തൊ​ടു​പു​ഴ: ഇ​ടു​ക്കി​യി​ൽനി​ന്നു ആ​ദി​വാ​സി വി​ഭാ​ഗ​ത്തി​ൽ​പ്പെ​ട്ട വ​ണ്ണ​പ്പു​റം പു​ളി​ക്ക​ത്തൊ​ട്ടി കാ​വും​വാ​തു​ക്ക​ൽ നി​സി റോ​യി​യു​ടെ പൈ​ല​റ്റാ​കാ​നു​ള്ള സ്വ​പ്ന​ത്തി​ന് ചി​റ​കു​മു​ള​യ്ക്കു​ന്നു. ജി​ല്ല​യി​ൽനി​ന്നു ആ​ദ്യ​മാ​യാ​ണ് ആ​ദി​വാ​സി​വി​ഭാ​ഗ​ത്തി​ൽ​പ്പെ​ട്ട വി​ദ്യാ​ർ​ഥി​നി​ക്ക് ഇ​തി​നു​ള്ള അ​വ​സ​രം ല​ഭ്യ​മാ​കു​ന്ന​ത്.​

ചെ​റു​പ്പം​മു​ത​ൽ മ​ന​സി​ൽ​മൊ​ട്ടി​ട്ട മോ​ഹ​മാ​ണ് പൂ​വ​ണി​യു​ന്ന​ത്. ഒ​ന്നാം​ക്ലാ​സ് മു​ത​ൽ പ്ല​സ്ടു വ​രെ പൈ​നാ​വ് കേ​ന്ദ്രീ​യ വി​ദ്യാ​ല​യ​ത്തി​ലാ​യി​രു​ന്നു പ​ഠ​നം. ഇ​വി​ടെനി​ന്നു ഉ​യ​ർ​ന്ന മാ​ർ​ക്കോ​ടെ പാ​സാ​യ നി​സി എ​ൻ​ട്ര​ൻ​സ് പ​രീ​ക്ഷ​യി​ലൂ​ടെ കോ​ഴി​ക്കോ​ട് എ​ൻ​ഐ​ടി​യി​ൽ പ്ര​വേ​ശ​നം നേ​ടി​യി​രു​ന്നു.

മെ​ക്കാ​നി​ക്ക​ൽ എ​ൻ​ജി​നി​യ​റിം​ഗ് പ​ഠ​നം മൂ​ന്നു വ​ർ​ഷം പി​ന്നി​ടു​ന്പോ​ഴാ​ണ് കൊ​മേ​ഴ്സ്യ​ൽ പൈ​ല​റ്റ് ലൈ​സ​ൻ​സ് നേ​ടാ​നു​ള്ള (സി​പി​എ​ൽ) സു​വ​ർ​ണാ​വ​സ​രം കൈ​വ​ന്ന​ത്. സം​സ്ഥാ​ന സ​ർ​ക്കാ​ർ 2021-ൽ ​ആ​രം​ഭി​ച്ച വിം​ഗ്സ് പ​ദ്ധ​തി​യി​ലൂ​ടെ​യാ​ണ് പ​ഠ​നം. മൂ​ന്നു​വ​ർ​ഷ​ത്തെ പ​ഠ​ന​ത്തി​ന് 32,20,000 ല​ക്ഷം രൂ​പ സ​ർ​ക്കാ​ർ ഗ്രാ​ന്‍ഡ് ന​ൽ​കും. ആ​ദ്യ​ഗ​ഡു​വാ​യി 12,20,000 രൂ​പ പ​ട്ടി​ക​വ​ർ​ഗ​വി​ക​സ​ന വ​കു​പ്പ് കൈ​മാ​റി​.

​ചെ​റു​വി​മാ​ന​ങ്ങ​ളും ഡ്രോ​ണു​ക​ളും നി​ർ​മി​ച്ചി​ട്ടു​ള്ള നി​സി​ക്ക് ഹെ​വി​ ഡ്രൈ​വിം​ഗ് ലൈ​സ​ൻ​സു​ണ്ട്. ഈ ​മാ​സം​അ​വ​സാ​നം ക്ലാ​സു​ക​ൾ ആ​രം​ഭി​ക്കും. ഒ​റ്റ​ എ​ൻ​ജി​ൻ പ​റ​ത്താ​നു​ള്ള ലൈ​സ​ൻ​സാ​ണ് ഈ ​കോ​ഴ്സി​ലൂ​ടെ ല​ഭി​ക്കു​ന്ന​ത്. തു​ട​ർ​ന്നു വ​ലി​യ വി​മാ​ന​ങ്ങ​ൾ പ​റ​ത്താ​നു​ള്ള ലൈ​സ​ൻ​സ് എ​ടു​ക്കാ​നാ​ണ് തീ​രു​മാ​നം.
വ​ണ്ണ​പ്പു​റം പു​ളി​ക്ക​ത്തൊ​ട്ടി കാ​വും​വാ​തു​ക്ക​ൽ കെ.​എം.​റോ​യി-​മേ​ഴ്സി ദ​ന്പ​തി​ക​ളു​ടെ മ​ക​ളാ​ണ്. പൈ​നാ​വ് എ​ൻ​ജി​നി​യ​റിം​ഗ് കോ​ള​ജി​ൽ ഡ്രൈ​വ​റാ​യി ജോ​ലി ചെ​യ്യു​ന്ന പി​താ​വ് റോ​യി​യു​ടെ ഇ​വി​ടെ​യു​ള്ള ക്വാ​ർ​ട്ടേ​ഴ്സി​ലാ​ണ് കു​ടും​ബം വ​ർ​ഷ​ങ്ങ​ളാ​യി താ​മ​സി​ക്കു​ന്ന​ത്.​ സ​ഹോ​ദ​ര​ൻ: സാ​മു​വ​ൽ പൈ​നാ​വ് ഗ​വ.​ പോ​ളി​ടെ​ക്നി​ക്ക് കോ​ള​ജ് വി​ദ്യാ​ർ​ഥി​യാ​ണ്.