കൊ​ച്ചി: അ​ഞ്ചു മി​നി​ട്ടി​നു​ള്ളി​ല്‍ മൂ​ന്ന് ഒ​ടി​പി സ​ന്ദേ​ശ​ങ്ങ​ള്‍, എ​ന്തെ​ങ്കി​ലും ചെ​യ്യും മു​മ്പേ ബാ​ങ്ക് അ​ക്കൗ​ണ്ടി​ല്‍‌‌​നി​ന്ന് ന​ഷ്ട​മാ​യ​ത് 4,00,000 രൂ​പ. നെ​ടു​മ്പാ​ശേ​രി​യി​ല്‍ വാ​ട​ക​യ്ക്ക് താ​മ​സി​ക്കു​ന്ന കാം​കോ ജീ​വ​ന​ക്കാ​ര​ൻ കോ​ഴി​ക്കോ​ട് കൊ​ടു​വ​ള്ളി സ്വ​ദേ​ശി​ പി.​പി. ജ​ലീ​ലി​നാ​ണ് പ​ണം ന​ഷ്ട​മാ​യ​ത്.

വെ​ള്ളി​യാ​ഴ്ച ഉ​ച്ച​യ്ക്ക് 2.30 ഓ​ടെ ആ​യി​രു​ന്നു സം​ഭ​വം. സ്‌​ക്രീ​ന്‍ ഷെ​യ​റിം​ഗ് കൈ​ക്ക​ലാ​ക്കു​ന്ന എ​പി​കെ ഫ​യ​ല്‍ മെ​സേ​ജാ​യി കൈ​മാ​റി​യാ​ണ് ത​ട്ടി​പ്പ് ന​ട​ത്തി​യി​ട്ടു​ള്ള​തെ​ന്നാ​ണ് പ്രാ​ഥ​മി​ക നി​ഗ​മ​നം. സം​ഭ​വ​ത്തി​ല്‍ ആ​ലു​വ റൂ​റ​ല്‍ സൈ​ബ​ര്‍ പോ​ലീ​സ് അ​ന്വേ​ഷ​ണം ആ​രം​ഭി​ച്ചു.

ഫോ​ണി​ല്‍ ത​നി​യെ ഇ​ൻ​സ്റ്റാ​ള്‍ ചെ​യ്യ​പ്പെ​ട്ട ബാ​ങ്കി​ന്‍റെ വ്യാ​ജ ആ​പ് വ​ഴി വെ​ള്ളി​യാ​ഴ്ച ബാ​ങ്ക് സ്റ്റേ​റ്റ്‌​മെ​ന്‍റ് എ​ടു​ക്കാ​ന്‍ ജ​ലീ​ല്‍ ശ്ര​മി​ച്ചി​രു​ന്നു. പി​ന്നാ​ലെ 1.90 ല​ക്ഷം രൂ​പ​യും ഇ​തി​ന് ശേ​ഷം 2.10 ല​ക്ഷ​വും ഉ​പ​യോ​ഗി​ച്ച് ഓ​ണ്‍​ലൈ​ന്‍ പ​ര്‍​ച്ചേ​സ് ന​ട​ത്തി​യെ​ന്ന സ​ന്ദേ​ശ​മാ​ണ് ഫോ​ണി​ലേ​ക്ക് എ​ത്തി​യ​ത്. അ​ക്കൗ​ണ്ട് പ​രി​ശോ​ധി​ച്ച​തോ​ടെ പ​ണം ന​ഷ്ട​പ്പെ​ട്ടെ​ന്ന് ക​ണ്ടെ​ത്തി.

ഇ​തോ​ടെ ആ​ലു​വ സൈ​ബ​ര്‍ പോ​ലീ​സി​ന് പ​രാ​തി ന​ല്‍​കു​ക​യാ​യി​രു​ന്നു. ഭാ​ര്യ​യു​ടെ പ്ര​സ​വ​ത്തി​നും വീ​ടു​പ​ണി​ക്കു​മാ​യി പി​എ​ഫി​ല്‍​നി​ന്നു ലോ​ണ്‍ എ​ടു​ത്ത പ​ണ​മാ​ണ് ന​ഷ്ട​പ്പെ​ട്ട​തെ​ന്ന് ജ​ലീ​ല്‍ പ​റ​ഞ്ഞു.

ഏ​ഴു​ല​ക്ഷ​ത്തോ​ളം രൂ​പ​യാ​ണ് അ​ക്കൗ​ണ്ടി​ല്‍ ഉ​ണ്ടാ​യി​രു​ന്ന​ത്. ഏ​താ​നും ദി​വ​സം മു​മ്പ് വീ​ടു​പ​ണി​ക്കാ​യി കു​റ​ച്ചു​തു​ക പി​ന്‍​വ​ലി​ച്ചു. സ​ഹോ​ദ​രി കൈ​മാ​റി​യ ഒ​രു ല​ക്ഷം രൂ​പ​യ​ട​ക്കം നാ​ലു​ല​ക്ഷ​മാ​ണ് അ​ക്കൗ​ണ്ടി​ല്‍ ശേ​ഷി​ച്ചി​രു​ന്ന​ത്.