മി​നി സി​വി​ൽ സ്റ്റേ​ഷ​നി​ലെ ലി​ഫ്റ്റി​ൽ കു​ടു​ങ്ങിയയാളെ അഗ്നിരക്ഷാസേന ര​ക്ഷി​ച്ചു
Monday, October 14, 2024 3:51 AM IST
ആ​ലു​വ: അ​ദാ​ല​ത്ത് മാ​റ്റി​യ​ത​റി​യാ​തെ ആ​ലു​വ മി​നി സി​വി​ൽ സ്റ്റേ​ഷ​നി​ൽ എ​ത്തി​യ റിട്ടയേർഡ് എ​യ​ർ​പോ​ർ​ട്ട് ഉ​ദ്യോ​ഗ​സ്ഥ​ൻ ലി​ഫ്റ്റി​ൽ കു​ടു​ങ്ങി. ശ്രീ​മൂ​ല​ന​ഗ​രം സ്വ​ദേ​ശി ജോ​ർ​ജ് സി. ​കൂ​ട്ടാ​ല (72)യാ​ണ് ലി​ഫ്റ്റി​ന്‍റെ ര​ണ്ടാം നി​ല​യി​ൽ കു​ടു​ങ്ങി​യ​ത്. ഇന്നലെ രാ​വി​ലെ 9.30ഓ​ടെയായിരുന്നു സം​ഭ​വം.

ഒ​ന്നേ​കാ​ൽ മ​ണി​ക്കൂ​റി​ന് ശേ​ഷം അഗ്നിരക്ഷാ സേനയെത്തി ലി​ഫ്റ്റ്‌ തു​റ​ന്ന് ജോർജിനെ സു​ര​ക്ഷി​ത​മാ​യി പു​റ​ത്തെ​ത്തി​ക്കു​ക​യാ​യി​രു​ന്നു. മ​റ്റു ശാ​രീ​രി​ക​ബു​ദ്ധി​മു​ട്ടു​ക​ൾ ഒ​ന്നും ഉ​ണ്ടാ​യി​രു​ന്നി​ല്ലെ​ന്ന് പോ​ലീ​സ് അ​റി​യി​ച്ചു.

ജോ​ർ​ജ് ലി​ഫ്റ്റി​ൽ ക​യ​റി​യ ഉ​ട​ൻ ക​റ​ന്‍റ് പോ​യി. ഒ​രു മ​ണി​ക്കൂ​ർ ക​ഴി​ഞ്ഞി​ട്ടും ലി​ഫ്റ്റ് പ്ര​വ​ർ​ത്തി​ക്കാ​ത്ത​തി​നാ​ൽ മൊ​ബൈ​ൽ ഫോ​ൺ ഉ​പ​യോ​ഗി​ച്ച് ക​ൺ​ട്രോ​ൾ റൂ​മി​ലേ​ക്ക് വി​ളി​ച്ചു.


10.45ഓ​ടെ പോ​ലീ​സും അഗ്നിരക്ഷാ സേനയും സി​വി​ൽ സ്റ്റേ​ഷ​നി​ലെ​ത്തി. അ​ദാ​ല​ത്തി​ന്‍റെ തീ​യ​തി മാ​റ്റിയതിനാലാണ് അ​വ​ധി ദി​വ​സ​മാ​ണെ​ന്ന് ഓ​ർ​ക്കാ​തെ ജോ​ർ​ജ് സി​വി​ൽ സ്റ്റേ​ഷ​നി​ലെ​ത്തി​യ​ത്.

സി​വി​ൽ സ്റ്റേ​ഷ​നി​ലെ കേ​ടാ​യ ലി​ഫ്റ്റ് അ​ടു​ത്ത കാ​ല​ത്താ​ണ് പ്ര​വ​ർ​ത്ത​ന​ക്ഷ​മ​മാക്കി​യ​ത്. പ​ല കാ​ര​ണ​ങ്ങ​ളാ​ൽ ലി​ഫ്റ്റ് നി​ന്നു പോ​കു​ന്ന​ത് സി​വി​ൽ സ്റ്റേ​ഷ​നി​ൽ പ​തി​വാ​ണ്.