മ​ല്ല​പ്പ​ള്ളി: തി​രു​വ​ല്ല, മ​ല്ല​പ്പ​ള്ളി കെ​എ​സ്ആ​ർ​ടി​സി ഡി​പ്പോ​ക​ളി​ൽ നി​ന്നും താ​ലൂ​ക്കി​ന്‍റെ കി​ഴ​ക്ക​ൻ മേ​ഖ​ല​ക​ളി​ലേ​ക്ക് ന​ട​ത്തി​വ​ന്ന സ​ർ​വീ​സു​ക​ൾ ഒ​ന്നൊ​ന്നാ​യി പി​ൻ​വ​ലി​ച്ചു. യാ​ത്ര​ക്കാ​ർ ഏ​റെ ആ​ശ്ര​യി​ച്ചി​രു​ന്ന റൂ​ട്ടു​ക​ളി​ൽ പോ​ലും സ​ർ​വീ​സു​ക​ൾ പു​ന​രാ​രം​ഭി​ക്കാ​ൻ കെ​എ​സ്ആ​ർ​ടി​സി മ​ടി​ക്കു​ക​യാ​ണ്.

ഡി​പ്പോ​യി​ൽ ബ​സി​ന്‍റെ ക്ഷാ​മ​മാ​ണ് പ​ല ഷെ​ഡ്യൂ​ളു​ക​ളും പു​ന​രാ​രം​ഭി​ക്കാ​ത്ത​തി​നു കാ​ര​ണ​മാ​യി പ​റ​യു​ന്ന​ത്. 33 ഷെ​ഡ്യൂ​ളു​ക​ൾ​ക്ക് 28 ബ​സു​ക​ളാ​ണ് നി​ല​വി​ലു​ള്ള​ത്. ഇ​തി​ൽ ഓ​ർ​ഡി​ന​റി ബ​സു​ക​ളാ​ണേ​റെ​യും. കോ​ഴ​ഞ്ചേ​രി - കോ​ട്ട​യം ചെ​യി​ൻ സ​ർ​വീ​സു​ക​ൾ പോ​ലും വെ​ട്ടി​ക്കു​റ​ച്ചി​രി​ക്കു​ക​യാ​ണ്. നേ​ര​ത്തെ 20 മി​നി​ട്ട് ഇ​ട​വേ​ള​ക​ളി​ൽ ചെ​യി​ൻ സ​ർ​വീ​സു​ക​ളു​ണ്ടാ​യി​രു​ന്നു. ഇ​പ്പോ​ൾ അ​ര​മ​ണി​ക്കൂ​ർ ക​ഴി​ഞ്ഞാ​ലും മി​ക്ക സ​മ​യ​ങ്ങ​ളി​ലും ബ​സ് ല​ഭി​ക്കാ​റി​ല്ല.

ഇ​തോ​ടെ യാ​ത്ര​ക്കാ​ർ കെ​എ​സ്ആ​ർ​ടി​സി​യെ ഉ​പേ​ക്ഷി​ച്ച മ​ട്ടാ​ണ്. താ​ലൂ​ക്കി​ന്‍റെ കി​ഴ​ക്ക​ൻ പ്ര​ദേ​ശ​ങ്ങ​ളാ​യ ചു​ങ്ക​പ്പാ​റ, ആ​നി​ക്കാ​ട്, റാ​ന്നി മേ​ഖ​ല​ക​ളി​ലേ​ക്കും മ​ല്ല​പ്പ​ള്ളി ഡി​പ്പോ​യി​ൽ നി​ന്നു​ള്ള ബ​സു​ക​ൾ വെ​ട്ടി​ക്കു​റ​ച്ചു. റാ​ന്നി​യി​ലേ​ക്ക് മ​ല്ല​പ്പ​ള്ളി ഡി​പ്പോ​യ്ക്ക് ഒ​രു ബ​സു​പോ​ലും ഇ​ല്ലാ​ത്ത സ്ഥി​തി​യാ​ണ്. കോ​ട്ട​യം - റാ​ന്നി റൂ​ട്ടി​ലെ ഏ​ക ഷെ​ഡ്യൂ​ൾ റാ​ന്നി ഡി​പ്പോ​യ്ക്കു കൈ​മാ​റു​ക​യും ചെ​യ്തു. ച​ങ്ങ​നാ​ശേ​രി - റാ​ന്നി റൂ​ട്ടി​ൽ ചെ​യി​ൻ സ​ർ​വീ​സി​ന് മു​ന്പ് അ​നു​മ​തി ല​ഭി​ച്ച​താ​ണെ​ങ്കി​ലും ചി​ല ഉ​ദ്യോ​ഗ​സ്ഥ​രു​ടെ താ​ത്പ​ര്യം സം​ര​ക്ഷി​ച്ച് ബ​സു​ക​ൾ ഓ​ടി​ക്കാ​നാ​യി​ല്ല.

കോ​വി​ഡ് കാ​ല​ത്തു നി​ർ​ത്തി​യ സ​ർ​വീ​സു​ക​ൾ പു​ന​രാരം​ഭി​ച്ചി​ല്ല

മ​ല്ല​പ്പ​ള്ളി ഡി​പ്പോ​യി​ൽ നി​ന്നും വാ​യ്പൂ​ര്, എ​ഴു​മ​റ്റൂ​ർ, ഇ​രു​ന്പു​കു​ഴി, ചു​ഴ​ന, തീ​യാ​ടി​ക്ക​ൽ, ചെ​റു​കോ​ൽ​പ്പു​ഴ, കോ​ഴ​ഞ്ചേ​രി വ​ഴി പ​ത്ത​നം​തി​ട്ട​യി​ലേ​ക്ക് വ​ർ​ഷ​ങ്ങ​ളാ​യി സ​ർ​വീ​സ് ന​ട​ത്തി​വ​ന്ന ഓ​ർ​ഡി​ന​റി ബ​സാ​ണ് നാ​ട്ടു​കാ​രു​ടെ നി​ര​ന്ത​ര​മാ​യ ആ​വ​ശ്യ​മു​ണ്ടാ​യി​ട്ടും കെ​എ​സ്ആ​ർ‌​ടി​സി പു​ന​രാ​രം​ഭി​ക്കാ​ത്ത​ത്.

രാ​വി​ലെ​യും വൈ​കു​ന്നേ​ര​വു​മാ​യി ഒ​രു ട്രി​പ്പ് മാ​ത്ര​മാ​ണ് ഈ ​റൂ​ട്ടി​ൽ കെ​എ​സ്ആ​ർ​ടി​സി​ക്കു​ണ്ടാ​യി​രു​ന്ന​ത്. ഇ​തു നി​ർ​ത്ത​ലാ​ക്കി​യ​തോ​ടെ ഈ ​പ്ര​ദേ​ശ​ങ്ങ​ളി​ൽ നി​ന്നു​ള്ള​വ​ർ ഏ​റെ ബു​ദ്ധി​മു​ട്ടി​ലാ​ണ്. സ്ഥി​രം യാ​ത്ര​ക്കാ​രാ​യ ജീ​വ​ന​ക്കാ​രും വി​ദ്യാ​ർ​ഥി​ക​ളും ഉ​ൾ​പ്പെ​ടെ ആ​ശ്ര​യി​ച്ചു​വ​ന്നി​രു​ന്ന സ​ർ​വീ​സാ​യി​രു​ന്നു ഇ​ത്. താ​ലൂ​ക്കി​ലെ ഉ​ൾ​പ്ര​ദേ​ശ​ങ്ങ​ളെ ജി​ല്ലാ ആ​സ്ഥാ​ന​വു​മാ​യി ബ​ന്ധ​പ്പെ​ടു​ത്തി​യു​ള്ള ഏ​ക സ​ർ​വീ​സു​മാ​യി​രു​ന്നു.

കോ​വി​ഡി​നോ​ട​നു​ബ​ന്ധി​ച്ച് നി​ർ​ത്ത​ലാ​ക്കി​യ സ​ർ​വീ​സാ​ണി​ത്. മ​ല്ല​പ്പ​ള്ളി ഡി​പ്പോ അ​ക്കാ​ല​ത്തു നി​ർ​ത്തി​യ പ​ല ഷെ​ഡ്യൂ​ളു​ക​ളും പു​ന​രാ​രം​ഭി​ച്ചെ​ങ്കി​ലും പ​ത്ത​നം​തി​ട്ട സ​ർ​വീ​സ് തു​ട​ങ്ങാ​ൻ ത​യാ​റാ​യി​ല്ല.

തി​രു​വ​ല്ല ഡി​പ്പോ​യി​ൽ നി​ന്നും ലാ​ഭ​ക​ര​മാ​യി സ​ർ​വീ​സ് ന​ട​ത്തി​വ​ന്ന വെ​ണ്ണി​ക്കു​ളം, വാ​ള​ക്കു​ഴി, തീ​യാ​ട​ക്ക​ൽ, ക​ണ്ടം​പേ​രൂ​ർ റാ​ന്നി ഷെ​ഡ്യൂ​ളും കോ​വി​ഡി​നു​ശേ​ഷം ഓ​ടു​ന്നി​ല്ല. രാ​ത്രി 9.30ന് ​തി​രു​വ​ല്ല​യി​ൽ നി​ന്നു പു​റ​പ്പെ​ട്ട് വാ​ള​ക്കു​ഴി വ​ഴി എ​ഴു​മ​റ്റൂ​രി​ലെ​ത്തി സ്റ്റേ ​ചെ​യ്തി​രു​ന്ന ബ​സാ​ണി​ത്. എ​ഴു​മ​റ്റൂ​രി​ൽ നി​ന്നും പു​ല​ർ​ച്ചെ തി​രു​വ​ല്ല​യി​ലേ​ക്കും സ​ർ​വീ​സു​ണ്ടാ​യി​രു​ന്നു. രാ​ത്രി യാ​ത്ര​ക്കാ​ർ​ക്കും പു​ല​ർ​ച്ചെ തി​രു​വ​ല്ല​യി​ലെ​ത്തേ​ണ്ട​വ​ർ​ക്കും ഏ​റെ പ്ര​യോ​ജ​ന​പ്പെ​ട്ടി​രു​ന്നു.

ട്രെ​യി​ൻ യാ​ത്ര​ക്കാ​രാ​യി​രു​ന്നു സ​ർ​വീ​സി​ന്‍റെ ഗു​ണ​ഭോ​ക്താ​ക്ക​ളേ​റെ​യും. തി​രു​വ​ല്ല ഡി​പ്പോ കോ​വി​ഡ് കാ​ല​ത്തു നി​ർ​ത്ത​ലാ​ക്കി​യ​വ​യി​ൽ പു​ന​രാ​രം​ഭി​ക്കാ​ത്ത സ​ർ‌​വീ​സാ​ണി​ത്. വാ​ള​ക്കു​ഴി, തീ​യാ​ടി​ക്ക​ൽ, ക​ണ്ടം​പേ​രൂ​ർ റൂ​ട്ടി​ലു​ണ്ടാ​യി​രു​ന്ന ഏ​ക കെ​എ​സ്ആ​ർ​ടി​സി ബ​സു​മാ​യി​രു​ന്നു ഇ​ത്. സ്വ​കാ​ര്യ ബ​സു​ക​ളു​മാ​യു​ള്ള ധാ​ര​ണ​യി​ലാ​ണ് സ​ർ​വീ​സ് പു​ന​രാ​രം​ഭി​ക്കാ​ത്ത​തെ​ന്നാ​ണ് ആ​ക്ഷേ​പം. ഇ​തി​നി​ടെ ഷെ​ഡ്യൂ​ൾ പു​നഃ​ക്ര​മീ​ക​രി​ച്ച് കെ​എ​സ്ആ​ർ​ടി​സി ഓ​ടി​ക്കു​ന്ന​താ​യും പ​റ​യു​ന്നു.

ക​ല്ലൂ​പ്പാ​റ വ​ഴി​യു​ള്ള ഷെ​ഡ്യൂ​ളു​ക​ളും വെ​ട്ടി​ക്കു​റ​ച്ചു

കെ​എ​സ്ആ​ർ​ടി​സി മ​ല്ല​പ്പ​ള്ളി ഡി​പ്പോ​യു​ടെ പ്ര​സ്റ്റീ​ജ് റൂ​ട്ടാ​യി ക​ണ​ക്കാ​ക്കി​യി​രു​ന്ന ക​ല്ലൂ​പ്പാ​റ വ​ഴി തി​രു​വ​ല്ല സ​ർ​വീ​സു​ക​ളും വെ​ട്ടി​ക്കു​റ​ച്ചി​രി​ക്കു​ക​യാ​ണ്. തി​രു​വ​ല്ല - ക​ല്ലൂ​പ്പാ​റ - മ​ല്ല​പ്പ​ള്ളി - ചു​ങ്ക​പ്പാ​റ റൂ​ട്ടി​ൽ ചെ​യി​ൻ സ​ർ​വീ​സു​ക​ൾ തു​ട​ങ്ങി​യി​രു​ന്നെ​ങ്കി​ലും അ​തും നി​ല​ച്ചു. ഇ​തോ​ടെ ക​ല്ലൂ​പ്പാ​റ, ചു​ങ്ക​പ്പാ​റ റൂ​ട്ടു​ക​ളി​ലാ​ണ് യാ​ത്രാ​ക്ലേ​ശം ഏ​റി​യ​ത്.

രാ​ത്രി 10ന് ​തി​രു​വ​ല്ല​യി​ൽ നി​ന്നു പു​റ​പ്പെ​ട്ടി​രു​ന്ന​ത​ട​ക്ക​മു​ള്ള സ​ർ​വീ​സു​ക​ൾ നി​ർ​ത്ത​ലാ​ക്കി​യി​രി​ക്കു​ക​യാ​ണ്. രാ​ത്രി​യി​ൽ തി​രു​വ​ല്ല റെ​യി​ൽ​വേ സ്റ്റേ​ഷ​നി​ൽ വ​ന്നി​റ​ങ്ങു​ന്ന യാ​ത്ര​ക്കാ​ർ​ക്ക് പ്ര​യോ​ജ​ന​പ്പെ​ട്ടി​രു​ന്ന സ​ർ​വീ​സു​ക​ളാ​ണി​വ. പു​ല​ർ​ച്ചെ ചു​ങ്ക​പ്പാ​റ​യി​ൽ നി​ന്നാ​രം​ഭി​ച്ചി​രു​ന്ന ഷെ​ഡ്യൂ​ളു​ക​ളും ഇ​ല്ലാ​താ​യി.