മങ്കൊ​മ്പ്: ച​മ്പ​ക്കു​ള​ത്ത് നാ​ട്ടു​കാ​ർ കാ​ട്ടു​പ​ന്നി​യെ ക​ണ്ട​താ​യു​ള്ള വാ​ർ​ത്ത​ക​ൾ സാ​മൂ​ഹ്യ​മാ​ധ്യ​മ​ങ്ങ​ളി​ൽ സ​ജീ​വം. ഇ​ന്ന​ലെ വൈ​കു​ന്നേ​രം ച​മ്പ​ക്കു​ളം പ​ഞ്ചാ​യ​ത്ത് എ​ട്ടാം വാ​ർ​ഡി​ലെ അ​മേ​രി​ക്ക​ൻ ജം​ഗ്ഷ​നു സ​മീ​പ​ത്താ​ണ് പ്ര​ദേ​ശ​വാ​സി​ക​ളിൽ ചി​ല​ർ കാ​ട്ടു​പ​ന്നി​യെ​ന്നു സം​ശ​യി​ക്കു​ന്ന ജീ​വി​യെ ക​ണ്ട​താ​യി പ​റ​യു​ന്ന​ത്.

ഇ​വി​ടെ ആ​റു​പ​റ തോ​ട്ടി​ൽ നീ​ന്തി​ന​ട​ക്കു​ന്ന ജീ​വി​യു​ടെ ദൃ​ശ്യ​ങ്ങ​ളാ​ണ് സാ​മൂ​ഹ്യ​മാ​ധ്യ​മ​ങ്ങ​ളി​ൽ വൈ​റ​ലാ​കു​ന്ന​ത്. പ​ന്നി​യെ​ക​ണ്ട് സ്ത്രീ​ക​ള​ട​ക്ക​മു​ള്ള നാ​ട്ടു​കാ​ർ ബ​ഹ​ളം വ​യ്ക്കു​ന്ന​തും ദൃ​ശ്യ​ങ്ങ​ളി​ൽ കേ​ൾ​ക്കാം. എ​ന്നാ​ൽ, നാ​ട്ടു​കാ​രു​ടെ ക​ണ്ണു​വെ​ട്ടി​ച്ചു പ​ന്നി​യെ​ന്നു സം​ശ​യി​ക്കു​ന്ന ജീ​വി ക​ട​ന്നു​ക​ള​ഞ്ഞു. ക​ഴി​ഞ്ഞ ഒ​രുമാ​സ​ത്തി​നി​ടെ പ​ല​യി​ട​ത്തും പ​ന്നി​യെ ക​ണ്ട​താ​യി പ​ല​രും പ​റ​ഞ്ഞി​രു​ന്നു.

എ​ന്നാ​ൽ, ദൃ​ശ്യ​ങ്ങ​ൾ ഇ​പ്പോ​ൾ മാ​ത്ര​മാ​ണ് പ​ക​ർ​ത്താ​ൻ ക​ഴി​ഞ്ഞ​ത്. ഒ​രുമാ​സ​മാ​യി പ​ന്നി​യു​ടെ സാ​ന്നി​ധ്യം പ​റ​ഞ്ഞു കേ​ൾ​ക്കു​ന്നെ​ങ്കി​ലും ഇ​ത് എ​ന്തെ​ങ്കി​ലും നാ​ശ​ന​ഷ്ട​ങ്ങ​ൾ വ​രു​ത്തി​യ​താ​യി കേ​ട്ടി​ട്ടി​ല്ല. ഏ​താ​നു നാ​ളു​ക​ൾ​ക്കു മു​ൻ​പ് വെ​ളി​യ​നാ​ട് പ്ര​ദേ​ശ​ത്തും സ​മാ​ന​മാ​യ രീ​തി​യി​ൽ നാ​ട്ടു​കാ​രി​ൽ പ​ല​രും കാ​ട്ടു​പ​ന്നി​യെ ക​ണ്ട​താ​യി റി​പ്പോ​ർ​ട്ടു ചെ​യ്തി​രു​ന്നു. തെ​ങ്ങി​ൻ തൈ​ക​ളും ക​വു​ങ്ങ​ളി​ൻ തൈ​ക​ളും പ​ല​യി​ട​ത്തും ഇ​വ ന​ശി​പ്പി​ച്ച​താ​യും പ​രാ​തി​യു​ണ്ടാ​യി​രു​ന്നു. നേ​ര​ത്തെ കി​ട​ങ്ങ​റ​യി​ൽ എ​സി റോ​ഡി​ൽ കാ​ട്ടു​പ​ന്നി​യെ വ​ണ്ടി​ക​യ​റി ച​ത്ത നി​ല​യി​ലും ക​ണ്ടെ​ത്തി​യി​രു​ന്നു.