സഹോദയ കോട്ടയം സിബിഎസ്ഇ എഡ്യുക്കേഷണൽ എക്സ്പോ : കടുത്തുരുത്തി സെന്‍റ് കുര്യാക്കോസ് പബ്ലിക് സ്കൂൾ ജേതാക്കൾ
1466536
Monday, November 4, 2024 7:30 AM IST
കോട്ടയം: സഹോദയ കോട്ടയം സിബിഎസ്ഇ എഡ്യുക്കേഷണൽ എക്സ്പോ ഇന്നവേഷൻ 2024ൽ ഓവറോൾ വിന്നറായും ബെസ്റ്റ് സ്കൂൾ വിന്നറായും കടുത്തുരുത്തി സെന്‍റ് കുര്യാക്കോസ് പബ്ലിക് സ്കൂൾ തെരഞ്ഞെടുക്കപ്പെട്ടു. പള്ളിക്കത്തോട് അരവിന്ദ വിദ്യാമന്ദിരം ഫസ്റ്റ് റണ്ണറപ്പായും പുതുപ്പള്ളി ഡോൺബോസ്കോ സെൻട്രൽ സ്കൂൾ സെക്കൻഡ് റണ്ണറപ്പായും തെരഞ്ഞെടുക്കപ്പെട്ടു.
പുതുപ്പള്ളി ഡോൺബോസ്കോ സെൻട്രൽ സ്കൂളിൽ നടന്ന എക്സ്പോ ചാണ്ടി ഉമ്മൻ എംഎൽഎ ഉദ്ഘാടനം ചെയ്തു. സഹോദയ കോട്ടയം പ്രസിഡന്‍റ് ബെന്നി ജോർജ്, ജനറൽ സെക്രട്ടറി ആർ. കവിത എന്നിവർ പ്രസംഗിച്ചു.
സമാപന സമ്മേളനത്തിൽ ഭാഭാ ആറ്റമിക് റിസേർച്ച് സെന്‍റർ സീനിയർസയന്‍റിസ്റ്റും ഐസൊടോപ് ഹൈഡ്രോളജിസ്റ്റുമായ പ്രഫ. ബേബിച്ചൻ ജോസഫ് മുഖ്യാതിഥിയായിരുന്നു.
സഹോദയ കോട്ടയം വർക്കിംഗ് പ്രസിഡന്‍റ് ഫാ. തോമസ് പറത്താനം, ഡോൺബോസ്കോ സ്കൂൾ മാനേജർ ഫാ. ദേവസി ചിറയ്ക്കൽ, പ്രിൻസിപ്പൽ ഫാ. ജോഷ് കാഞ്ഞൂപ്പറന്പിൽ എന്നിവർ പ്രസംഗിച്ചു.