മു​ണ്ട​ക്ക​യം ഈ​സ്റ്റ്: കാ​ട്ടാ​ന​യു​ടെ ആ​ക്ര​മ​ണ​ത്തി​ൽ ഒ​രു ജീ​വ​ൻ പൊ​ലി​ഞ്ഞു ദി​വ​സ​ങ്ങ​ൾ പി​ന്നി​ടും മു​മ്പ് ടി​ആ​ർ ആ​ൻ​ഡ് ടി ​എസ്റ്റേ​റ്റി​ന്‍റെ ജ​ന​വാ​സ മേ​ഖ​ല​യിൽ വീ​ണ്ടും കാ​ട്ടാ​ന എ​ത്തി​യ​താ​യി പ്ര​ദേ​ശ​വാ​സി​ക​ൾ.

ചെ​ന്നാ​പ്പാ​റ കൊ​മ്പ​ൻ​പാ​റ​യി​ൽ ക​ഴി​ഞ്ഞ ദി​വ​സം കാ​ട്ടാ​ന​യു​ടെ ആ​ക്ര​മ​ണ​ത്തി​ൽ വീ​ട്ട​മ്മ കൊ​ല്ല​പ്പെ​ട്ടി​രു​ന്നു. ഇ​തി​നു​സ​മീ​പം വീ​ണ്ടും കാ​ട്ടാ​ന​ക്കൂ​ട്ടം എ​ത്തി​യ​താ​യാ​ണ് നാ​ട്ടു​കാ​ർ പ​റ​യു​ന്ന​ത്. വ​നം​വ​കു​പ്പ് ഉ​ദ്യോ​ഗ​സ്ഥ​രെ​ത്തി കാ​ട്ടാ​ന​ക്കൂ​ട്ട​ത്തെ കാ​ടു​ക​യ​റ്റി​യെ​ങ്കി​ലും നേ​രം വെ​ളു​ത്തു​തോ​ടെ ഇ​വ വീ​ണ്ടും എ​സ്റ്റേ​റ്റി​നോ​ട് ചേ​ർ​ന്നു​ള്ള ഭാ​ഗ​ങ്ങ​ളി​ൽ വ​ന്ന​താ​യും തൊ​ഴി​ലാ​ളി​ക​ൾ പ​റ​യു​ന്നു.

അ​തേ​സ​മ​യം, തൊ​ഴി​ലാ​ളി കു​ടും​ബ​ങ്ങ​ളെ വീ​ണ്ടും ഭീ​തി​യി​ലാ​ക്കി ക​ട​മാ​ൻ​കു​ളം, മ​ഞ്ഞ​ക്ക​ല്ലോ​രം ഭാ​ഗ​ങ്ങ​ളി​ൽ കാ​ട്ടാ​ന​യു​ടെ സാ​ന്നി​ധ്യം സ്ഥി​രീ​ക​രി​ച്ചു. ഒ​രാന​യാ​ണ് ഇ​വി​ടെ എ​ത്തി​യി​രി​ക്കു​ന്ന​തെ​ന്നാ​ണ് നി​ഗ​മ​നം. മ​ഞ്ഞ​ക്ക​ല്ലോ​ര​ത്ത് സോ​ളാ​ർ വേ​ലി​ക​ൾ ത​ക​ർ​ത്ത് അ​ക​ത്തു​ക​യ​റി​യ കാ​ട്ടാ​ന കൈ​ത​കൃ​ഷി ത​ക​ർ​ത്തി​ട്ടു​ണ്ട്. ക​ട​മാ​ൻ​കു​ളം തോ​ടി​നു സ​മീ​പ​വും ആ​ന​യു​ടെ സാ​ന്നി​ധ്യം പ്ര​ദേ​ശ​വാ​സി​ക​ൾ തി​രി​ച്ച​റി​ഞ്ഞി​ട്ടു​ണ്ട്. ആ​ന​യ്ക്കാ​യി തെ​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​ൻ ക​ഴി​ഞ്ഞി​ല്ലെ​ന്നാ​ണ് വ​നം​വ​കു​പ്പും നാ​ട്ടു​കാ​രും പ​റ​യു​ന്ന​ത്. എ​ന്നാ​ൽ, മു​മ്പ​ത്തേ​തു​പോ​ലെ ആ​ന​യു​ള്ള ഭാ​ഗ​ങ്ങ​ളി​ലേ​ക്കു ചെ​ല്ലു​വാ​ൻ തൊ​ഴി​ലാ​ളി​ക​ളും ഭ​യ​പ്പെ​ടു​ക​യാ​ണ്.

തൊ​ഴി​ലാ​ളി കു​ടും​ബ​ങ്ങ​ൾ താ​മ​സി​ക്കു​ന്ന നി​ര​വ​ധി ല​യ​ങ്ങ​ളു​ള്ള ഭാ​ഗ​മാ​ണ് ക​ട​മാ​ൻ​കു​ളം മേ​ഖ​ല. കൂ​ട്ട​മാ​യി​ട്ട​ല്ലാ​തെ ഒ​റ്റ​യ്ക്ക് ന​ട​ക്കു​ന്ന ആ​ന അ​ക്ര​മ​കാ​രി​യാ​കാ​ൻ സാ​ധ്യ​ത​യു​ണ്ടെ​ന്ന നി​ഗ​മ​ന​ത്താ​ൽ ആ​ളു​ക​ൾ വ​ലി​യ ഭ​യ​പ്പാ​ടി​ലാ​ണ്. ഡ്രോ​ണു​ക​ളു​ടെ സ​ഹാ​യ​ത്തോ​ടെ മേ​ഖ​ല​യി​ൽ നി​രീ​ക്ഷ​ണം ന​ട​ത്തു​ന്നു​ണ്ടെ​ന്നാ​ണ് വ​നം​വ​കു​പ്പു പ​റ​യു​ന്ന​ത്. എ​ന്നാ​ൽ, നി​രീ​ക്ഷ​ണം ന​ട​ത്തി​യ​തു​കൊ​ണ്ട് എ​ന്തു പ്ര​യോ​ജ​നം എ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്.

പ​രി​ഹാ​ര​മി​ല്ലാ​ത്ത
വ​ന്യ​മൃ​ഗ​ശ​ല്യം

പെ​രു​വ​ന്താ​നം പ​ഞ്ചാ​യ​ത്തി​ന്‍റെ ടി​ആ​ർ ആ​ൻ​ഡ് ടി ​എ​സ്റ്റേ​റ്റി​ലെ വ​ന്യ​മൃ​ഗ​ശ​ല്യ​ത്തി​നു ശാ​ശ്വ​ത പ​രി​ഹാ​രം ഉ​ട​ൻ ഉ​ണ്ടാ​കാ​ൻ സാ​ധ്യ​ത വി​ര​ള​മാ​ണ്. ഒ​രാ​ളു​ടെ ജീ​വ​ൻ ന​ഷ്ട​മാ​യി​ട്ടും പ്ര​ശ്ന​ത്തി​ൽ ശാ​ശ്വ​ത പ​രി​ഹാ​രം ക​ണ്ടെ​ത്തു​ന്ന​തി​നു​ള്ള ന​ട​പ​ടി​ക​ളൊ​ന്നും വ​ന​ംവ​കു​പ്പി​ന്‍റെ ഭാ​ഗ​ത്തു​നി​ന്ന് ആ​രം​ഭി​ച്ചി​ട്ടി​ല്ല. പ​തി​വ് രീ​തി​ക​ൾ ത​ന്നെ​യാ​ണ് ഇ​പ്പോ​ഴും അ​വ​ലം​ബി​ക്കു​ന്ന​ത്.

വ​നം​വ​കു​പ്പി​ന്‍റെ ഉ​ന്ന​ത ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തു​ക​യോ അ​ടി​യ​ന്ത​ര​മാ​യും ദീ​ർ​ഘ​നാ​ളു​ക​ൾ കൊ​ണ്ടു ന​ട​പ്പി​ലാ​ക്കേ​ണ്ട പ​ദ്ധ​തി​ക​ളെ​ക്കു​റി​ച്ചു പ​ഠ​നം ന​ട​ത്തു​ക​യോ ഒ​ന്നും ചെ​യ്യാ​തെ ഏ​റ്റ​വും താ​ഴേ​ത്ത​ട്ടി​ലു​ള്ള വ​ന​പാ​ല​ക​രെ വ​ന്യ​മൃ​ഗ​ങ്ങ​ൾ ഇ​റ​ങ്ങു​ന്ന ഭാ​ഗ​ത്തേ​ക്കു പ​റ​ഞ്ഞ​യ​യ്ക്കു​ക​യും ഇ​വ​ർ ഒ​ച്ച​യു​ണ്ടാ​ക്കി​യും പ​ട​ക്കം പൊ​ട്ടി​ച്ചും വ​ന്യ​മൃ​ഗ​ങ്ങ​ള തു​രു​ത്തു​ന്ന രീ​തി​യാ​ണ് ഇ​പ്പോ​ഴും അ​വ​ലം​ബി​ക്കു​ന്ന​ത്. എ​സ്റ്റേ​റ്റി​ലെ വ​ള​ർ​ന്നു​നി​ൽ​ക്കു​ന്ന അ​ടി​ക്കാ​ടു​ക​ൾ വെ​ട്ടു​ന്ന​തി​നു​ള്ള ശ​ക്ത​മാ​യ നി​ർ​ദേ​ശ​വും അ​ധി​കാ​രി​ക​ളു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്നി​ല്ല.

അ​തേ​സ​മ​യം, എ​സ്റ്റേ​റ്റി​ലെ വ​ർ​ഷ​ങ്ങ​ളാ​യി പ്ലാ​ന്‍റ് ചെ​യ്യാ​തെ കാ​ടു മൂ​ടി​ക്കി​ട​ക്കു​ന്ന ഏ​ക്ക​ർ​ക​ണ​ക്കി​നു ഭൂ​മി പി​ടി​ച്ചെ​ടു​ത്ത്‌ ഭൂ​ര​ഹി​ത​ർ​ക്ക് വി​ത​ര​ണം ചെ​യ്യ​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.