നെ​ടു​മ്പാ​ശേ​രി: മ​ദ്യ​ല​ഹ​രി​യി​ൽ ബേ​ക്ക​റി ഉ​ട​മ​യെ​യും ഭാ​ര്യ​യെ​യും സ​ഹാ​യി​ക​ളെ​യും ക്രൂ​ര​മാ​യി മ​ർ​ദി​ച്ച എ​സ്ഐ പി.​എ​സ് സു​നി​ലി​നെ നെ​ടു​മ്പാ​ശേ​രി പൊ​ലി​സ് അ​റ​സ്റ്റ് ചെ​യ്തു.

മ​ർ​ദ​ന​മേ​റ്റ് ചി​കി​ത്സ​യി​ൽ ക​ഴി​യു​ന്ന​വ​രു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ ര​ജി​സ്റ്റ​ർ ചെ​യ്ത കേ​സി​ലാ​ണ് അ​റ​സ്റ്റ്. സം​ഭ​വ​വു​മാ​യി ബ​ന്ധ​പ്പെ​ട്ട് എ​സ്ഐ സു​നി​ലി​നെ ആ​ലു​വ റൂ​റ​ൽ എ​സ്പി അ​ന്വേ​ഷ​ണ വി​ധേ​യ​മാ​യി വ്യാ​ഴാ​ഴ്ച സ​സ്പെ​ൻ​ഡ് ചെ​യ്തി​രു​ന്നു. അ​ങ്ക​മാ​ലി കോ​ട​തി​യി​ൽ ഹാ​ജ​രാ​ക്കി​യ എ​സ്ഐ​യെ ജാ​മ്യ​ത്തി​ൽ വി​ട്ട​യ​ച്ചു.

ബു​ധ​നാ​ഴ്ച രാ​ത്രി​യി​ലാ​ണ് മ​ദ്യ ല​ഹ​രി​യി​ൽ എ​ത്തി​യ എ​സ്ഐ ദേ​ശീ​യ​പാ​ത​യോ​ര​ത്ത് ക​രി​യാ​ട്ടി​ൽ ബേ​ക്ക​റി ന​ട​ത്തു​ന്ന കോ​ഴി​പ്പാ​ട്ട് വീ​ട്ടി​ൽ കു​ഞ്ഞു​മോ​നെ​യും മൂ​ന്നു​പേ​രെ​യും ആ​ക്ര​മി​ച്ച​ത്. കു​ഞ്ഞു​മോ​ൻ ക​ട അ​ട​യ്ക്കാ​ൻ ശ്ര​മി​ക്കു​ന്ന​തി​നി​ടെ പോ​ലി​സ് ജീ​പ്പി​ൽ വ​ന്നി​റ​ങ്ങി​യ എ​സ്ഐ ക​ണ്ണി​ൽ ക​ണ്ട​വ​രെ​യൊ​ക്കെ മ​ർ​ദി​ക്കു​ക​യാ​യി​രു​ന്നു.

ചൂ​ര​ൽ കൊ​ണ്ടു​ള്ള അ​ടി​യി​ൽ കു​ഞ്ഞു​മോ​ന്‍റെ വ​യ​റി​ലും കൈ​ക്കും സാ​ര​മാ​യി പ​രി​ക്കേ​റ്റി​ട്ടു​ണ്ട്. ബ​ഹ​ളം കേ​ട്ട് ഓ​ടി​ക്കൂ​ടി​യ നാ​ട്ടു​കാ​ർ എ​സ്ഐ​യെ ത​ട​ഞ്ഞു വ​യ്ക്കു​ക​യും നെ​ടു​മ്പാ​ശേ​രി പോ​ലീ​സി​നെ വി​ളി​ച്ചു​വ​രു​ത്തി കൈ​മാ​റു​ക​യു​മാ​യി​രു​ന്നു. രാ​ത്രി​യി​ൽ ത​ന്നെ അ​ങ്ക​മാ​ലി താ​ലൂ​ക്ക് ആ​ശു​പ​ത്രി​യി​ൽ ന​ട​ത്തി​യ വൈ​ദ്യ പ​രി​ശോ​ധ​ന​യി​ലാ​ണ് എ​സ്ഐ മ​ദ്യ​ല​ഹ​രി​യി​ലാ​യി​രു​ന്നെ​ന്ന് വ്യ​ക്ത​മാ​യ​ത്.

പോലീസിന്‍റെ പ്രാ​ഥ​മി​ക റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ഡ്യൂ​ട്ടി സ​മ​യ​ത്ത് മ​ദ്യ​പി​ച്ച​തി​നാ​ണ് സു​നി​ലി​നെ വ്യാ​ഴാ​ഴ്ച സ​സ്പെ​ൻ​ഡ് ചെ​യ്ത​ത്. പ്ര​ശ്നം ഒ​ത്തു​തീ​ർ​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് പ​ല​രും സ​മീ​പി​ച്ചി​രു​ന്ന​താ​യി കു​ഞ്ഞു​മോ​ൻ പ​റ​ഞ്ഞു.

സ്കൂ​ൾ വി​ദ്യാ​ർ​ഥി​യാ​യ മ​ക​ളു​ടെ മു​ന്പി​ൽ വ​ച്ചാ​ണ് ത​ന്നെ​യും ഭാ​ര്യ​യെ​യും എ​സ്ഐ യാ​തൊ​രു കാ​ര​ണ​വും കൂ​ടാ​തെ മ​ർ​ദി​ച്ച​തെ​ന്നും നി​യ​മ​പ​ര​മാ​യി മു​ന്നോ​ട്ടു​പോ​കാ​ൻ ത​ന്നെ​യാ​ണ് തീ​രു​മാ​നി​ച്ചി​രി​ക്കു​ന്ന​തെ​ന്നും കു​ഞ്ഞു​മോ​ൻ വ്യ​ക്ത​മാ​ക്കി.