പോ​ത്താ​നി​ക്കാ​ട്: യാ​ക്കോ​ബാ​യ വി​ശ്വാ​സി​ക​ളു​ടെ ശ​ക്ത​മാ​യ പ്ര​തി​രോ​ധ​ത്തെ​തു​ട​ര്‍​ന്ന് പു​ളി​ന്താ​നം സെ​ന്‍റ് ജോ​ണ്‍​സ് ബ​സ്ഫാ​ഗെ പ​ള്ളി​യി​ല്‍ കോ​ട​തി വി​ധി ന​ട​പ്പി​ലാ​ക്കാ​തെ പോ​ലീ​സ് പി​ന്‍​മാ​റി. ത​ങ്ങ​ള്‍​ക്ക​നു​കൂ​ല​മാ​യി ല​ഭി​ച്ച കോ​ട​തി ഉ​ത്ത​ര​വ് ന​ട​പ്പാ​ക്കാ​ത്ത​തി​നെ​തി​രെ ഓ​ര്‍​ത്ത​ഡോ​ക്സ് വി​ഭാ​ഗം ന​ല്‍​കി​യി​രു​ന്ന കോ​ട​തി​യ​ല​ക്ഷ്യ ഹ​ര്‍​ജി​യി​ല്‍ ര​ണ്ടാ​ഴ്ച​യ്ക്ക​കം പ​ള്ളി ഏ​റ്റെ​ടു​ത്ത് ഓ​ര്‍​ത്ത​ഡോ​ക്സ് വി​ഭാ​ഗ​ത്തി​ന് കൈ​മാ​റ​ണ​മെ​ന്ന് ഈ ​മാ​സം എ​ട്ടി​ന് ഹൈ​ക്കോ​ട​തി ഉ​ത്ത​ര​വി​ട്ടി​രു​ന്നു.

കോ​ട​തി വി​ധി ന​ട​പ്പി​ലാ​ക്കാ​ത്ത​തി​നാ​ല്‍ പോ​ലീ​സി​നെ​യും സ​ര്‍​ക്കാ​രി​നെ​യും കോ​ട​തി രൂ​ക്ഷ​മാ​യി വി​മ​ര്‍​ശി​ച്ച​തി​നെ​തു​ട​ര്‍​ന്നാ​ണ് പോ​ലീ​സ് സം​ഘം പ​ള്ളി ഏ​റ്റെ​ടു​ക്കാ​നു​ള്ള നീ​ക്ക​വു​മാ​യി ഞാ​യ​റാ​ഴ്ച വൈ​കി​ട്ട് അ​ഞ്ചോ​ടെ പ​ള്ളി​യി​ലെ​ത്തി​യ​ത്. ഇ​ന്ന​ലെ രാ​വി​ലെ കൂ​ടു​ത​ല്‍ പോ​ലീ​സും റ​വ​ന്യു അ​ധി​കൃ​ത​രും പ​ള്ളി​യി​ലെ​ത്തി ഏ​റ്റെ​ടു​ക്കാ​നു​ള്ള ശ്ര​മ​ങ്ങ​ള്‍ ആ​രം​ഭി​ക്കു​ക​യാ​യി​രു​ന്നു. എ​ന്നാ​ൽ സ്ത്രീ​ക​ളും കു​ട്ടി​ക​ളു​മ​ട​ക്ക​മു​ള്ള നൂ​റു​ക​ണ​ക്കി​ന് യാ​ക്കോ​ബാ​യ വി​ശ്വാ​സി​ക​ള്‍ ഗേ​റ്റ് പൂ​ട്ടി അ​ക​ത്തു​നി​ന്ന് പോ​ലീ​സി​നെ പ്ര​തി​രോ​ധി​ച്ചു.

വി​ധി ന​ട​പ്പി​ലാ​ക്കാ​ന്‍ സ​ഹ​ക​രി​ക്ക​ണ​മെ​ന്ന പോ​ലീ​സി​ന്‍റെ ആ​വ​ശ്യം വി​ശ്വാ​സി​ക​ള്‍ നി​ര​സി​ച്ച​തോ​ടെ ഫ​യ​ർ​ഫോ​ഴ്സി​ന്‍റെ സ​ഹാ​യ​ത്തോ​ടെ ഇ​രു​മ്പ് ഗേ​റ്റ് ക​ട്ട് ചെ​യ്ത് മാ​റ്റാ​നു​ള്ള പോ​ലീ​സ് നീ​ക്കം സം​ഘ​ര്‍​ഷാ​വ​സ്ഥ സൃ​ഷ്ടി​ച്ചു. സ്ത്രീ​ക​ളും കു​ട്ടി​ക​ളും ഗേ​റ്റി​ല്‍ കൈ​കോ​ര്‍​ത്ത് പി​ടി​ച്ച് പോ​ലീ​സി​ന്‍റെ ഈ ​നീ​ക്ക​ത്തെ പ്ര​തി​രോ​ധി​ച്ചു. ഇ​തി​നി​ടെ ര​ണ്ട് സ്ത്രീ​ക​ള്‍ കു​ഴ​ഞ്ഞു വീ​ഴു​ക​യും ഒ​രു സ്ത്രീ​യു​ടെ കൈ​ക്ക് പ​രി​ക്കേ​ല്‍​ക്കു​ക​യും ചെ​യ്ത​തോ​ടെ സ്ത്രീ​ക​ളും കു​ട്ടി​ക​ളും കൂ​ട്ട​ക്ക​ര​ച്ചി​ല്‍ ആ​രം​ഭി​ച്ചു. ഇ​തോ​ടെ പോ​ലീ​സ് പി​ന്‍​വാ​ങ്ങു​ക​യാ​യി​രു​ന്നു. കു​ഴ​ഞ്ഞു​വീ​ണ ഏ​ളേ​ക്കാ​ട്ട് ഗ്രേ​സി ത​ങ്ക​ച്ച​ന്‍, കൊ​ട​ക്ക​പ്പ​റ​മ്പി​ല്‍ കു​ഞ്ഞു​മോ​ള്‍ ബാ​ബു, കൈ​യ്ക്ക് പ​രി​ക്കേ​റ്റ അ​ള്ളു​ങ്ക​ല്‍ ലി​സി വ​ര്‍​ഗീ​സ് എ​ന്നി​വ​രെ ആം​ബു​ല​ന്‍​സു​ക​ളി​ല്‍ കോ​ത​മം​ഗ​ലം മാ​ര്‍ ബേ​സി​ല്‍ ആ​ശു​പ​ത്രി​യി​ലേ​ക്ക് മാ​റ്റി.

മൂ​വാ​റ്റു​പു​ഴ ഡി​വൈ​എ​സ്പി പി.​എം.​ബൈ​ജു, ത​ഹ​സി​ല്‍​ദാ​ര്‍ കെ.​എം ജോ​സു​കു​ട്ടി എ​ന്നി​വ​രു​ടെ നേ​തൃ​ത്തി​ല്‍ 150 ലേ​റെ പോ​ലീ​സു​കാ​ർ പ​ള്ളി​യി​ലെ​ത്തി​യി​രു​ന്നു. കോ​ട​തി​യ​ല​ക്ഷ്യ ഹ​ര്‍​ജി 25 ന് ​ഹൈ​ക്കോ​ട​തി വീ​ണ്ടും പ​രി​ഗ​ണി​ക്കും. അ​തേ​സ​മ​യം വി​ധി​ക്കെ​തി​രെ യാ​ക്കോ​ബാ​യ വി​ഭാ​ഗം സു​പ്രീം കോ​ട​തി​യി​ല്‍ സ​മ​ര്‍​പ്പി​ച്ചി​രു​ന്ന അ​പ്പീ​ല്‍ 29 ന് ​പ​രി​ഗ​ണി​ക്കും. ഇ​ന്ന​ലെ കേ​സ് കോ​ട​തി പ​രി​ഗ​ണ​ന​യ്ക്ക് എ​ടു​ത്തെ​ങ്കി​ലും 29 ലേ​ക്ക് മാ​റ്റു​ക​യാ​ണു​ണ്ടാ​യ​ത്.