ജൈവ കീട നിയന്ത്രണോപാധികൾ വിതരണം ചെയ്തു
1463519
Thursday, October 24, 2024 3:37 AM IST
രാജപുരം: കള്ളാർ പഞ്ചായത്ത് ജനകീയാസൂത്രണ പദ്ധതിയുടെ ഭാഗമായി കൃഷിഭവൻ വിള ആരോഗ്യ പരിപാലന കേന്ദ്രം വഴി സൗജന്യമായി ജൈവ കീട നിയന്ത്രണോപാധികൾ വിതരണം ചെയ്തു. പഞ്ചായത്ത് പ്രസിഡന്റ് ടി.കെ. നാരായണൻ ഉദ്ഘാടനം ചെയ്തു. വൈസ് പ്രസിഡന്റ് പ്രിയ ഷാജി അധ്യക്ഷത വഹിച്ചു.
വികസന കാര്യ സ്ഥിരം സമിതി ചെയർമാൻ കെ. ഗോപി, പഞ്ചായത്ത് അംഗങ്ങളായ വി. സബിത, ലീല ഗംഗാധരൻ, വനജ ഐത്തു, കൃഷി ഓഫീസർ ഹനീന, കൃഷി അസിസ്റ്റന്റ് വി.പി. സനിത എന്നിവർ പ്രസംഗിച്ചു. ട്രൈക്കോഡെർമ, സ്യൂഡോമോണസ്, ബ്യൂവെറിയ, വെർടിസിലിയം, ട്രൈക്കോ കാർഡ്, വേപ്പെണ്ണ - വെളുത്തുള്ളി മിശ്രിതം, ദ്വിതീയ സൂക്ഷ്മമൂലക മിശ്രിതങ്ങളായ അയർ, സമ്പൂർണ തുടങ്ങിയവയാണ് പദ്ധതിയുടെ ഭാഗമായി വിതരണം ചെയ്യുന്നത്.