തൃക്കൊടിത്താനം ഫൊറോന പള്ളിയില്‍ ഇന്ന് ഇടവക ദിനാഘോഷം
1466260
Sunday, November 3, 2024 7:32 AM IST
തൃക്കൊടിത്താനം: സെന്‍റ് സേവ്യേഴ്‌സ് ഫൊറോന പള്ളിയിൽ ഇന്ന് ഇടവകദിനാഘോഷം നടക്കും. ഇന്ന് രാവിലെ ഒമ്പതിന് കുന്നുംപുറം ജംഗ്ഷനില്‍ എത്തിച്ചേരുന്ന മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടിലിനെ പരമ്പരാഗത വേഷമണിഞ്ഞ ഇടവകാംഗങ്ങളും മാലാഖാ വേഷമണിഞ്ഞ കുട്ടികളും ചേര്‍ന്ന് പേപ്പല്‍ പതാക വീശിയും സ്വീകരിക്കും.
ഫൊറോന വികാരിയും അതിരൂപത വികാരി ജനറാളുമായ ഫാ. ആന്‍റണി എത്തക്കാട്ട് തെളിച്ച തിരി മേജര്‍ ആര്‍ച്ച്ബിഷപിനു കൈമാറും. തുടര്‍ന്നു നടക്കുന്ന വിശുദ്ധ കുര്‍ബാനയില്‍ മേജര്‍ ആര്‍ച്ച്ബിഷപ് മുഖ്യകാര്‍മികത്വം വഹിച്ച് വചന സന്ദേശം നല്‍കും.
സമ്മേളനത്തിൽ വികാരി ഫാ. ആന്‍റണി എത്തക്കാട്ട് അധ്യക്ഷത വഹിക്കും. മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടില്‍ ഉദ്ഘാടനം ചെയ്യും.
മലപ്പുറം സബ് കളക്ടര്‍ ദിലീപ് കൈനിക്കര മുഖ്യസന്ദേശം നല്‍കും. ഇടവകയില്‍ കൂടുതല്‍ മക്കളുള്ള കുടുംബങ്ങളെയും വിവിധ മേഖലകളില്‍ മികവു പുലര്‍ത്തിയവരെയും മേജര്‍ ആര്‍ച്ച് ബിഷപ് പുരസ്‌കാരങ്ങള്‍ നല്‍കി ആദരിക്കും.