തൊ​ടു​പു​ഴ: കാ​ട്ടാ​ന ആ​ക്ര​മ​ണ​ത്തി​ൽ യു​വാ​വ് കൊ​ല്ല​പ്പെ​ട്ട മു​ള്ള​രി​ങ്ങാട്ട് കാ​ട്ടാ​ന പ്ര​തി​രോ​ധ​ത്തി​നാ​യി ന​ട​പ്പാ​ക്കു​മെ​ന്ന് പ്ര​ഖ്യാ​പി​ച്ച പ​ദ്ധ​തി​ക​ളെ​ല്ലാം പാ​ഴ്‌വാ​ക്കാ​യി. സം​ഭ​വം ന​ട​ന്ന് 50 ദി​വ​സം പി​ന്നി​ടു​ന്പോ​ഴും പ്ര​തി​രോ​ധ പ്ര​വ​ർ​ത്ത​ന​ങ്ങ​ളൊ​ന്നും ന​ട​ത്താ​നോ കൊ​ല്ല​പ്പെ​ട്ട യു​വാ​വി​ന്‍റെ കു​ടും​ബ​ത്തി​നു​ള്ള ര​ണ്ടാം ഗ​ഡു ന​ഷ്ട​പ​രി​ഹാ​രം ന​ൽ​കാ​നോ വ​നം​വ​കു​പ്പി​ന് ക​ഴി​യാ​ത്ത​ത് ജ​ന​ങ്ങ​ളി​ൽ വ​ലി​യ പ്ര​തി​ഷേ​ധ​ത്തി​നി​ട​യാ​ക്കി​യി​ട്ടു​ണ്ട്. ക​ഴി​ഞ്ഞ ദി​വ​സം തൊ​ടു​പു​ഴ​യി​ൽ ന​ട​ന്ന സി​റ്റിം​ഗി​ൽ മ​നു​ഷ്യാ​വ​കാ​ശ ക​മ്മീ​ഷ​നും വ​നം​വ​കു​പ്പി​ന്‍റെ ന​ട​പ​ടി​യെ വി​മ​ർ​ശി​ച്ചി​രു​ന്നു. ഇ​പ്പോ​ഴും ജ​ന​വാ​സ മേ​ഖ​ല​യി​ലേ​യ്ക്ക് കാ​ട്ടാ​ന ക​ട​ക്കാ​തി​രി​ക്കാ​ൻ തീ ​കൂ​ട്ടി​യും മ​റ്റും പ്ര​തി​രോ​ധം തീ​ർ​ത്ത് നാ​ട്ടു​കാ​ർ ഉ​റ​ങ്ങാ​തെ കാ​ത്തി​രി​ക്കു​ക​യാ​ണ്.

ക​ഴി​ഞ്ഞ ഡി​സം​ബ​ർ 29-നാ​ണ് മു​ള്ള​രി​ങ്ങാ​ട് അ​മ​യ​ൽ​തൊ​ട്ടി​യി​ൽ പാ​ലി​യ​ത്ത് അ​മ​ർ ഇ​ബ്രാ​ഹിം കാ​ട്ടാ​ന ആ​ക്ര​മ​ണ​ത്തി​ൽ മ​രി​ച്ച​ത്. സു​ഹൃ​ത്ത് മ​ൻ​സൂ​റി​നു പ​രി​ക്കേ​ൽ​ക്കു​ക​യും ചെ​യ്തു. സം​ഭ​വ​ത്തെ തു​ട​ർ​ന്ന് നാ​ട്ടു​കാ​ർ വ​ലി​യ പ്ര​തി​ഷേ​ധ​മു​യ​ർ​ത്തി​യ​തി​നെ തു​ട​ർ​ന്നാ​ണ് അ​ടി​യ​ന്ത​ര​മാ​യി പ്ര​ദേ​ശ​ത്ത് ഫെ​ൻ​സിം​ഗ് തീ​ർ​ക്കു​മെ​ന്നും മ​റ്റ് പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ക്കു​മെ​ന്നും വ​നം​വ​കു​പ്പ് ഉ​റ​പ്പു ന​ൽ​കി​യ​ത്.

എ​ന്നാ​ൽ ജ​ന​വാ​സ മേ​ഖ​ല​യി​ൽ ഒ​രു കി​ലോ​മീ​റ്റ​ർ ദൂ​ര​ത്തു പോ​ലും ഫെ​ൻ​സിം​ഗ് സ്ഥാ​പി​ക്കാ​ൻ അ​ധി​കൃ​ത​ർ​ക്കാ​യി​ട്ടി​ല്ല. ഫെ​ൻ​സിം​ഗ് നി​ർ​മാ​ണ​ത്തി​നാ​യി പി.​ജെ.​ജോ​സ​ഫ് എം​എ​ൽ​എ​യു​ടെ ആ​സ്തി വി​ക​സ​ന ഫ​ണ്ടി​ൽ നി​ന്നും 10 ല​ക്ഷം രൂ​പ​യും ഡീ​ൻ കു​ര്യാ​ക്കോ​സ് എം​പി എ​ട്ടു ല​ക്ഷം രൂ​പ​യും അ​നു​വ​ദി​ച്ചി​രു​ന്നു. എ​ന്നാ​ൽ ഫ​ണ്ട് അ​നു​വ​ദി​ച്ചെ​ങ്കി​ലും ഇ​തി​നാ​യി എ​സ്റ്റി​മേ​റ്റ് ത​യാ​റാ​ക്കു​ക മാ​ത്ര​മാ​ണ് ചെ​യ്ത​ത്. തു​ട​ർ ന​ട​പ​ടി​ക​ൾ ആ​രം​ഭി​ച്ചി​ട്ടി​ല്ല.

ഇ​തി​നി​ടെ പ്ര​ദേ​ശ​ത്ത് നാ​ട്ടു​കാ​രു​ടെ ആ​ന​പ്പേ​ടി ഇ​പ്പോ​ഴും തു​ട​രു​ക​യാ​ണ്. മു​ള്ള​രി​ങ്ങാ​ട് ഭാ​ഗ​ത്തേ​യ്ക്കു​ള്ള പ്ര​ധാ​ന പാ​ത​ക​ളാ​യ ചാ​ത്ത​മ​റ്റം-​മു​ള്ള​രി​ങ്ങാ​ട്, ത​ല​ക്കോ​ട്-​മു​ള്ള​രി​ങ്ങാ​ട് റോ​ഡു​ക​ൾ വ​ന​മേ​ഖ​ല​യി​ലൂ​ടെ​യാ​ണ് ക​ട​ന്നു പോ​കു​ന്ന​ത്. ഈ ​പാ​ത​ക​ളി​ൽ പ​ല​പ്പോ​ഴും കാ​ട്ടാ​ന​ക​ളു​ടെ സാ​ന്നി​ധ്യ​മു​ണ്ടാ​കും. അ​തി​നാ​ൽ ഇ​തു​വ​ഴി​യു​ള്ള രാ​ത്രി സ​ഞ്ചാ​രം നാ​ട്ടു​കാ​ർ ഉ​പേ​ക്ഷി​ച്ചി​രി​ക്കു​ക​യാ​ണ്. മ​റ്റൊ​രു പാ​ത​യാ​യ വ​ണ്ണ​പ്പു​റം -മു​ള്ള​രി​ങ്ങാ​ട് റോ​ഡി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ന്നു വ​രി​ക​യാ​ണ്.

ഈ ​മേ​ഖ​ല​യി​ൽ റോ​ഡ​രി​കി​ലെ അ​ടി​ക്കാ​ടു​ക​ൾ പോ​ലും വ​നം​വ​കു​പ്പ് വെ​ട്ടി നീ​ക്കി​യി​ട്ടി​ല്ല. അ​തി​നാ​ൽ ആ​ന​ക​ൾ നി​ൽ​ക്കു​ന്ന​ത് വ​ഴി​യാ​ത്ര​ക്കാ​ർ​ക്ക് കാ​ണാ​നാ​കി​ല്ല. ഇ​തു മൂ​ലം ഇ​രു​ച​ക്ര വാ​ഹ​ന​ങ്ങ​ളും കാ​ൽ​ന​ട​യാ​ത്ര​ക്കാ​രും കാ​ട്ടാ​ന​യ്ക്കു മു​ന്നി​ൽ അ​ക​പ്പെ​ടാ​ൻ സാ​ധ്യ​ത​യേ​റെ​യാ​ണെ​ന്ന് പ്ര​ദേ​ശ വാ​സി​ക​ൾ പ​റ​യു​ന്നു. കൂ​ടാ​തെ പാ​ത​യി​ൽ വ​ഴി​വി​ള​ക്കു​ക​ളു​മി​ല്ല. നാ​ട്ടു​കാ​രു​ടെ നേ​തൃ​ത്വ​ത്തി​ൽ ജ​ന​റേ​റ്റ​ർ വാ​ട​ക​യ്ക്കെ​ടു​ത്ത് ലൈ​ൻ വ​ലി​ച്ച് റോ​ഡി​ൽ താ​ത്കാ​ലി​ക​മാ​യി വെ​ളി​ച്ചം ന​ൽ​കി വ​രി​ക​യാ​ണ്.

ആ​ന​ക​ൾ ജ​ന​വാ​സ മേ​ഖ​ല​യി​ലേ​യ്ക്ക് ക​ട​ക്കാ​തി​രി​ക്കാ​ൻ ര​ണ്ടു മാ​സ​ത്തോ​ള​മാ​യി നാ​ട്ടു​കാ​ർ ഉ​റ​ക്ക​മി​ള​ച്ച് കാ​വ​ലി​രി​ക്കു​ക​യാ​ണ്. വ​നാ​തി​ർ​ത്തി​യി​ൽ ഒ​രു വേ​ലി​ക്ക​പ്പു​റ​മാ​ണ് പ​ല​പ്പോ​ഴും ആ​ന​ക​ളു​ടെ സാ​ന്നി​ധ്യ​മു​ള്ള​ത്. നാ​ട്ടു​കാ​ർ തീ ​കൂ​ട്ടി​യും പ​ട​ക്കം പൊ​ട്ടി​ച്ചും പ്ര​തി​രോ​ധി​ക്കു​ന്ന​തി​നാ​ലാ​ണ് ആ​ന​ക​ൾ ഇ​വി​ടേ​യ്ക്ക് ക​ട​ക്കാ​ത്ത​ത്.

എ​ന്നാ​ൽ ഏ​തു നി​മി​ഷ​വും കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ലേ​യ്ക്ക് ക​ട​ക്കാ​ൻ സാ​ധ്യ​ത​യു​ണ്ടെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.​ഇ​തി​നി​ടെ കാ​ട്ടാ​ന​ക​ളു​ടെ ഭീ​ഷ​ണി നി​ല നി​ൽ​ക്കു​ന്ന​തി​നാ​ൽ പ​ല വീ​ട്ടു​കാ​രും ഇ​വി​ടം വി​ട്ട് വാ​ട​ക വീ​ടു​ക​ളി​ലേ​ക്കും മ​റ്റും മാ​റിത്തു​ട​ങ്ങി​യി​ട്ടു​ണ്ട്.