ചെങ്ങ​ന്നൂ​ര്‍: ചെ​ങ്ങ​ന്നൂ​ര്‍ ജി​ല്ലാ സ്റ്റേ​ഡി​യ​ത്തി​ന്‍റെ​യും സ്വി​മ്മിം​ഗ് പൂ​ളി​ന്‍റെയും നി​ര്‍​മാ​ണത്തി​ന് 37 കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ച്ച​താ​യി മ​ന്ത്രി സ​ജി ചെ​റി​യാ​ന്‍ അ​റി​യി​ച്ചു. 65% നി​ര്‍​മാ​ണം പൂ​ര്‍​ത്തി​യാ​യ സ്റ്റേ​ഡി​യ​ത്തി​ന്‍റെ ബാ​ക്കി നി​ര്‍​മാ​ണ​ത്തി​ന് 32 കോ​ടി രൂ​പ കി​ഫ്ബി ഫ​ണ്ടി​ല്‍ നി​ന്ന് അ​നു​വ​ദി​ച്ചു.

സ്വി​മ്മിം​ഗ് പൂ​ളി​നാ​യി അഞ്ചു കോ​ടി രൂ​പ 2025-26 ബ​ജ​റ്റി​ല്‍ നീ​ക്കി​വ​ച്ചി​ട്ടു​ണ്ട്. 2018-19ല്‍ 42 ​കോ​ടി രൂ​പ അ​ട​ങ്ക​ലി​ല്‍ കി​ഫ്ബി സ​ഹാ​യ​ത്തോ​ടെ​യാ​ണ് സ്റ്റേ​ഡി​യം നി​ര്‍​മാ​ണം ആ​രം​ഭി​ച്ച​ത്. എ​ന്നാ​ല്‍, ചി​ല കാ​ര​ണ​ങ്ങ​ള്‍ കൊ​ണ്ട് നി​ര്‍​മാ​ണം ഇ​ട​യ്ക്ക് നി​ല​ച്ചു​പോ​യി​രു​ന്നു. ഇ​പ്പോ​ള്‍ സ്‌​പോ​ര്‍​ട്‌​സ് കേ​ര​ള ഫൗ​ണ്ടേ​ഷ​നെ നി​ര്‍​മാ​ണ ചു​മ​ത​ല ഏ​ല്‍​പ്പി​ച്ചി​രി​ക്കു​ക​യാ​ണ്.

ബാ​ക്കി ജോ​ലി​ക​ള്‍​ക്കാ​യി ഏ​ജ​ന്‍​സി കി​ഫ്ബി​ക്ക് സ​മ​ര്‍​പ്പി​ച്ച എ​സ്റ്റി​മേ​റ്റി​നാ​ണ് ഇ​പ്പോ​ള്‍ അം​ഗീ​കാ​രം ല​ഭി​ച്ച​ത്. സി​ന്ത​റ്റി​ക് ട്രാ​ക്ക്, ഫു​ട്‌​ബോ​ള്‍ ട​ര്‍​ഫ്, പ​വി​ലി​യ​നു​ക​ള്‍, ഗാ​ല​റി​ക​ള്‍, ഇ​ന്‍​ഡോ​ര്‍ സ്റ്റേ​ഡി​യം, ഫ്‌​ല​ഡ് ലൈ​റ്റ് സം​വി​ധാ​നം, വി​ഐ​പി ലോ​ഞ്ച്, പ​മ്പ് ഹൗ​സ്, ബോ​ര്‍​വെ​ല്‍, പ​വ​ര്‍ സ​ബ് സ്റ്റേ​ഷ​ന്‍, അ​ഗ്‌​നി​ര​ക്ഷാ സം​വി​ധാ​ന​ങ്ങ​ള്‍ തു​ട​ങ്ങി​യ സൗ​ക​ര്യ​ങ്ങ​ളോ​ടു​കൂ​ടി​യ അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള സ്റ്റേ​ഡി​യ​മാ​ണ് ല​ക്ഷ്യ​മി​ടു​ന്ന​ത്.

എ​ല്ലാ​ത്ത​രം ഇ​ന്‍​ഡോ​ര്‍ ഗെ​യി​മു​ക​ളും ന​ട​ത്താ​നു​ള്ള സൗ​ക​ര്യ​മു​ണ്ടാ​കും. ഒ​ളി​മ്പി​ക്‌​സ് നി​ല​വാ​ര​ത്തി​ലു​ള്ള നീ​ന്ത​ല്‍​ക്കു​ള​മാ​ണ് വി​ഭാ​വ​നം ചെ​യ്തി​രി​ക്കു​ന്ന​ത്. സ്‌​പോ​ര്‍​ട്‌​സ് ഹോ​സ്റ്റ​ലു​ക​ള്‍, പാ​ര്‍​ക്ക്, പ്ര​ത്യേ​ക ക്രി​ക്ക​റ്റ് മൈ​താ​നം എ​ന്നി​വ തു​ട​ര്‍ പ്ര​വ​ര്‍​ത്ത​ന​ങ്ങ​ളാ​യി ഏ​റ്റെ​ടു​ക്കു​മെ​ന്ന് മ​ന്ത്രി സ​ജി ചെ​റി​യാ​ന്‍ പ​റ​ഞ്ഞു.

ചെങ്ങന്നൂർ ജില്ലാ സ്റ്റേഡിയം വ​രു​ംത​ല​മു​റ​യ്ക്ക് ഉ​പ​കാ​ര​പ്ര​ദ​മാ​കു​മെ​ന്ന് 1982ല്‍ ​ലോ​ംഗ് ജം​പി​ല്‍ ഇ​ന്ത്യ​യെ പ്ര​തി​നി​ധി​ക​രി​ച്ച് വി​ജ​യി​ച്ച ചെ​ങ്ങ​ന്നൂ​ര്‍ സ്വ​ദേ​ശി ഡോ. ​ഷേ​ര്‍​ലി ഫി​ലി​പ്പ് പ​റ​ഞ്ഞു. അ​ന്താ​രാ​ഷ്ട്ര മ​ത്സ​ര​ങ്ങ​ള്‍ ഈ ​സ്റ്റേ​ഡി​യ​ത്തി​ല്‍ ന​ട​ത്താ​നും അ​തു​വ​ഴി ഉ​ണ്ടാ​കു​ന്ന വി​ക​സ​ന​ങ്ങ​ളും രാ​ജ്യ​ത്തി​നു​ണ്ടാ​കു​ന്ന മാ​റ്റ​ങ്ങ​ളും വ​ള​രെ സ​ന്തോ​ഷ​മു​ള്ള കാ​ര്യ​മാ​ണെന്നും അവർ കൂട്ടിച്ചേർത്തു.