സ​ർ​ക്കാ​ർ വാ​ക്ക് പാ​ലി​ച്ചി​ല്ല; ജ​സ്റ്റി​ന്‍റെ കു​ടും​ബ​ത്തി​ന് ജീ​വി​ത​മാ​ർ​ഗം ഒ​രു​ക്കി ത​ല​ശേ​രി അ​തി​രൂ​പ​ത
Wednesday, June 12, 2024 1:13 AM IST
മൂന്നു വ​ർ​ഷം മു​ന്പ് കാ​ട്ടാ​ന കൊ​ല​പ്പെ​ടു​ത്തി​യ പെ​രി​ങ്ക​രി​യി​ലെ ജ​സ്റ്റി​ൻ ച​ങ്ങ​ഴ​ശേ​രി​യു​ടെ കു​ടും​ബ​ത്തി​ന് സ​ർ​ക്കാ​ർ ന​ൽ​കി​യ വാ​ഗ്ദാ​നം പാ​ലി​ക്കാ​ത്ത സാ​ഹ​ച​ര്യ​ത്തി​ൽ ആ​ർ​ച്ച്ബി​ഷ​പ്
മാ​ർ ജോ​സ​ഫ് പാം​പ്ലാ​നി വി​ഷ​യം അ​തീ​വ ഗൗ​ര​വ​ത്തി​ലെ​ടു​ക്കു​ക​യും ത​ല​ശേ​രി അ​തി​രൂ​പ​ത കോ​ർ​പ​റേ​റ്റ് മാ​നേ​ജ​ർ ഫാ. ​മാ​ത്യു ശാ​സ്താം​പ​ട​വി​ലി​നോ​ട് കോ​ർ​പ​റേ​റ്റ് സ്ഥാ​പ​ന​ത്തി​ൽ ഏ​തെ​ങ്കി​ലു​മൊ​ന്നി​ൽ അ​ൽ​ഫോ​ൻ​സ​യ്ക്ക് അ​നു​യോ​ജ്യ​മാ​യ ജോ​ലി ന​ൽ​ക​ണ​മെ​ന്ന് നി​ർ​ദേ​ശി​ക്കു​ക​യു​മാ​യി​രു​ന്നു.

ഇ​രി​ട്ടി: മൂ​ന്നു വ​ർ​ഷം മു​ന്പ് കാ​ട്ടാ​ന കൊ​ല​പ്പെ​ടു​ത്തി​യ പെ​രി​ങ്ക​രി​യി​ലെ ജ​സ്റ്റി​ൻ ച​ങ്ങ​ഴ​ശേ​രി​യു​ടെ കു​ടും​ബ​ത്തി​ന് സ​ർ​ക്കാ​ർ ന​ൽ​കി​യ വാ​ഗ്ദാ​നം പാ​ലി​ക്കാ​ത്ത സാ​ഹ​ച​ര്യ​ത്തി​ൽ കു​ടും​ബ​ത്തെ ചേ​ർ​ത്തു​പി​ടി​ച്ച്‌ ത​ല​ശേ​രി അ​തി​രൂ​പ​ത.

ജ​സ്റ്റി​ന്‍റെ ഭാ​ര്യ​അ​ൽ​ഫോ​ൻ​സ​യ്ക്ക് ത​ല​ശേ​രി അ​തി​രൂ​പ​ത​യു​ടെ കീ​ഴി​ലു​ള്ള ചെ​ന്പേ​രി നി​ർ​മ​ല ഹ​യ​ർ​സെ​ക്ക​ൻ​ഡ​റി സ്കൂ​ളി​ൽ ലാ​ബ് അ​സി​സ്റ്റ​ന്‍റാ​യി ജോ​ലി ന​ൽ​കി. നി​യ​മ​ന ഉ​ത്ത​ര​വ് ല​ഭി​ച്ച അ​ൽ​ഫോ​ൻ​സ ജോ​ലി​യി​ൽ പ്ര​വേ​ശി​ച്ചു.

2021 സെ​പ്റ്റം​ബ​ർ 26ന് ​പു​ല​ർ​ച്ചെ പാ​യം പ​ഞ്ചാ​യ​ത്തി​ലെ പെ​രി​ങ്ക​രി​യി​ൽ വ​ച്ചാ​ണ് കാ​ട്ടാ​ന​യാ​ക്ര​മ​ണ​ത്തി​ൽ ജ​സ്റ്റി​ൻ കൊ​ല്ല​പ്പെ​ട്ട​ത്. ഞാ​യ​റാ​ഴ്ച വി​ശു​ദ്ധ കു​ർ​ബാ​ന​യി​ൽ പ​ങ്കെ​ടു​ക്കാ​ൻ ഭാ​ര്യ​യ്ക്കൊ​പ്പം ബൈ​ക്കി​ൽ പ​ള്ളി​യി​ലേ​ക്കു പോ​കു​ന്ന​തി​നി​ടെ കാ​ട്ടാ​ന ആ​ക്ര​മി​ക്കു​ക​യാ​യി​രു​ന്നു. ഭാ​ര്യ അ​ൽ​ഫോ​ൻ​സ​യ്ക്കും ഗു​രു​ത​ര​മാ​യി പ​രി​ക്കേ​റ്റു. ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ക​യാ​യി​രു​ന്ന അ​ൽ​ഫോ​ൻ​സ ഭ​ർ​ത്താ​വി​ന്‍റെ മ​ര​ണ​വി​വ​രം പോ​ലും അ​റി​ഞ്ഞി​ല്ല.

ജ​സ്റ്റി​ന്‍റെ മ​ര​ണ​ത്തെ തു​ട​ർ​ന്ന് ഭ​ര​ണ-​പ്ര​തി​പ​ക്ഷ ഭേ​ദ​മി​ല്ലാ​തെ മ​ന്ത്രി​മാ​രും എം​എ​ൽ​എ​മാ​രും രാ​ഷ്‌​ട്രീ​യ പാ​ർ​ട്ടി നേ​താ​ക്ക​ളും ഉ​ദ്യോ​ഗ​സ്ഥ​രും ജ​സ്റ്റി​ന്‍റെ വീ​ട്ടി​ലെ​ത്തി കു​ടും​ബ​ത്തി​ലൊ​രാ​ൾ​ക്ക് ജോ​ലി ല​ഭ്യ​മാ​ക്കു​മെ​ന്ന് വാ​ഗ്ദാ​നം ചെ​യ്തു.

എ​ന്നാ​ൽ, മൂ​ന്നു വ​ർ​ഷ​മാ​യി​ട്ടും സ​ർ​ക്കാ​ർ വാ​ഗ്ദാ​നം പാ​ലി​ച്ചി​ല്ല. അ​ൽ​ഫോ​ൻ​സ​യും പ​റ​ക്ക​മു​റ്റാ​ത്ത ര​ണ്ടു കു​ട്ടി​ക​ളും നി​വേ​ദ​ന​ങ്ങ​ളും പ​രാ​തി​ക​ളു​മാ​യി സ​ർ​ക്കാ​ർ ഓ​ഫീ​സു​ക​ൾ ക​യ​റി​യി​റ​ങ്ങി​യെ​ങ്കി​ലും ന​ട​പ​ടി​ക​ൾ ഒ​ന്നു​മു​ണ്ടാ​യി​ല്ല.

ത​ല​ശേ​രി അ​തി​രൂ​പ​ത ആ​ർ​ച്ച്ബി​ഷ​പ് മാ​ർ ജോ​സ​ഫ് പാം​പ്ലാ​നി​യും ഇ​ക്കാ​ര്യം മ​ന്ത്രി​മാ​രു​ൾ​പ്പെ​ടെ​യു​ള്ള​വ​രു​ടെ ശ്ര​ദ്ധ​യി​ൽ​പ്പെ​ടു​ത്തി​യെ​ങ്കി​ലും തു​ട​ർ ന​ട​പ​ടി​ക​ളു​ണ്ടാ​യി​ല്ല.

ഇ​തി​നി​ടെ അ​ൽ​ഫോ​ൻ​സ​യ്ക്ക് ല​ഭി​ച്ച താ​ത്കാ​ലി​ക ജോ​ലി ന​ഷ്ട​പ്പെ​ടു​ക​യും ജ​സ്റ്റി​ൻ ജോ​ലി ചെ​യ്തി​രു​ന്ന ചി​ട്ടി​ക്ക​ന്പ​നി​യി​ൽ ജോ​ലി ചെ​യ്യേ​ണ്ടി വ​രി​ക​യും ചെ​യ്തു. എ​ന്നാ​ൽ, ഇ​തു​കൊ​ണ്ടു മാ​ത്രം കു​ടും​ബ​ത്തി​ന് മു​ന്നോ​ട്ടു​പോ​കാ​നു​ള്ള സാ​ഹ​ച​ര്യ​മി​ല്ലാ​യി​രു​ന്നു.

ഇ​തോ​ടെ പെ​രി​ങ്ക​രി ഇ​ട​വ​ക സ​മൂ​ഹം ഒ​റ്റ​ക്കെ​ട്ടാ​യി ആ​ർ​ച്ച്ബി​ഷ​പ്പി​നെ​ക്ക​ണ്ട് കു​ടും​ബ​ത്തി​ന്‍റെ നി​സ​ഹാ​യ​വ​സ്ഥ ബോ​ധ്യ​പ്പെ​ടു​ത്തി.

മാ​ർ ജോ​സ​ഫ് പാം​പ്ലാ​നി വി​ഷ​യം അ​തീ​വ ഗൗ​ര​വ​ത്തി​ലെ​ടു​ക്കു​ക​യും ത​ല​ശേ​രി അ​തി​രൂ​പ​ത കോ​ർ​പ​റേ​റ്റ് ഏ​ജ​ൻ​സി മാ​നേ​ജ​ർ ഫാ. ​മാ​ത്യു ശാ​സ്താം​പ​ട​വി​ലി​നോ​ട് കോ​ർ​പ​റേ​റ്റ് സ്ഥാ​പ​ന​ത്തി​ൽ ഏ​തെ​ങ്കി​ലു​മൊ​ന്നി​ൽ അ​ൽ​ഫോ​ൻ​സ​യ്ക്ക് അ​നു​യോ​ജ്യ​മാ​യ ജോ​ലി ന​ൽ​ക​ണ​മെ​ന്ന് നി​ർ​ദേ​ശി​ക്കു​ക​യു​മാ​യി​രു​ന്നു. ഇ​തേ തു​ട​ർ​ന്നാ​ണ് ചെ​ന്പേ​രി നി​ർ​മ​ല ഹ​യ​ർ​സെ​ക്ക​ൻ​ഡ​റി സ്കൂ​ളി​ൽ ലാ​ബ് അ​സി​സ്റ്റ​ന്‍റ് ത​സ്തി​ക​യി​ലേ​ക്ക് പ​രി​ഗ​ണി​ച്ച​ത്.

ആ​ശ്ര​യ​മ​റ്റ കു​ടും​ബ​ത്തോ​ട് സ​ർ​ക്കാ​ർ നീ​തി​കാ​ണി​ക്കാ​ത്ത അ​വ​സ​ര​ത്തി​ലാ​ണ് എ​ല്ലാ​ക്കാ​ല​ത്തും അ​ശ​ര​ണ​രെ ചേ​ർ​ത്തു​പി​ടി​ച്ച പാ​ര​ന്പ​ര്യ​മു​ള്ള ത​ല​ശേ​രി അ​തി​രൂ​പ​ത മാ​തൃ​കാ​പ​ര​മാ​യ പ്ര​വ​ർ​ത്ത​നം ന​ട​ത്തി​യ​ത്.

ജ​സ്റ്റി​ന്‍റെ കു​ടും​ബ​ത്തി​ന് ന​ൽ​കാ​വു​ന്ന
ഏ​റ്റ​വും വ​ലി​യ സ​മ്മാ​നം

ത​ല​ശേ​രി അ​തി​രൂ​പ​ത കോ​ർ​പ​റേ​റ്റ് ഏ​ജ​ൻ​സിയുടെ ഈ ​വ​ർ​ഷ​ത്തെ ഏ​റ്റ​വും ശ്ര​ദ്ധേ​യ​മാ​യ നി​യ​മ​ന​മാ​ണി​ത്. താ​ത്കാ​ലി​ക സാ​മ്പ​ത്തി​ക സ​ഹാ​യ​ത്തേ​ക്കാ​ൾ അ​ൽ​ഫോ​ൻ​സ​യു​ടെ വി​ദ്യാ​ഭ്യാ​സ യോ​ഗ്യ​ത​ക​ൾ പ​രി​ഗ​ണി​ച്ച് കു​ടും​ബ​ത്തി​ന് സ്ഥി​ര​വ​രു​മാ​നം ഉ​റ​പ്പി​ക്കു​ന്ന ജോ​ലി ന​ൽ​ക​ണ​മെ​ന്ന ആ​ർ​ച്ച്ബി​ഷ​പ് മാ​ർ ജോ​സ​ഫ് പാം​പ്ലാ​നി​യു​ടെ നി​ർ​ദേ​ശം ന​ട​പ്പാ​ക്കു​ക മാ​ത്ര​മാ​ണ് ഞാ​ൻ ചെ​യ്ത​ത്. സ​ർ​ക്കാ​ർ വാ​ഗ്ദാ​ന​ങ്ങ​ൾ പാ​ലി​ക്കാ​തെ വ​ന്ന​പ്പോ​ൾ അ​തി​രൂ​പ​ത​യ്ക്ക് ഇ​ട​പെ​ടേ​ണ്ടി​വ​ന്നു. കു​ടും​ബ​ത്തി​ന്‍റെ ഏ​റ്റ​വും അ​ത്യാ​വ​ശ്യ ഘ​ട്ട​ത്തി​ൽ അ​തി​രൂ​പ​ത​യ്ക്ക് ന​ൽ​കാ​ൻ ക​ഴി​യു​ന്ന ഏ​റ്റ​വും വ​ലി​യ സ​മ്മാ​ന​മെ​ന്നു​വേ​ണം ഇ​തി​നെ വി​ശേ​ഷി​പ്പി​ക്കാ​ൻ.
ഫാ. ​മാ​ത്യു ശാ​സ്താം​പ​ട​വി​ൽ
(ത​ല​ശേ​രി അ​തി​രൂ​പ​ത
കോ​ർ​പ​റേ​റ്റ് മാ​നേ​ജ​ർ)

നീ​ത​ിപൂ​ർ​വമാ​യ തീ​രു​മാ​ന​ത്തി​ന്
ഇ​ട​വ​ക​യു​ടെ ന​ന്ദി

ഉ​​ചി​ത​മാ​യ സ​മ​യ​ത്ത് ത​ല​ശേ​രി അ​തി​രൂ​പ​ത ജ​സ്റ്റി​ന്‍റെ കു​ടും​ബ​ത്തി​നോ​ട് കാ​ണി​ച്ച നീ​തി​പൂ​ർ​വ​മാ​യ തീ​രു​മാ​ന​മാ​ണി​ത്. കൈ​ക്കു​ഞ്ഞു​ങ്ങ​ളു​മാ​യി ജ​സ്റ്റി​ന്‍റെ വി​ധ​വ അ​ധി​കാ​രി​ക​ൾ​ക്ക് മു​ന്നി​ൽ ക​യ​റി​യി​റ​ങ്ങി​യ​പ്പോ​ൾ അ​ധി​കാ​രി​വ​ർ​ഗം കാ​ണി​ച്ച അ​വ​ഗ​ണ​യ്ക്കു​ള്ള മ​റു​പ​ടി​യാ​ണ് അ​ൽ​ഫോ​ൻ​സ​യ്ക്ക് ല​ഭി​ച്ച ജോ​ലി. ആ​ർ​ച്ച്ബി​ഷ​പ് മാ​ർ ജോ​സ​ഫ് പാം​പ്ലാ​നി​ക്കും മ​റ്റ് എ​ല്ലാ​വ​ർ​ക്കും പെ​രി​ങ്ക​രി ഇ​ട​വ​ക സ​മൂ​ഹ​വും എ​കെ​സി​സി കു​ന്നോ​ത്ത് മേ​ഖ​ല​യും ന​ന്ദി പ്ര​കാ​ശി​പ്പി​ക്കു​ക​യാ​ണ്.
ഫാ. ​തോ​മ​സ് അ​ട്ടേ​ങ്ങാ​ട്ടി​ൽ
(പെ​രി​ങ്ക​രി സെ​ന്‍റ്
അ​ൽ​ഫോ​ൻ​സാ പ​ള്ളി വി​കാ​രി)

Copyright @ 2022 , Rashtra Deepika Ltd.