തൊ​ടു​പു​ഴ: ആ​രോ​ഗ്യ​മേ​ഖ​ല​യി​ൽ വ​ലി​യ​മാ​റ്റം സൃ​ഷ്ടി​ക്കു​മെ​ന്നു പ്ര​ഖ്യാ​പി​ച്ച് ന​ട​പ്പാ​ക്കാ​നു​ദ്ദേ​ശി​ച്ച ഏ​കാ​രോ​ഗ്യം പ​ദ്ധ​തി ജ​ന​ങ്ങ​ൾ​ക്ക് പ്ര​യോ​ജ​ന​ക​ര​മാ​കു​ന്നി​ല്ലെ​ന്ന് ആ​ക്ഷേ​പം. പ​ണം പാ​ഴാ​ക്കു​ന്ന പ​ദ്ധ​തി​യാ​യി ഏ​കാ​രോ​ഗ്യം മാ​റി​യെ​ന്നാ​ണ് ആ​രോ​പ​ണ​മു​യ​രു​ന്ന​ത്. സം​സ്ഥാ​ന​ത്ത് നാ​ലു ജി​ല്ല​ക​ളി​ൽ ന​ട​പ്പാ​ക്കി​യ പ​ദ്ധ​തി​യാ​ണ് ആ​രോ​ഗ്യ​രം​ഗ​ത്ത് യാ​തൊ​രു നേ​ട്ട​വും ഉ​ണ്ടാ​ക്കാ​ൻ ക​ഴി​യാ​തെ സ​ർ​ക്കാ​ർ സ​ർ​വീ​സി​ൽനി​ന്നു വി​ര​മി​ച്ച കു​റ​ച്ചുപേ​ർ​ക്ക് ശ​ന്പ​ള​വും ആ​നു​കൂ​ല്യ​ങ്ങ​ളും നേ​ടാ​നു​ള്ള പ​ദ്ധ​തി​യാ​യി മാ​റി​യ​തെ​ന്ന് ആ​രോ​ഗ്യ​വ​കു​പ്പ് ജീ​വ​ന​ക്കാ​ർ ത​ന്നെ പ​റ​യു​ന്നു.

കോ​ടി​ക​ൾ ചെ​ല​വ​ഴി​ച്ചാ​ണ് വി​വി​ധ ത​ല​ത്തി​ൽ ആ​യി​ര​ക്ക​ണ​ക്കി​ന് പേ​ർ​ക്ക് സ​ർ​ക്കാ​ർ ചെ​ല​വി​ൽ പ​രി​ശീ​ല​നം ന​ൽ​കി​യ​ത്. പ​ഞ്ചാ​യ​ത്തു​ക​ളി​ലെ​യും ന​ഗ​ര​സ​ഭ​ക​ളി​ലേ​യും വാ​ർ​ഡു​ക​ൾ തോ​റും ഏ​ഴു​പേ​രെ മെ​ന്‍റ​ർ​മാ​രാ​യും 49 പേ​രെ വോ​ള​ണ്ടി​യ​ർ​മാ​രാ​യും തെ​ര​ഞ്ഞെ​ടു​ത്താ​ണ് പ​രി​ശീ​ല​നം ന​ൽ​കി​യ​ത്.

പ്ര​കൃ​തി, മ​നു​ഷ്യ​ൻ, മൃ​ഗ​ങ്ങ​ൾ എ​ന്നി​വ​യു​ടെ ആ​രോ​ഗ്യ​സം​ര​ക്ഷ​ണം വ​ഴി ഏ​ക​ലോ​കം-ഏ​ക ആ​രോ​ഗ്യം എ​ന്ന ല​ക്ഷ്യം കൈ​വ​രി​ക്കാ​ൻ ലോ​കബാ​ങ്ക് സ​ഹാ​യ​ത്തോ​ടെ ന​ട​പ്പാ​ക്കി​യ പ​ദ്ധ​തി​യാ​ണി​ത്. കോ​ട്ട​യം, പ​ത്ത​നം​തി​ട്ട, ആ​ല​പ്പു​ഴ, ഇ​ടു​ക്കി ജി​ല്ല​ക​ളി​ലാ​ണ് ആ​ദ്യ​ഘ​ട്ട​ത്തി​ൽ പ​ദ്ധ​തി ന​ട​പ്പാ​ക്കി​യ​ത്. യു​വാ​ക്ക​ളു​ടെ തൊ​ഴി​ല​വ​സ​രം ന​ഷ്ട​പ്പെ​ടു​ത്തി വി​ര​മി​ച്ച​വ​രെ തി​രു​കി​ക്ക​യ​റ്റാ​നു​ള്ള പ​ദ്ധ​തി​യാ​ണി​തെ​ന്ന് അ​ന്നുത​ന്നെ ആ​ക്ഷേ​പം ഉ​യ​ർ​ന്നി​രു​ന്നു. ഇ​തു​സം​ബ​ന്ധി​ച്ച് ന​വ​കേ​ര​ള സ​ദ​സി​ൽ വ​രെ പ​രാ​തി ന​ൽ​കി​യി​ട്ടും തൊ​ഴി​ൽര​ഹി​ത​രെ പ​രി​ഗ​ണി​ക്കാ​തെ വി​ര​മി​ച്ച​വ​രെ തു​ട​രാ​ൻ അ​നു​വ​ദി​ക്കു​ക​യാ​യി​രു​ന്നു. ര​ണ്ടു​വ​ർ​ഷം പി​ന്നി​ട്ട നി​യ​മ​നം വീ​ണ്ടും നീ​ട്ടി​ന​ൽ​കാ​നു​ള്ള നീ​ക്കം ആ​രം​ഭി​ച്ചി​ട്ടു​ണ്ടെ​ന്നും ആ​രോ​ഗ്യ​വ​കു​പ്പു ജീ​വ​ന​ക്കാ​ർ പ​റ​യു​ന്നു.

ആ​രോ​ഗ്യ​വ​കു​പ്പു ന​ട​പ്പാ​ക്കു​ന്ന പ​ദ്ധ​തി​ക​ളാ​യ കു​ഷ്ഠ​രോ​ഗ നി​ർ​മാ​ർ​ജ​നം, ക്ഷ​യ​രോ​ഗ നി​യ​ന്ത്ര​ണം, ആ​രോ​ഗ്യം- ആ​ന​ന്ദം-അ​ക​റ്റാം അ​ർ​ബു​ദം, വ​യ​റി​ള​ക്ക നി​യ​ന്ത്ര​ണം തു​ട​ങ്ങി​യ​വ​യൊ​ന്നും ന​ട​പ്പാ​ക്കു​ന്ന​തി​ൽ ഏ​കാ​രോ​ഗ്യ മെ​ന്‍റ​ർ​മാ​രു​ടെ​യോ വാ​ർ​ഡു​ത​ല സ​ന്ന​ദ്ധ പ്ര​വ​ർ​ത്ത​ക​രു​ടെ​യോ സ​ഹാ​യം കി​ട്ടു​ന്നി​ല്ലെ​ന്നും പി​എ​ച്ച്സി ജീ​വ​ന​ക്കാ​ർ പ​റ​ഞ്ഞു. ഈ ​പ​ദ്ധ​തി​ക​ൾ ന​ട​പ്പാ​ക്കാ​ൻ ഗൃ​ഹ​സ​ന്ദ​ർ​ശ​നം ന​ട​ത്തി എ​ല്ലാ ആ​ളു​ക​ളെ​യും പ​രി​ശോ​ധ​ന​യ്ക്ക് വി​ധേ​യ​മാ​ക്ക​ണം. ആ​ശാ​പ്ര​വ​ർ​ത്ത​ക​രും ഫീ​ൽ​ഡു​ത​ല ആ​രോ​ഗ്യ​പ്ര​വ​ർ​ത്ത​ക​രും മാ​ത്ര​മാ​ണ് ഇ​പ്പോ​ൾ പ​ദ്ധ​തി​ക​ൾ ന​ട​പ്പാ​ക്കു​ന്ന​തി​നാ​യി സ​ഹാ​യി​ക്കു​ന്ന​ത്.

ഏ​കാ​രോ​ഗ്യ പ​ദ്ധ​തി​യി​ലെ വാ​ർ​ഡു മെ​ന്‍റ​ർ​മാ​രും സ​ന്ന​ദ്ധ​പ്ര​വ​ർ​ത്ത​ക​രും പ​റ​യു​ന്ന​ത് ഇ​ത്ത​രം ജോ​ലി​ക​ൾ ചെ​യ്യു​ന്ന ത​ങ്ങ​ൾ​ക്ക് ആ​നു​കൂ​ല്യം കി​ട്ടു​ന്നി​ല്ലെ​ന്നും ജി​ല്ലാ മെ​ന്‍റ​ർ​മാ​രാ​യി നി​യ​മ​നം കി​ട്ടി​യ വി​ര​മി​ച്ച ജീ​വ​ന​ക്കാ​ർ പെ​ൻ​ഷ​നു പു​റ​മേ വ​ലി​യ തു​ക മാ​സ ശ​ന്പ​ളം വാ​ങ്ങു​ന്നു​വെ​ന്നു​മാ​ണ്.

ദി​വ​സ​വേ​ത​ന​ക്കാ​രും കൂ​ലി​പ്പ​ണി​ക്കാ​രു​മാ​യ ത​ങ്ങ​ൾ ജോ​ലി ക​ള​ഞ്ഞ് ഇ​ത്ത​രം സ​ന്ന​ദ്ധ​പ്ര​വ​ർ​ത്ത​ന​ത്തി​നു പോ​യാ​ൽ ദു​രി​ത​ത്തി​ലാ​കു​മെ​ന്നാ​ണ് ഇ​വ​രു​ടെ പ​രി​ദേ​വ​നം.