മരം മുറിച്ച് നീക്കുന്നതിനിടെ ലക്ഷ്യം തെറ്റി വീണ് ബസ് കാത്തിരിപ്പ് കേന്ദ്രം തകർന്നു
1429425
Saturday, June 15, 2024 4:58 AM IST
കോതമംഗലം: നെല്ലിമറ്റത്ത് ദേശീയപാതയോരത്തെ മരം മുറിച്ച് നീക്കുന്നതിനിടെ ലക്ഷ്യം തെറ്റിപ്പതിച്ച് ബസ് കാത്തിരിപ്പ് കേന്ദ്രം തകർന്നു.
നെല്ലിമറ്റം സ്കൂൾപടിയിൽ ദേശീയപാതയോരത്ത് നിന്ന മരം മുറിച്ചു നീക്കുന്നതിനിടെയാണ് ബസ് കാത്തിരിപ്പ് കേന്ദ്രത്തിനു മുകളിലേക്ക് ഭീമൻ മരം പതിച്ചത്. ആന്റണി ജോണ് എംഎൽഎയുടെ ആസ്തി വികസന ഫണ്ട് ഉപയോഗിച്ച് നിർമിച്ച ബസ് കാത്തിരിപ്പ് കേന്ദ്രമാണ് തകർന്നത്.