കാട്ടാന വിഷയത്തിൽ വീ​ണ്ടും പ്ര​തി​ഷേ​ധം, ഒ​ടു​വി​ൽ ധാ​ര​ണ
Sunday, April 14, 2024 4:25 AM IST
കോ​ത​മം​ഗ​ലം: കോ​ട്ട​പ്പ​ടി പ​ഞ്ചാ​യ​ത്തി​ലെ മു​ട്ട​ത്തു​പാ​റ പ്ലാ​ച്ചേ​രി​യി​ല്‍ കാ​ട്ടാ​ന കിണറ്റി​ൽ വീ​ണ​തു​മാ​യി ബ​ന്ധ​പ്പെ​ട്ട് ഇ​ന്ന​ലെ​യും (ശ​നി​യാ​ഴ്ച) നാ​ട്ടു​കാ​രു​ടെ പ്ര​തി​ഷേ​ധം. സ്ഥ​ല ഉ​ട​മ​യ്ക്ക് ആ​വ​ശ്യ​മാ​യ ന​ഷ്ട​പ​രി​ഹാ​രം ഉ​റ​പ്പ് ന​ല്‍​കാ​ത്ത​താ​യി​രു​ന്നു പ്ര​തി​ഷേ​ധ​ത്തി​നി​ട​യാ​ക്കി​യ​ത്.

കി​ണ​ര്‍ ഉ​ട​ന്‍ പു​ന​ര്‍​നി​ര്‍​മി​ക്കു​മെ​ന്ന് അ​ധി​കൃ​ത​ര്‍ ഉ​റ​പ്പ് ന​ല്‍​കി​യ​തോ​ടെ നാ​ട്ടു​കാ​ര്‍ പ്ര​തി​ഷേ​ധം അ​വ​സാ​നി​പ്പി​ച്ചു. വെ​ള്ളി​യാ​ഴ്ച ത​ട​ഞ്ഞു​വ​ച്ച ജെ​സി​ബി​യും വി​ട്ടു​ന​ല്‍​കി. ഉ​റ​പ്പു പാ​ലി​ച്ചി​ല്ലെ​ങ്കി​ല്‍ വീ​ണ്ടും സ​മ​രം ന​ട​ത്തു​മെ​ന്ന് നാ​ട്ടു​കാ​ര്‍ മു​ന്ന​റി​യി​പ്പ് ന​ല്‍​കി.

പ്ലാ​ച്ചേ​രി കൂ​ലാ​ഞ്ഞി കു​ഞ്ഞ​പ്പ​ന്‍റെ പു​ര​യി​ട​ത്തി​ല്‍ 12 വീ​ട്ടു​കാ​ര്‍ ഉ​പ​യോ​ഗി​ച്ചി​രു​ന്ന കി​ണ​റി​ലാ​യി​രു​ന്നു കാ​ട്ടു​കൊ​മ്പ​ന്‍ വീ​ണ​ത്. ആ​ന​യു​ടെ പ​രാ​ക്ര​മ​ത്തി​നും വ​നം​വ​കു​പ്പി​ന്‍റെ ര​ക്ഷാ​പ്ര​വ​ര്‍​ത്ത​ന​ത്തി​നും ഒ​ടു​വി​ൽ കി​ണ​ര്‍ ഭാ​ഗി​ക​മാ​യി ത​ക​ര്‍​ന്നി​രു​ന്നു. വ​നം​വ​കു​പ്പും പ​ഞ്ചാ​യ​ത്ത് പ്ര​സി​ഡ​ന്‍റും ഉ​റ​പ്പ് ന​ല്‍​കു​ക​യും എ​സ്റ്റി​മേ​റ്റ് ന​ട​പ​ടി​യി​ലേ​ക്ക് നീ​ങ്ങു​ക​യും ചെ​യ്ത​തോ​ടെ​യാ​ണ് പ്ര​തി​ഷേ​ധം അ​വ​സാ​നി​പ്പി​ച്ച​ത്.

പ​ഞ്ചാ​യ​ത്ത് പ്ര​സി​ഡ​ന്‍റും വ​നം​വ​കു​പ്പ് ഉ​ദ്യോ​ഗ​സ്ഥ​രും ന​ട​ത്തി​യ ച​ര്‍​ച്ച​യി​ലാ​ണ് ഒ​ത്തു​തീ​ര്‍​പ്പാ​യ​ത്. വ​നം വ​കു​പ്പ് അ​ധി​കൃ​ത​രു​ടെ ചു​മ​ത​ല​യി​ല്‍ രാ​വി​ലെ കി​ണ​റി​ലെ വെ​ള്ളം പ​മ്പ് ചെ​യ്ത് ചെ​ളി​കോ​രി ക​ള​യു​ക​യും ചെ​യ്തു.

കി​ണ​ര്‍ പു​ന​ര്‍​നി​ര്‍​മി​ക്കു​ന്ന കാ​ര്യ​ത്തി​ല്‍ രാ​വി​ലെ പൊ​തു​മ​രാ​മ​ത്ത് കെ​ട്ടി​ട വി​ഭാ​ഗം എ​ന്‍​ജി​നീ​യ​റും പ​ഞ്ചാ​യ​ത്ത് എ​ന്‍​ജി​നീ​യ​റും സ്ഥ​ല​ത്തെ​ത്തി എ​സ്റ്റി​മേ​റ്റെ​ടു​ത്തു. കി​ണ​റി​ന് കേ​ടു​പാ​ടു​ണ്ടാ​യ​തും നാ​ലു​വ​ശ​വും ആ​ള്‍​മ​റ​യാ​യി മൂ​ന്ന​ടി ഉ​യ​ര​ത്തി​ല്‍ ക​ല്‍​ക്കെ​ട്ട് പ​ണി​യു​ന്ന​തി​ന് ഉ​ള്‍​പ്പെ​ടെ ധ​ന​സ​ഹാ​യം അ​നു​വ​ദി​ക്കു​ന്ന​തി​നാ​ണ് എ​സ്റ്റി​മേ​റ്റ് എ​ടു​ത്ത​ത്.

എ​സ്റ്റി​മേ​റ്റ് ജി​ല്ല ക​ള​ക്ട​ര്‍​ക്ക് അ​യ​ച്ചു​കൊ​ടു​ത്തു. കൂ​ടാ​തെ സ്ഥ​ല ഉ​ട​മ​യ്ക്ക് ജെ​സി​ബി എ​ത്തി​ക്കാ​നും മ​റ്റു​മാ​യി ഉ​ണ്ടാ​യ നാ​ശ​ത്തി​ന് വ​നം വ​കു​പ്പ് ന​ഷ്ട​പ​രി​ഹാ​രം ന​ല്‍​കും. കി​ണ​ര്‍ ശു​ചീ​ക​രി​ച്ച് നി​ര്‍​മാ​ണം പൂ​ര്‍​ത്തി​യാ​കും വ​രെ ടാ​ങ്ക​റി​ല്‍ വെ​ള്ള​വും എ​ത്തി​ച്ച് ന​ല്‍​കും.

Copyright @ 2022 , Rashtra Deepika Ltd.