സ്കൂൾ ബസും സ്കൂട്ടറും കൂട്ടിയിടിച്ച് പരിക്കേറ്റ നഴ്സ് മരിച്ചു
1429496
Saturday, June 15, 2024 10:21 PM IST
കാലടി: മഞ്ഞപ്രയിൽ സ്കൂൾ ബസും സ്കൂട്ടറും കൂട്ടിയിടിച്ച് പരിക്കേറ്റ് ചികിത്സയിലായിരുന്ന നഴ്സ് മരിച്ചു. അങ്കമാലി ലിറ്റില് ഫ്ളവര് ആശുപത്രിയിലെ സ്റ്റാഫ് നഴ്സ് അയ്യമ്പുഴ കടുകുളങ്ങര പുന്നയ്ക്കല് കിലുക്കന് അരുണിന്റെ ഭാര്യ ലിജി (34) ആണു മരിച്ചത്.
കഴിഞ്ഞ ഏഴിന് രാവിലെ 7.30ഓടെ മഞ്ഞപ്ര സെന്റ് പാട്രിക്സ് സ്കൂളിന് മുന്നിലായിരുന്നു അപകടം. നൈറ്റ് ഡ്യൂട്ടി കഴിഞ്ഞ് വീട്ടിലേക്ക് പോകവെ ലിജി സഞ്ചരിച്ചിരുന്ന സ്കൂട്ടറും എതിരെ വന്ന സ്കൂള് ബസും കൂട്ടിയിടിക്കുകയായിരുന്നു.
ഗുരുതരമായി പരിക്കേറ്റ് ചികിത്സയിലിക്കെ ഇന്നലെയാണ് മരിച്ചത്. സംസ്കാരം ഇന്ന് 4.30നു അമലാപുരം സെന്റ് ജോസഫ്സ് പള്ളിയില്. മകള്: ആന്ഡ്രിയ (രണ്ടാം ക്ലാസ്, മരിയ ഭവന് സ്കൂൾ അമലാപുരം). നീലീശ്വരം കുളപ്പുരക്കുടി വീട്ടില് ജോര്ജിന്റെയും ലില്ലിയുടെയും മൂത്ത മകളാണ് ലിജി.