ച​ങ്ങ​നാ​ശേ​രി​യി​ല്‍നി​ന്നു​ള്ള കാ​യം​കു​ളം കെ​എ​സ്ആ​ര്‍ടി​സി ബ​സ് നി​ര്‍ത്താ​ന്‍ നീ​ക്കം
Wednesday, October 9, 2024 5:45 AM IST
ച​ങ്ങ​നാ​ശേ​രി: ച​ങ്ങ​നാ​ശേ​രി ഡി​പ്പോ​യി​ല്‍നി​ന്നും ഉ​ച്ച​ക​ഴി​ഞ്ഞ് 3.30ന് ​കാ​യം​കു​ള​ത്തി​നു​ള്ള കെ​എ​സ്ആ​ര്‍ടി​സി ഫാ​സ്റ്റ്പാ​സ​ഞ്ച​ര്‍ ബ​സ് സ​ര്‍വീ​സ് നി​ര്‍ത്ത​ലാ​ക്കാ​ന്‍ നീ​ക്കം. ഈ ​സ​ര്‍വീ​സ് നി​ര്‍ത്തി ആ​ല​പ്പു​ഴ​യ്ക്ക് സ​ര്‍വീ​സ് ന​ട​ത്തി റൂ​ട്ടു പു​ന:​ക്ര​മീ​ക​രി​ക്കാ​നാ​ണ് ഡി​പ്പോ അ​ധി​കൃ​ത​രു​ടെ ആ​ലോ​ച​ന. തി​രു​വ​ല്ല, മാ​ന്നാ​ര്‍, മാ​വേ​ലി​ക്ക​ര വ​ഴി കാ​യം​കു​ള​ത്തി​ന് ക​ഴി​ഞ്ഞ ഏ​ഴു​വ​ര്‍ഷ​മാ​യി സ​ര്‍വീ​സ് ന​ട​ത്തി​വ​രു​ന്ന ബ​സാ​ണി​ത്. ഈ ​ബ​സ് ഓ​ച്ചി​റ വ​ഴി ക​രു​നാ​ഗ​പ്പ​ള്ളി​യി​ലേ​ക്ക് നീ​ട്ട​ണ​മെ​ന്ന ആ​വ​ശ്യം നി​ല​നി​ല്‍ക്കു​മ്പോ​ഴാ​ണ് സ​ര്‍വീ​സ് നി​ര്‍ത്തി ആ​ല​പ്പു​ഴ​യി​ലേ​ക്കു മാ​റ്റാ​ന്‍ ശ്ര​മം​ന​ട​ക്കു​ന്ന​ത്.

പു​ല​ര്‍ച്ചെ 4.40ന് ​ച​ങ്ങ​നാ​ശേ​രി​യി​ല്‍നി​ന്നു ക​റു​ക​ച്ചാ​ല്‍വ​ഴി നെ​ടു​ങ്ക​ണ്ട​ത്തേ​ക്കു പു​റ​പ്പെ​ടു​ന്ന ഈ ​സ​ര്‍വീ​സ് 9.30ന് ​അ​വി​ടെ​യെ​ത്തും. പ​ത്തി​ന് തി​രി​കെ പു​റ​പ്പെ​ട്ട് ഉ​ച്ച​ക​ഴി​ഞ്ഞ് 2.30ന് ​കോ​ട്ട​യം ഡി​പ്പോ​യി​ലെ​ത്തും. അ​വി​ടെ​നി​ന്നു മൂ​ന്നി​ന് കാ​യം​കു​ളം ബോ​ര്‍ഡ് വ​ച്ച് പു​റ​പ്പെ​ടു​ന്ന ബ​സ് ച​ങ്ങ​നാ​ശേ​രി വ​ഴി​യാ​ണ് കാ​യം​കു​ള​ത്തേ​ക്കു പോ​കു​ന്ന​ത്. അ​വി​ടെ​നി​ന്നു തി​രി​കെ 5.10ന് ​പു​റ​പ്പെ​ട്ട് 6.45ന് ​ച​ങ്ങ​നാ​ശേ​രി​യി​ലെ​ത്തി അ​വ​സാ​നി​ക്കു​ന്ന വി​ധ​മാ​ണ് സ​ര്‍വീ​സി​ന്‍റെ ഷെ​ഡ്യൂ​ള്‍. ഇ​രു​പ​തി​നാ​യി​ര​ത്തോ​ളം രൂ​പ വ​രു​മാ​ന​മു​ള്ള സ​ര്‍വീ​സാ​ണി​ത്.


ഈ ​സ​ര്‍വീ​സ് കാ​യം​കു​ളം ഭാ​ഗ​ത്തു​ള്ള ഉ​ദ്യോ​ഗ​സ്ഥ​ര​ട​ക്കം ആ​ളു​ക​ള്‍ക്ക് ഏ​റെ പ്ര​യോ​ജ​ന​പ്ര​ദ​മാ​യി​രു​ന്നു. കാ​യം​കു​ളം ട്രി​പ്പ് വേ​ണ്ടെ​ന്നു വ​ച്ച് ആ​ല​പ്പു​ഴ​യി​ലേ​ക്കു മാ​റ്റി​യാ​ല്‍ വ​രു​മാ​നം കു​റ​യു​ന്ന​തി​നൊ​പ്പം കാ​യം​കു​ളം മേ​ഖ​ല​യി​ലേ​ക്കു​ള്ള യാ​ത്ര​ക്കാ​രു​ടെ ദു​രി​തം ഏ​റു​മെ​ന്നു ചൂ​ണ്ടി​ക്കാ​ണി​ക്ക​പ്പെ​ടു​ന്നു.