ആ​ല​പ്പു​ഴ: മു​ഹ​മ്മ​യി​ല്‍ മോ​ഷ​ണ​മു​ത​ല്‍ ക​ണ്ടെ​ടു​ക്കാ​ന്‍ പോ​ലീ​സ് എ​ത്തി​യ​പ്പോ​ള്‍ ജ്വ​ല്ല​റി ഉ​ട​മ വി​ഷ​ദ്രാ​വ​കം ക​ഴി​ച്ച് മ​രി​ച്ച സം​ഭ​വ​ത്തി​ല്‍ ക​ടു​ത്തു​രു​ത്തി പോ​ലീ​സി​നെ​തി​രേ ഗു​രു​ത​ര ആ​രോ​പ​ണ​വു​മാ​യി മ​ക​ന്‍ രം​ഗ​ത്ത്. ക​ഴി​ഞ്ഞ ഏ​ഴാം തീ​യ​തി​യാ​ണ് മ​ണ്ണ​ഞ്ചേ​രി സ്വ​ദേ​ശി​യാ​യ രാ​ധാ​കൃ​ഷ്ണ​ന്‍ മ​രി​ക്കു​ന്ന​ത്.

ക​ടു​ത്തു​രു​ത്തി പോ​ലീ​സ് അ​റ​സ്റ്റ് ചെ​യ്ത ഷെ​ല്‍​വ​രാ​ജ് എ​ന്ന ക​ള്ള​ന്‍റെ മോ​ഷ​ണമു​ത​ല്‍ വി​റ്റ​ത് രാ​ധാ​കൃ​ഷ്ണ​ന്‍റെ മു​ഹ​മ്മ​യി​ലെ ജ്വ​ല്ല​റി​യി​ലാ​യി​രു​ന്നു. മോ​ഷ​ണ മു​ത​ല്‍ ക​ണ്ടെ​ത്താ​ന്‍ എ​ത്തി​യ​പ്പോ​ള്‍ ജ്വ​ല്ല​റി​യി​ല്‍ ഉ​ണ്ടാ​യി​രു​ന്ന വി​ഷ​ദ്രാ​വ​കം രാ​ധാ​കൃ​ഷ്ണ​ന്‍ കു​ടി​ക്കു​ക​യാ​യി​രു​ന്നു എ​ന്നാ​ണ് പോ​ലീ​സ് പ​റ​യു​ന്ന​ത്. രാ​ധാ​കൃ​ഷ്ണ​ന്‍റെ മ​ര​ണം പോ​ലി​സി​ന്‍റെ പീ​ഡ​ന​ത്തെത്തുട​ര്‍​ന്നാ​ണെ​ന്ന് മ​ക​ന്‍ ര​തീ​ഷ് പ​റ​യു​ന്നു. പോ​ലീ​സ് സ്റ്റേ​ഷ​നി​ല്‍ വ​ച്ചും ജ്വ​ല്ല​റി​യി​ല്‍ എ​ത്തി​ച്ച​പ്പോ​ഴും പോ​ലീസ് അ​ച്ഛ​നെ മ​ര്‍​ദി​ച്ച് അ​വ​ശ​നാ​ക്കി​യെ​ന്നും മ​ക​ന്‍ പ​റ​യു​ന്നു. അ​ന്വേ​ഷ​ണം ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കും ഡി​ജി​പി​ക്കും കു​ടും​ബം പ​രാ​തി ന​ല്‍​കി.

ആ​റാം തീ​യ​തി രാ​ത്രി​യോ​ടെ പി​താ​വി​നെ ക​ടു​ത്തു​രു​ത്തി പോ​ലി​സെ​ത്തി ക​സ്റ്റ​ഡി​യി​ലെ​ടു​ത്തെ​ന്നും സ്റ്റേ​ഷ​നി​ല്‍ കാ​ണു​മ്പോ​ള്‍ അച്ഛന്‍റെ മു​ഖ​ത്ത് അ​ടി​യേ​റ്റ പാ​ടു​ക​ള്‍ ഉ​ണ്ടാ​യി​രു​ന്നെ​ന്നും നി​ല​ത്തി​ട്ട് ച​വി​ട്ടി അ​വ​ശ​നാ​ക്കി​യെ​ന്നും മ​ക​ന്‍ ര​തീ​ഷ് പ​റ​ഞ്ഞു.

അ​തേ​സ​മ​യം, ക​ള്ള​നെ പി​ടി​ക്കാ​ന്‍ സ​ഹാ​യി​ച്ച​ത് രാ​ധ​കൃ​ഷ്ണ​നാ​ണെ​ന്നും മ​ര്‍​ദ​നം ഉ​ണ്ടാ​യി​ട്ടി​ല്ലെ​ന്നു​മാ​ണ് ക​ടു​ത്തു​രു​ത്തി പോ​ലി​സി​ന്‍റെ വി​ശ​ദീ​ക​ര​ണം. ഏ​താ​യാ​ലും ര​തീ​ഷ് ന​ല്‍​കി​യ പ​രാ​തി​യി​ല്‍ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. ക്രൈം​ബ്രാ​ഞ്ചി​നാ​ണ് അ​ന്വേ​ഷ​ണ ചു​മ​ത​ല.