ഉപ്പു​ത​റ: വേ​ന​ൽ ക​ടു​ത്ത​തോ​ടെ പെ​രി​യാ​റി​ലെ നീ​രൊ​ഴു​ക്ക് ക്ര​മാ​തീ​ത​മാ​യി കു​റ​ഞ്ഞു. ഇ​ത് പെ​രി​യാ​റി​നെ ആ​ശ്ര​യി​ച്ചു​ള്ള വ​ലു​തും ചെ​റു​തു​മാ​യ കു​ടി​വെ​ള്ള പ​ദ്ധ​തി​ക​ൾ​ക്കും ഭീ​ഷ​ണി​യാ​യി. സാ​ധാ​ര​ണ​യാ​യി മാ​ർ​ച്ച് അ​വ​സാ​ന​മോ ഏ​പ്രി​ൽ ആ​ദ്യ​മോ ആ​ണ് പെ​രി​യാ​റി​ൽ നീ​രൊ​ഴു​ക്ക് ഇ​ത്ര​യ​ധി​കം കു​റ​യാ​റു​ള്ള​ത്.

ഈ ​വ​ർ​ഷം ഫെ​ബ്രു​വ​രി പ​കു​തി​യാ​യ​തോ​ടെ നീ​രൊ​ഴു​ക്ക് കു​റ​ഞ്ഞു. വേ​ന​ൽമ​ഴ ഉ​ട​ൻ ല​ഭി​ക്കാ​തി​രി​ക്കു​ക​യോ ചൂ​ട് ഇ​തേ നി​ല​യി​ൽ തു​ട​രു​ക​യോ ചെ​യ്താ​ൽ ര​ണ്ടാ​ഴ്ച​യ്ക്കു​ള​ളി​ൽ നീ​രൊ​ഴു​ക്ക് നി​ല​യ്ക്കും. മു​ൻ​വ​ർ​ഷ​ങ്ങ​ളി​ലേ​തുപോ​ലെ കൃ​ഷി ന​ന​യ്ക്കാ​ൻ വ​ൻ​കി​ട എ​സ്റ്റേ​റ്റു​കാ​ർ പെ​രി​യാ​റ്റി​ൽ നി​ന്ന് ജ​ല​മൂറ്റ് തു​ട​ങ്ങി​യാ​ൽ ഒ​രാ​ഴ്ചയ്ക്കു മു​ൻ​പേ പെ​രി​യാ​ർ വ​ര​ളും. അ​ടു​ത്തകാ​ല​ത്തെ​ങ്ങും അ​നു​ഭ​വ​പ്പെ​ടാ​ത്ത​ത്ര ക​ടു​ത്ത ചൂ​ടാ​ണ് ഇ​പ്പോ​ൾ ഹൈ​റേ​ഞ്ചി​ലു​ള്ള​ത്.

ഇ​പ്പോ​ൾത്ത​ന്നെ ഉ​യ​ർ​ന്ന പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​ർ കു​ടി​വെ​ള്ള​ത്തി​നാ​യി ബു​ദ്ധി​മു​ട്ടു​ക​യാ​ണ്.

പ്ര​ധാ​ന പ​ദ്ധ​തി​ക​ളി​ൽ ശു​ദ്ധ​ജ​ല​വി​ത​ര​ണം ആ​ഴ്ച​യി​ൽ ര​ണ്ടോ, മൂ​ന്നോ പ്രാ​വ​ശ്യ​മാ​യി ചു​രു​ക്കി. പെ​രി​യാ​റി​ലെ നീ​രൊ​ഴു​ക്ക് പൂ​ർ​ണ​മാ​യും നി​ല​ച്ചാ​ൽ നൂ​റോ​ളം കു​ടി​വെ​ള്ള പ​ദ്ധ​തി​ക​ളു​ടെ പ്ര​വ​ർ​ത്ത​നം നി​ലയ്ക്കും. അ​ങ്ങ​നെ സം​ഭ​വി​ച്ചാ​ൽ പീ​രു​മേ​ട്, ഉ​ടു​മ്പ​ൻ​ചോ​ല, ഇ​ടു​ക്കി താ​ലൂ​ക്കു​ക​ളി​ലെ നൂ​റുക​ണ​ക്കി​ന് കു​ടും​ബ​ങ്ങ​ൾ ശു​ദ്ധജ​ല​ത്തി​ന് മ​റ്റു വ​ഴി​ക​ൾ തേ​ടേ​ണ്ടി​വ​രും.

പെ​രി​യാ​റി​ന്‍റെ കൈ​വ​ഴി​ക​ളാ​യ ചെ​റു​ പു​ഴ​ക​ളും തോ​ടു​ക​ളും ജ​നു​വ​രി അ​വ​സാ​ന​ത്തോ​ടെ വ​റ്റിവ​ര​ണ്ടു.1986നു ​ശേ​ഷം ഇ​താ​ദ്യ​മാ​ണ് ഇ​ത്ര​യും നേ​ര​ത്തേ ജ​ലശ്രോ​ത​സു​ക​ൾ വ​റ്റി​വ​ര​ളു​ന്ന​ത്. അ​ന്ന് ര​ണ്ടു മാ​സ​ത്തോ​ളം പെ​രി​യാ​റി​ൽ നീ​രൊ​ഴു​ക്ക് ഉ​ണ്ടാ​യി​രു​ന്നി​ല്ല.