മൃഗസംരക്ഷണ വകുപ്പിലെ സ്റ്റാഫ് പാറ്റേൺ പുനഃക്രമീകരിക്കണമെന്ന് സ്റ്റാഫ് അസോസിയേഷൻ
1463515
Thursday, October 24, 2024 3:37 AM IST
കാഞ്ഞങ്ങാട്: മൃഗസംരക്ഷണ വകുപ്പിലെ ജീവനക്കാരുടെ സ്റ്റാഫ് പാറ്റേൺ കാലോചിതമായി പരിഷ്കരിക്കുകയും പുനഃക്രമീകരിക്കുകയും ചെയ്യണമെന്ന് മൃഗസംരക്ഷണ വകുപ്പ് സ്റ്റാഫ് അസോസിയേഷൻ ജില്ലാ സമ്മേളനം സർക്കാരിനോടാവശ്യപ്പെട്ടു. മൃഗാശുപത്രികളിൽ ക്ലാർക്ക് തസ്തിക സൃഷ്ടിക്കണമെന്നും സമ്മേളനം ആവശ്യപെട്ടു.
ജോയിന്റ് കൗൺസിൽ സംസ്ഥാന വൈസ് ചെയർമാൻ നരേഷ് കുമാർ കുന്നിയൂർ ഉദ്ഘാടനം ചെയ്തു. ജില്ലാ പ്രസിഡന്റ് അബ്ദുൾ ഖാദർ അധ്യക്ഷത വഹിച്ചു. കെഎച്ച്ഡിഎസ്എ സംസ്ഥാന പ്രസിഡന്റ് എ. ഉമാദേവി, സെക്രട്ടറി പി. റീജ, ജോയിന്റ് കൗൺസിൽ ജില്ലാ പ്രസിഡന്റ് ഇ. മനോജ് കുമാർ, സെക്രട്ടറി സി.കെ. ബിജുരാജ്, വൈസ് പ്രസിഡന്റ് ജി. സുരേഷ് ബാബു, ജോയിന്റ് സെക്രട്ടറി പ്രദീപ് കുമാർ, ടി.വി. വേണുഗോപാലൻ, പി. ഉബൈദുൾ റഹ്മാൻ എന്നിവർ പ്രസംഗിച്ചു.