ച​ങ്ങ​നാ​ശേ​രി: എ​ന്‍എ​ച്ച്-183 ചെ​ങ്ങ​ന്നൂ​ര്‍-​കോ​ട്ട​യം (എം​സി റോ​ഡ്) റീച്ച് നി​ര്‍മാ​ണം നീ​ളു​ന്നു. സം​സ്ഥാ​ന​ത്തെ​ത​ന്നെ പ്ര​ധാ​ന​പ്പെ​ട്ട ഈ ​റോ​ഡി​ലൂ​ടെ​യു​ള്ള യാ​ത്ര ദു​രി​ത​ത്തി​ല്‍. 35 കി​ലോ​മീ​റ്റ​ര്‍ ദൂ​രം​വ​രു​ന്ന ഈ ​റോ​ഡി​ന്‍റെ പ​ല​ ഭാ​ഗ​ങ്ങ​ളും ത​ക​ര്‍ന്ന് വാ​ഹ​ന​സ​ഞ്ചാ​രം ദു​ഷ്കര​മാ​യ നി​ല​യി​ലാ​ണ്. തി​രു​വ​ല്ല, പെ​രു​ന്ന, ച​ങ്ങ​നാ​ശേ​രി കെ​എ​സ്ആ​ര്‍ടി​സി ജം​ഗ്ഷ​ന്‍, വാ​ഴ​പ്പ​ള്ളി സെ​ന്‍റ് തെ​രേ​സാ​സ് സ്‌​കൂ​ള്‍ ജം​ഗ്ഷ​ന്‍, ചി​ങ്ങ​വ​നം, നാ​ട്ട​കം ഭാ​ഗ​ങ്ങ​ളി​ലാ​ണ് റോ​ഡി​ന് ത​ക​ര്‍ച്ച നേ​രി​ട്ട​തു​മൂ​ലം വാ​ഹ​ന​ഗ​താ​ഗ​തം ബു​ദ്ധി​മു​ട്ടി​ലാ​യി​രി​ക്കു​ന്ന​ത്.

ഈ ​റോ​ഡി​ലെ തി​രു​വ​ല്ല, മു​ത്തൂ​ര്‍, പെ​രു​ന്തു​രു​ത്തി, ച​ങ്ങ​നാ​ശേ​രി, തു​രു​ത്തി, കു​റി​ച്ചി, ചി​ങ്ങ​വ​നം ക​വ​ല​ക​ളി​ലു​ള്ള ഡി​വൈ​ഡ​ര്‍ ലൈ​നു​ക​ളും സീ​ബ്രാ​ക്രോ​സിം​ഗു​ക​ളും മാ​ഞ്ഞ് സു​ര​ക്ഷാ ക്ര​മീ​ക​ര​ണ​ങ്ങ​ള്‍ താ​ളം​തെ​റ്റി​യി​ട്ടു വ​ര്‍ഷ​ങ്ങ​ള്‍ പി​ന്നി​ടു​ക​യാ​ണ്.

ഇ​ക്ക​ഴി​ഞ്ഞ മാ​ര്‍ച്ച് ആ​ദ്യ​വാ​രം 36 കോ​ടി രൂ​പ​യ്ക്ക് ഈ ​റോ​ഡി​ന്‍റെ നി​ര്‍മാ​ണ ജോ​ലി​ക​ള്‍ ക​രാ​റു​കാ​ര​ന്‍ ഏ​റ്റെ​ടു​ത്തു​രു​ന്നു. തു​ട​ര്‍ന്നു​ള്ള ന​ട​പ​ടി​ക​ള്‍ വേ​ഗ​ത്തി​ലാ​കു​ന്നി​ല്ലെ​ന്ന പ​രാ​തി​യാ​ണ് ഉ​യ​ര്‍ന്നി​രി​ക്കു​ന്ന​ത്. റോ​ഡി​ലെ കു​ഴി​ക​ള​ട​ച്ച് ആ​വ​ശ്യ​മു​ള്ളി​ട​ത്ത് ബി​എം ടാ​റിം​ഗും ബാ​ക്കി​യു​ള്ളി​ട​ത്ത് ബി​സി നി​ല​വാ​ര​ത്തി​ലു​ള്ള ടാ​റിം​ഗും ഡി​വൈ​ഡ​ര്‍ ലൈ​നു​ക​ളും സീ​ബ്ര​ ക്രോ​സിം​ഗു​ക​ളും സ്ഥാ​പി​ക്കു​ന്ന​തി​നു​ള്ള ക​രാ​റാ​ണ് ന​ല്‍കി​യി​രി​ക്കു​ന്ന​ത്. മാ​ര്‍ച്ച് അ​വ​സാ​ന​വാ​ര​ത്തോ​ടെ നി​ര്‍മാ​ണജോ​ലി​ക​ള്‍ ആ​രം​ഭി​ക്കാ​നാ​ണ് പ​ദ്ധ​തി​യി​ട്ട​തെ​ങ്കി​ലും ഇ​തു​വ​രെ നി​ര്‍മാ​ണ ജോ​ലി​ക​ള്‍ എ​ങ്ങു​മെ​ത്തി​യി​ട്ടി​ല്ല. തു​ട​രെ പെ​യ്യു​ന്ന മ​ഴ​യാ​ണ് റോ​ഡ് നി​ര്‍മാ​ണ​ത്തി​നു ത​ട​സ​മാ​കു​ന്ന​തെ​ന്നാ​ണ് അ​ധി​കൃ​ത​ര്‍ ചൂ​ണ്ടി​ക്കാ​ട്ടു​ന്ന​ത്. ത​ത്കാ​ലം റോ​ഡി​ലെ വ​ലി​യ കു​ഴി​ക​ളെ​ങ്കി​ലും അ​ട​ച്ചാ​ല്‍ ന​ന്നാ​യി​രു​ന്നു​വെ​ന്നാ​ണ് വാ​ഹ​ന​യാത്രികർ‍ ചൂ​ണ്ടി​ക്കാ​ട്ടു​ന്ന​ത്.

ഈ ​റോ​ഡി​ന്‍റെ വി​ക​സ​നം ന​ട​പ്പാ​ക്കി ആ​റു​വ​ര്‍ഷം മു​മ്പ് കെ​എ​സ്ടി​പി നാ​ഷ​ണ​ല്‍ ഹൈ​വേ വി​ഭാ​ഗ​ത്തി​നു കൈ​മാ​റി​യി​രു​ന്നു. നാ​ഷ​ണ​ല്‍ ഹൈ​വേ അ​ഥോ​റി​റ്റി ഏ​റ്റെ​ടു​ത്ത​തോ​ടെ​യാ​ണ് ഈ ​റോ​ഡി​ന് എ​ന്‍എ​ച്ച്-183 എ​ന്നു പേ​രി​ട്ട​ത്. റോ​ഡി​ന്‍റെ ന​വീ​ക​ര​ണ​ത്തി​നാ​യി 2022ല്‍ ​കേ​ന്ദ്ര റോ​ഡ് ട്രാ​ന്‍സ്‌​പോ​ര്‍ട്ട് മ​ന്ത്രാ​ല​യം 39.48 കോ​ടി രൂ​പ അ​നു​വ​ദി​ച്ചി​രു​ന്നു. റോ​ഡി​ന്‍റെ നി​ര്‍മാ​ണം വേ​ഗ​ത്തി​ലാ​ക്ക​ണ​മെ​ന്നാ​വ​ശ്യ​പ്പെ​ട്ട് വി​വി​ധ രാ​ഷ്‌​ട്രീ​യ സം​ഘ​ട​ന​ക​ള്‍ പ്ര​തി​ഷേ​ധ​ത്തി​നൊ​രു​ങ്ങു​ക​യാ​ണ്.