സ​ത്യ​സ​ന്ധ​തയുടെ പേരാണ് രോഹുൽ...
Monday, October 14, 2024 6:30 AM IST
പു​തു​പ്പ​ള്ളി: സ്വാ​ര്‍ഥ​മാ​യ ഇ​ന്നി​ന്‍റെ ലോ​ക​ത്ത് സ​ത്യ​സ​ന്ധ​ത കൈ​മു​ത​ലാ​യ കു​റ​ച്ചു മ​നു​ഷ്യ​രു​ണ്ട്. അ​വ​രി​ലൊ​രാ​ളാ​ണ് അ​സം സ്വ​ദേ​ശി​യാ​യ രോ​ഹു​ല്‍ അ​ലി. ക​ട​യ്ക്കു മു​മ്പി​ല്‍ നി​ല​ത്തു​കി​ട​ന്നു ല​ഭി​ച്ച 500 രൂ​പ ദി​വ​സ​ങ്ങ​ള്‍ സൂ​ക്ഷി​ച്ചു ഉ​ട​മ​യ്ക്ക് കൈ​മാ​റി മാ​തൃ​ക​യാ​വു​ക​യാ​ണ് 21കാ​ര​നാ​യ ഈ ​അ​തി​ഥി​ത്തൊ​ഴി​ലാ​ളി.

പു​തു​പ്പ​ള്ളി ബ​സ് സ്റ്റാ​ന്‍ഡി​ന് എ​തി​ർ​വ​ശ​ത്താ​യി പ്ര​വ​ര്‍ത്തി​ക്കു​ന്ന ചി​ക്ക​ന്‍ സെ​ന്‍റ​റി​ലെ ജീ​വ​ന​ക്കാ​ര​നാ​ണ് രോ​ഹു​ല്‍. ഏ​താ​നും ദി​വ​സം മു​ന്പ് ക​ട​യു​ടെ മു​ന്‍വ​ശ​ത്തു നി​ന്നാ​ണ് രോ​ഹു​ലി​നു പ​ണം ല​ഭി​ച്ച​ത്. ഉ​ട​ന്‍ ത​ന്നെ അ​തെ​ടു​ത്തു ക​ട​യി​ലെ അ​ല​മാ​ര​യ്ക്കു മു​ക​ളി​ല്‍ സൂ​ക്ഷി​ച്ചു.

സ​മീ​പ ക​ട​ക​ളി​ലൊ​ക്കെ രോ​ഹു​ല്‍ ഇ​ക്കാ​ര്യം അ​റി​യി​ച്ചി​രു​ന്നു. പ​ണം ന​ഷ്ട​പ്പെ​ട്ട​തന്വേ​ഷി​ച്ച് ആ​രെ​ങ്കി​ലുമെത്തി​യാ​ല്‍ ക​ട​യി​ലേ​ക്ക് പ​റ​ഞ്ഞ​യ​യ്ക്കാ​നും പ​റ​ഞ്ഞു. മൂ​ന്നു​ദി​വ​സ​ങ്ങ​ള്‍ക്കു ശേ​ഷ​മാ​ണ് പ​ണ​ത്തി​ന്‍റെ ഉ​ട​മ​യെ​ത്തു​ന്ന​ത്. ക​ട​യി​ലെ​ത്തി കാ​ര്യം പ​റ​ഞ്ഞ​പ്പോ​ള്‍ അ​ല​മാ​ര​യി​ല്‍നി​ന്നു പ​ണം മ​ട​ക്കി ന​ല്‍കി.


പ​ണം ന​ഷ്ട​പ്പെ​ട്ട​യാ​ള്‍ 100 രൂ​പ ഭാ​യി​ക്കു ത​ര​ട്ടെ എ​ന്ന ചോ​ദി​ച്ച​പ്പോ​ൾ, വേ​ണ്ട ചേ​ട്ടാ... ചേ​ട്ട​ന്‍ ക​ഷ്ട​പ്പെ​ട്ട കാ​ഷ് എ​നി​ക്ക് എ​ന്തി​നാ​ണ്.... എ​ന്നാ​യി രോ​ഹി​ലി​ന്‍റെ മ​റു​പ​ടി. ഭാ​യ് ആ​യ​തു​കൊ​ണ്ടാ​ണ് എ​നി​ക്കി​തു മ​ട​ക്കി ന​ല്‍കി​യ​തെ​ന്നാ​ണ് പ​ണം ന​ഷ്ട​പ്പെ​ട്ട​യാ​ള്‍ പ​റ​ഞ്ഞ​ത്.

ഉ​ട​മ എ​ത്തി​യ​തോ​ടെ ചെ​റു​തെ​ങ്കി​ലും പ​ണം കൈ​മാ​റാ​ന്‍ ക​ഴി​ഞ്ഞ​തി​ന്‍റെ സ​ന്തോ​ഷ​ത്തി​ലാ​ണ് രോ​ഹു​ല്‍ അ​ലി. നാ​ലു വ​ര്‍ഷ​മാ​യി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ ജോ​ലി ചെ​യ്തു വ​രി​ക​യാ​ണ് ഇ​യാ​ള്‍.