മൂ​വാ​റ്റു​പു​ഴ: പൊ​ന്നോ​ണ​നാ​ളി​ന് ദി​വ​സ​ങ്ങ​ള്‍ മാ​ത്രം ബാ​ക്കി​നി​ല്‍​ക്കെ ഓ​ണ​സ​ദ്യ​യി​ലെ പ്ര​ധാ​ന താ​ര​മാ​യ ഉ​പ്പേ​രി​ക്കും ശ​ര്‍​ക്ക​ര വ​ര​ട്ടി​ക്കും ആ​വ​ശ്യ​ക്കാ​രേ​റു​ന്നു. ഓ​ണ​നാ​ളി​ന് മൂ​ന്നു​നാ​ള്‍ ശേ​ഷി​ക്കെ തി​ള​ച്ചു മ​റി​യു​ന്ന എ​ണ്ണ​യി​ല്‍ കാ​യ് വ​റ​ക്കു​ന്ന​തി​ന്‍റെ​യും, ശ​ര്‍​ക്ക​ര ലാ​യ​നി​യി​ല്‍ മു​ങ്ങി മ​ധു​ര​മൂ​റു​ന്ന ശ​ര്‍​ക്ക​ര​വ​ര​ട്ടി ഉ​ണ്ടാ​ക്കു​ന്ന​തി​ന്‍റെ​യും കാ​ഴ്ച ന​ഗ​ര​ത്തി​ല്‍ സു​ല​ഭ​മാ​യി​രി​ക്കു​ക​യാ​ണ്. കൊ​തി​യൂ​റു​ന്ന മ​ണ​വും മ​ഞ്ഞ​നി​റ​വു​മാ​യി ന​ഗ​ര​ത്തി​ലെ​ത്തു​ന്ന​വ​രെ ആ​ക​ര്‍​ഷി​ക്കാ​ന്‍ കാ​യ വ​റു​ത്ത​തും ശ​ര്‍​ക്ക​ര വ​ര​ട്ടി​യും ഒ​രു​ങ്ങി​ക്ക​ഴി​ഞ്ഞു.

മൂ​വാ​റ്റു​പു​ഴ​യി​ലെ ബേ​ക്ക​റി​ക​ളി​ലും മ​റ്റും ഓ​ണം സ്‌​പെ​ഷ​ല്‍ വി​ഭ​വ​ങ്ങ​ളാ​യ ഉ​പ്പേ​രി​യും ശ​ര്‍​ക്ക​ര വ​ര​ട്ടി​യും സ്ഥാ​നം കൈ​യ​ട​ക്കി​യി​രി​ക്കു​ക​യാ​ണ്. കി​ലോ​യ്ക്ക് 400 മു​ത​ല്‍ 440 രൂ​പ വ​രെ​യാ​ണ് ഇ​രു​താ​ര​ങ്ങ​ള്‍​ക്കും മൂ​വാ​റ്റു​പു​ഴ​യി​ലെ വി​പ​ണി​യി​ലെ വി​ല. നേ​ന്ത്ര​ക്കാ​യ​ക്ക് വി​ല കു​റ​വാ​ണെ​ങ്കി​ലും വെ​ളി​ച്ചെ​ണ്ണ​യു​ടെ വി​ല ഉ​യ​ര്‍​ന്നു നി​ല്‍​ക്കു​ന്ന​താ​ണ് കാ​യ വ​റു​ത്ത​തും ശ​ര്‍​ക്ക​ര വ​ര​ട്ടി​യും 400 ക​ട​ക്കാ​ന്‍ കാ​ര​ണ​മെ​ന്ന് വെ​ള്ളൂ​ര്‍​ക്കു​ന്ന​ത്ത് പ്ര​വ​ര്‍​ത്തി​ക്കു​ന്ന കേ​ര​ള ചി​പ്‌​സ് ഉ​ട​മ ബി​ജോ പ​റ​ഞ്ഞു.

വാ​ഴ​യി​ല​യു​ടെ ഇ​ട​തു​ഭാ​ഗ​ത്താ​യി വി​ള​മ്പാ​ന്‍ കാ​യ വ​റു​ത്ത​തും ശ​ര്‍​ക്ക​ര വ​ര​ട്ടി​യും ഇ​ല്ലാ​തെ മ​ല​യാ​ളി​ക്ക് ഓ​ണ​മി​ല്ല. താ​ര​ത​മ്യേ​ന ക​ച്ച​വ​ടം ഉ​ണ്ടെ​ങ്കി​ലും ഓ​ണ​നാ​ളു​ക​ളി​ല്‍ ല​ഭി​ക്കു​ന്ന ഉ​ണ​ര്‍​വ് വി​പ​ണി​യി​ല്‍ ഇ​തു​വ​രെ​യും പ്ര​ക​ട​മാ​യി​ട്ടി​ല്ല. വ​രും​ദി​വ​സ​ങ്ങ​ളി​ല്‍ ക​ച്ച​വ​ടം കൂ​ടു​ത​ല്‍ ത​കൃ​തി​യാ​കു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​രി​ക​ള്‍.