വാ​ഴ​ക്കു​ളം: വാ​ഹ​നാ​പ​ക​ട​ത്തി​ൽ ബൈ​ക്ക് യാ​ത്ര​ക്കാ​ര​ൻ മ​ര​ണ​പ്പെ​ട്ട സം​ഭ​വ​ത്തി​ൽ പി​ക്ക് അ​പ് ഡ്രൈ​വ​ർ​ക്ക് കോ​ട​തി ത​ട​വു​ശി​ക്ഷ വി​ധി​ച്ചു. വാ​ഴ​ക്കു​ളം ക​റു​ക​ശേ​രി​ൽ റ്റോ​ജി ജോ​സ​ഫി​നാ​ണ് മൂ​ന്നു വ​ർ​ഷം ത​ട​വും ഒ​രു ല​ക്ഷം രൂ​പ പി​ഴ​യും ശി​ക്ഷ വി​ധി​ച്ച​ത്. മൂ​വാ​റ്റു​പു​ഴ അ​ഡീ​ഷ​ണ​ൽ ഡി​സ്ട്രി​ക്ട് സെ​ഷ​ൻ​സ് ജ​ഡ്ജി ടോ​മി വ​ർ​ഗീ​സാ​ണ് ശി​ക്ഷ വി​ധി​ച്ച​ത്.

ആ​റു വ​ർ​ഷം മു​മ്പ് 2018 ഏ​പ്രി​ലി​ൽ ആ​വോ​ലി ക​ണ്ണ​പ്പു​ഴ പാ​ല​ത്തി​നു സ​മീ​പ​മാ​ണ് അ​പ​ക​ട മ​ര​ണ​മു​ണ്ടാ​യ​ത്. മൂ​വാ​റ്റു​പു​ഴ നി​ന്നും തൊ​ടു​പു​ഴ ഭാ​ഗ​ത്തേ​ക്ക് പോ​കു​ക​യാ​യി​രു​ന്ന റ്റോ​ജി ഓ​ടി​ച്ചി​രു​ന്ന പി​ക്ക​പ്പ് വാ​ൻ എ​തി​ർ​ദി​ശ​യി​ൽ വ​ന്ന ബൈ​ക്കി​ൽ ഇ​ടി​ക്കു​ക​യാ​യി​രു​ന്നു. വാ​ഴ​ക്കു​ളം ത​ല​ച്ചി​റ അ​ഭി​ലാ​ഷ് (40) അ​പ​ക​ട​ത്തി​ൽ മ​രി​ക്കു​ക​യും ഒ​പ്പ​മു​ണ്ടാ​യി​രു​ന്ന മ​ക​ൻ ആ​ദി​ത്യ​ന് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

അ​ശ്ര​ദ്ധ​മാ​യി വാ​ഹ​നം ഓ​ടി​ച്ച​തി​ന് ആ​റു മാ​സം ക​ഠി​ന​ത​ട​വും പ​രി​ക്ക് എ​ല്പി​ച്ച​തി​ന് മൂ​ന്നു മാ​സം ത​ട​വും അ​പ​ക​ട​ത്തെ തു​ട​ർ​ന്ന് അ​സ്ഥി​ക​ൾ​ക്ക് ഒ​ടി​വ് സം​ഭ​വി​ച്ച​തി​ന് ഒ​രു വ​ർ​ഷം ക​ഠി​ന ത​ട​വും മ​ന​പൂ​ർ​വ​മ​ല്ലാ​ത്ത ന​ര​ഹ​ത്യ​ക്ക് ര​ണ്ടു വ​ർ​ഷം ക​ഠി​ന ത​ട​വും ഒ​രു ല​ക്ഷം രൂ​പ പി​ഴ​യു​മാ​ണ് ശി​ക്ഷ.

പി​ഴ​ത്തു​ക അ​ഭി​ലാ​ഷി​ന്‍റെ ഭാ​ര്യ​ക്കും മ​ക​നും ന​ൽ​കാ​നും കോ​ട​തി ഉ​ത്ത​ര​വു​ണ്ട്. വാ​ഴ​ക്കു​ളം എ​സ്ഐ വി.​വി​നു​വാ​ണ് അ​ന്വേ​ഷ​ണം ന​ട​ത്തി​യ​ത്. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ കെ.​എ​സ്. ജ്യോ​തി​കു​മാ​ർ ഹാ​ജ​രാ​യി.