ആശുപത്രി ജീവനക്കാരനെ ആക്രമിച്ച സംഭവം: പ്രതി ബംഗളൂരുവില് പിടിയിൽ
1463518
Thursday, October 24, 2024 3:37 AM IST
കാസര്ഗോഡ്: നഗരത്തിലെ സ്വകാര്യ ആശുപത്രി ജീവനക്കാരനെ കുത്തിക്കൊലപ്പെടുത്താന് ശ്രമിച്ച കേസിലെ പ്രതി ബംഗളൂരു വിമാനത്താവളത്തില്വെച്ച് പിടിയിലായി. ഉദുമ തെക്കേക്കര താമരക്കുഴി ഹൗസില് മുഹമ്മദ് ജൗഹര് റിസ്വാന്(23) ആണ് വിദേശത്തേക്ക് കടക്കാനുള്ള ശ്രമത്തിനിടെ പിടിയിലായത്.
വിന്ടച്ച് ആശുപത്രിയിലെ ജീവനക്കാന് അബ്ദുൽ റസാഖിനെ(28)യാണ് ഇയാൾ കഴിഞ്ഞ ദിവസം അക്രമിച്ചത്. റസാഖിനെ പിന്തുടര്ന്ന് റിസ്വാന് ആശുപത്രിയുടെ പാര്ക്കിംഗ് ഏരിയയില് പ്രവേശിക്കുന്നതും റസാഖിനെ അക്രമിക്കുന്നതും പിന്നീട് സ്കൂട്ടറില് കയറി രക്ഷപ്പെടുന്നതുമായ ദൃശ്യങ്ങള് ആശുപത്രിയിലെ സിസിടിവി കാമറയില് പതിഞ്ഞിരുന്നു. ഇയാൾ വിദേശത്തേക്ക് കടക്കാന് സാധ്യതയുണ്ടെന്ന വിവരത്തെത്തുടര്ന്ന് വിമാനത്താവളങ്ങളില് പൊലീസ് അറിയിപ്പ് നല്കിയിരുന്നു.