പു​ന​ലൂ​ര്‍: ശ്രീ​രാ​മ​വ​ര്‍​മ​പു​രം മാ​ര്‍​ക്ക​റ്റി​ല്‍ ആ​ധു​നി​ക അ​റ​വു​ശാ​ല നി​ര്‍​മാ​ണം ആ​രം​ഭി​ച്ചു. ശ്രീ​രാ​മ​വ​ര്‍​മ​പു​രം മാ​ർ​ക്ക​റ്റി​ൽ ന​ഗ​ര​സ​ഭാ വൈ​സ് ചെ​യ​ർ​മാ​ൻ ര​ഞ്ജി​ത്ത് രാ​ധാ​കൃ​ഷ്ണ​ൻ കു​റ്റി നാ​ട്ടി​യാ​ണ് ജോ​ലി​ക​ൾ ആ​രം​ഭി​ച്ച​ത്.

സ്റ്റാ​ൻ​ഡിം​ഗ് ക​മ്മി​റ്റി അ​ധ്യ​ക്ഷ​രാ​യ ബി​നോ​യ് രാ​ജ​ൻ, പ്രി​യ പി​ള്ള, അ​ഡ്വ. പി.​എ. അ​ന​സ്, വ​സ​ന്ത ര​ഞ്ജ​ൻ, മു​ന്‍ ചെ​യ​ര്‍​പേ​ഴ്‌​സ​ണ്‍ നി​മ്മി ഏ​ബ്ര​ഹാം, മു​ന്‍ വൈ​സ് ചെ​യ​ര്‍​മാ​ന്‍ വി.​പി. ഉ​ണ്ണി​കൃ​ഷ്ണ​ന്‍, ജോ​ലി​ക​ൾ ഏ​റ്റെ​ടു​ത്തി​ട്ടു​ള്ള ബം​ഗ്ലൂ​ർ ആ​സ്ഥാ​ന​മാ​ക്കി​യി​ട്ടു​ള്ള ക​രാ​ര്‍ ക​മ്പ​നി​യാ​യ എം.​ആ​ര്‍. ഫാം​സ് പ്ര​തി​നി​ധി​യും പ​ങ്കെ​ടു​ത്തു.

ജോ​ലി​യു​ടെ നി​ര്‍​വ​ഹ​ണ ഏ​ജ​ന്‍​സി ഇം​പാ​ക്ട് കേ​ര​ള​യാ​ണ്. അ​വ​രു​മാ​യു​ള്ള എം​ഒ​യു മാ​സ​ങ്ങ​ള്‍​ക്ക് മു​മ്പു​ത​ന്നെ ഒ​പ്പു​വ​ച്ചി​രു​ന്നു. മാ​ലി​ന്യം സം​സ്‌​ക​രി​ക്കു​ന്ന​ത​ട​ക്കം എ​ല്ലാ സൗ​ക​ര്യ​ങ്ങ​ളോ​ടും കൂ​ടി​യാ​ണ് ആ​ധു​നി​ക അ​റ​വു​ശാ​ല ഒ​രു​ങ്ങു​ന്ന​ത്. 13 കോ​ടി​യാ​ണ് പ​ദ്ധ​തി​യു​ടെ അ​ട​ങ്ക​ല്‍. കി​ഫ്ബി ഫ​ണ്ട് ഉ​പ​യോ​ഗി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

നി​ർ​മാ​ണ​ത്തി​ന് വേ​ണ്ടി സ​ജ്ജ​മാ​ക്കു​ന്ന ജോ​ലി​ക​ൾ ആ​ഴ്ച​ക​ൾ​ക്ക് മു​ൻ​പ് തു​ട​ങ്ങി​യി​രു​ന്നു. നി​ര്‍​മാ​ണ​ത്തി​ന്‍റെ ആ​ദ്യ ഘ​ട്ട​മാ​ണ് ആ​രം​ഭി​ച്ച​ത്. എ​ട്ട് മാ​സ​മാ​ണ് നി​ര്‍​മാ​ണ കാ​ലാ​വ​ധി നി​ശ്ച​യി​ച്ചി​രി​ക്കു​ന്ന​ത്. നി​ശ്ചി​ത കാ​ലാ​വ​ധി​ക്കു​ള്ളി​ല്‍ നി​ര്‍​മാ​ണം പൂ​ര്‍​ത്തീ​ക​രി​ക്കു​മെ​ന്ന് വൈ​സ് ചെ​യ​ർ​മാ​ൻ ര​ഞ്ജി​ത്ത് രാ​ധാ​കൃ​ഷ്ണ​ൻ അ​റി​യി​ച്ചു.