ക​ണ്ണൂ​ർ: ചെ​ല​വു ചു​രു​ക്ക​ലി​ന്‍റെ ഭാ​ഗ​മാ​യി ബ​സു​ക​ൾ ക​ഴു​കു​ന്ന​ത് ഇ​ട​വി​ട്ട ദി​വ​സ​ങ്ങ​ളി​ലാ​ക്കി​യ​പ്പോ​ൾ പൊ​ടി​യും ചെ​ളി​യും നി​റ​ഞ്ഞ ബ​സു​ക​ളു​മാ​യി കെ​എ​സ്ആ​ർ​ടി​സി നി​ര​ത്തു​ക​ളി​ൽ. മ​ഴ​ക്കാ​ല​മാ​യ​തോ​ടെ ചെ​ളി നി​റ​ഞ്ഞ ബ​സു​ക​ളി​ൽ ആ​ളു​ക​ൾ ക​യ​റാ​ൻ ത​യാ​റാ​കു​ന്നി​ല്ല. കൂ​ടാ​തെ ബോ​ർ​ഡു​ക​ൾ പോ​ലും പോ​ലും യാ​ത്ര​ക്കാ​ർ​ക്ക് വാ​യി​ക്കാ​ൻ പ​റ്റു​ന്നി​ല്ല. ബ​സി​ന്‍റെ വാ​തി​ൽ തു​റ​ന്ന് അ​ക​ത്തു​ക​യ​റി​യാ​ൽ കൈ​യി​ൽ ചെ​ളി​യും പ​റ്റും. ചെ​ളി​യെ ചൊ​ല്ലി ബ​സ് ജീ​വ​ന​ക്കാ​രോ​ട് യാ​ത്ര​ക്കാ​ർ ക​യ​ർ​ക്കു​ന്ന​തും പ​തി​വാ​ണ്.

മു​ന്പ് എ​ല്ലാം ദി​വ​സ​വും അ​താ​ത് ഡി​പ്പോ​ക​ളി​ൽ ബ​സു​ക​ൾ ക​ഴു​കു​മാ​യി​രു​ന്നു. ഇ​തി​നാ​യി മൂ​ന്നോ നാ​ലോ ജീ​വ​ന​ക്കാ​രും ക​രാ​ർ വ്യ​വ​സ്ഥ​യി​ൽ ഉ​ണ്ട്. 27 രൂ​പ​യാ​യി​രു​ന്നു ഒ​രു ബ​സ് ക​ഴു​കു​ന്ന​തി​ന് മു​ന്പു​ണ്ടാ​യി​രു​ന്ന ചാ​ർ​ജ്. ഇ​പ്പോ​ൾ അ​ത് 40 രൂ​പ​യാ​യി ഉ​യ​ർ​ത്തി.

ബ​സു​ക​ൾ എ​ല്ലാ ദി​വ​സ​വും ക​ഴു​കു​ന്ന​ത് സാ​ന്പ​ത്തി​ക ബാ​ധ്യ​ത​യു​ണ്ടാ​കു​മെ​ന്ന് കെ​എ​സ്ആ​ർ​ടി​സി അ​ധി​കൃ​ത​ർ ക​ണ്ടെ​ത്തി​യ​തി​നെ തു‌​ട​ർ​ന്ന് ദി​വ​സ​വും ക​ഴു​കേ​ണ്ട എ​ന്ന ഉ​ത്ത​ര​വ് നാ​ലു​മാ​സം മു​ന്പ് ഇ​റ​ക്കു​ക​യാ​യി​രു​ന്നു. വേ​ന​ൽ​ക്കാ​ല​ത്ത് കു​ഴ​പ്പ​മി​ല്ലാ​യി​രു​ന്നു. എ​ന്നാ​ൽ, മ​ഴ​ക്കാ​ലം തു​ട​ങ്ങി​യ​തോ​ടെ ദി​വ​സ​വും ബ​സു​ക​ൾ ക​ഴു​കി​യി​ല്ലെ​ങ്കി​ൽ ചെ​ളി​പി​ടി​ക്കും. ഇ​ത്ത​രം ബ​സു​ക​ളു​മാ​യാ​ണ് കെ​എ​സ്ആ​ർ​ടി​സി ഇ​പ്പോ​ൾ സ​ർ​വീ​സ് ന​ട​ത്തു​ന്ന​ത്.

സ്വ​ന്തം ലേ​ഖ​ക​ൻ