൾ ഹോ​ട്ട​ലു​ക​ളു​ടെ മാ​ലി​ന്യ​ക്കു​ഴ​ൽ പൊ​തു കാ​ന​യി​ലേ​ക്ക് ബ​ന്ധി​പ്പി​ച്ച​താ​യി ക​ണ്ടെ​ത്തി​യി​രു​ന്നു.

റെ​യി​ൽ​വേ സ്‌​റ്റേ​ഷ​ൻ റോ​ഡ്, സ​ബ് ജ​യി​ൽ റോ​ഡു​ക​ളി​ലെ ലോ​ഡ്ജു​ക​ൾ​ക്കും ഹോ​ട്ട​ലു​ക​ൾ​ക്കും ആ​ലു​വ ന​ഗ​ര​സ​ഭ 25,000 രൂ​പ വീ​തം പി​ഴ​യും ഈ​ടാ​ക്കി​യി​രു​ന്നു.