പരുമല: വ​ർ​ഷ​ങ്ങ​ളു​ടെ കാ​ത്തി​രി​പ്പി​നൊ​ടു​വി​ൽ പ​രു​മ​ല ഉ​പ​ദേ​ശി​ക്ക​ട​വ് പാ​ലം യാ​ഥാ​ർ​ഥ്യ​മാ​യി. പാ​ല​ത്തി​ന്‍റെ നി​ർ​മാ​ണം പൂ​ർ​ത്തി​യാ​യി. ഇ​നി അ​പ്രോ​ച്ച് റോ​ഡി​നാ​യു​ള്ള കാ​ത്തി​രി​പ്പി​ലാ​ണ് നാ​ട്ടു​കാ​ർ. പാ​ല​ത്തി​ന്‍റെ മ​റു​ക​ര​യി​ൽ വ​ള​ഞ്ഞ​വ​ട്ടം ഭാ​ഗ​ത്തെ റോ​ഡ് നി​ർ​മാ​ണം പൂ​ർ​ത്തി​യാ​യി. പ​രു​മ​ല ഭാ​ഗ​ത്തു പാ​ലം മു​ത​ൽ സി​ൻ​ഡ​സ് മോ​സ് സ്കൂ​ൾ വ​രെ​യു​ള്ള ഭാ​ഗ​വും നി​ർ​മാ​ണം പൂ​ർ​ത്തി​യാ​യി​ക്ക​ഴി​ഞ്ഞു.

ഈ ​ഭാ​ഗ​ത്ത് എ​ട്ട് മീ​റ്റ​ർ വീ​തി​യി​ലാ​ണ് റോ​ഡ് നി​ർ​മാ​ണം. എ​ന്നാ​ൽ, സി​ൻ​ഡ​സ് മോ​സ് സ്കൂ​ൾ മു​ത​ൽ തി​ക്ക​പ്പു​ഴ വ​രെ​യു​ള്ള ഒ​ന്ന​ര കി​ലോ​മീ​റ്റ​റോ​ളം വ​രു​ന്ന റോ​ഡി​ന്‍റെ നി​ർ​മാ​ണ​മാ​ണ് അ​നി​ശ്ചി​ത​ത്വ​ത്തി​ലാ​യി​രി​ക്കു​ന്ന​ത്. ഈ ​ഒ​ന്ന​ര കി​ലോ​മീ​റ്റ​ർ ദൂ​ര​വും കു​ണ്ടും​കു​ഴി​യു​മാ​യി കി​ട​ക്കു​ക​യാ​ണ്. കാ​ൽ​ന​ട യാ​ത്ര​കാ​ർ​ക്കു പോ​ലും പോ​കാ​ൻ ക​ഴി​യാ​ത്ത സ്ഥി​തി. ഈ ​റോ​ഡ് കൂ​ടി നി​ർ​മി​ച്ചെ​ങ്കി​ൽ മാ​ത്ര​മെ കോ​ടി​ക​ൾ മു​ട​ക്കി​യ പാ​ല​ത്തി​ന്‍റെ ഗു​ണം നാ​ട്ടു​കാ​ർ​ക്കു കി​ട്ടൂ.

പെ​രു​ന്നാ​ളെ​ത്തി, കു​ഴി​യ​ട​ച്ചി​ല്ല

നി​ല​വി​ൽ ഈ ​ഭാ​ഗം പ​ഞ്ചാ​യ​ത്തി​ന്‍റെ അ​ധീ​ന​ത​യി​ലാ​ണ്. ഈ ​റോ​ഡ് പി​ഡ​ബ്ല്യൂ​ഡി ഏ​റ്റെ​ടു​ത്ത് എ​ട്ടു മീ​റ്റ​ർ വീ​തി​യി​ൽ​ത്ത​ന്നെ നി​ർ​മി​ക്കാ​ൻ എ​സ്റ്റി​മേ​റ്റ് എ​ടു​ത്തി​ട്ടു​ണ്ട്. ഇ​രു​വ​ശ​ങ്ങ​ളി​ലു​മു​ള്ള മ​തി​ൽ പൊ​ളി​ച്ചു കെ​ട്ടി​ക്കൊ​ടു​ക്കു​ന്ന​തു​ൾ​പ്പ​ടെ​യാ​ണ് എ​സ്റ്റി​മേ​റ്റ്. ഭ​ര​ണാ​നു​മ​തി ല​ഭി​ച്ചെ​ങ്കി​ലും തു​ട​ങ്ങാ​ൻ വൈ​കും.

ഈ ​പ​രു​മ​ല പെ​രു​ന്നാ​ളി​ന് ഈ ​പാ​ല​ത്തി​ലൂ​ടെ തീ​ർ​ഥാ​ട​ക​രെ ക​ട​ത്തി​വി​ടാ​നു​ള്ള ക്ര​മീ​ക​ര​ണം ചെ​യ്തി​ട്ടു​ണ്ടെ​ന്നു പെ​രു​ന്നാ​ൾ അ​വ​ലോ​ക​ന യോ​ഗ​ത്തി​ൽ മാ​ത്യു ടി. ​തോ​മ​സ് എം​എ​ൽ​എ പ​റ​ഞ്ഞി​രു​ന്നു.

ത​ക​ർ​ന്നു കി​ട​ക്കു​ന്ന ഭാ​ഗ​ത്തെ കു​ഴി അ​ട​യ്ക്ക​ലെ​ങ്കി​ലും ന​ട​ത്ത​ണ​മെ​ന്ന ആ​വ​ശ്യം യോ​ഗ​ത്തി​ൽ ഉ​യ​ർ​ന്നി​രു​ന്നു. കു​ഴി അ​ട​യ്ക്കാ​മെ​ന്നു പ​ഞ്ചാ​യ​ത്ത് യോ​ഗ​ത്തെ അ​റി​യി​ച്ചു. എ​ന്നാ​ൽ, പ​രു​മ​ല തീ​ർ​ഥാ​ട​ന​മാ​രം​ഭി​ക്കാ​ൻ ഇ​നി മൂ​ന്നു ദി​നം കൂ​ടി മാ​ത്രം ബാ​ക്കി നി​ൽ​ക്കെ ഒ​ന്നും ചെ​യ്തി​ട്ടി​ല്ല. തി​രു​വ​ല്ല ഭാ​ഗ​ത്തു​നി​ന്നു വ​രു​ന്ന നൂ​റു ക​ണ​ക്കി​നു തീ​ർ​ഥാ​ട​ക​രും വാ​ഹ​ന​ങ്ങ​ളും ഉ​പ​ദേ​ശി​ക്ക​ട​വ് പാ​ലം വ​ഴി​യെ​ത്തി​യാ​ൽ ബു​ദ്ധി​മു​ട്ടാ​കും. അ​തി​നാ​ൽ താ​ത്കാ​ലി​ക​മാ​യെ​ങ്കി​ലും ത​ക​ർ​ന്ന ഭാ​ഗം ന​ന്നാ​ക്ക​ണം.

മാ​ന്നാ​റി​ന്‍റെ ബൈ​പാസ്

ഉ​പ​ദേ​ശി​ക്ക​ട​വ് പാ​ല​വും അ​പ്രോ​ച്ച് റോ​ഡും പൂ​ർ​ത്തി​യാ​കു​ന്ന​തോ​ടെ പ​രു​മ​ല പ​ള്ളി, പ​ന​യ​ന്നാ​ർ​ക്കാ​വ് ക്ഷേ​ത്രം, പ​രു​മ​ല ആ​ശു​പ​ത്രി, പ​മ്പാ കോ​ള​ജ് എ​ന്നി​വി​ട​ങ്ങ​ളി​ലേ​ക്ക് തി​രു​വ​ല്ല ഭാ​ഗ​ത്തു​നി​ന്നു വ​രു​ന്ന വാ​ഹ​ന​ങ്ങ​ൾ​ക്കു മാ​ന്നാ​ർ ടൗ​ണി​ലെ കു​രു​ക്കി​ൽ​പെ​ടാ​തെ പെ​ട്ടെ​ന്ന് ഇ​വി​ട​ങ്ങ​ളി​ലേ​ക്ക് എ​ത്താം.

കൂ​ടാ​തെ കോ​ട്ട​ക്ക​ട​വ് പാ​ലം പ​ണി​കൂ​ടി പൂ​ർ​ത്തി​യാ​കു​മ്പോ​ൾ മാ​ന്നാ​റി​ന്‍റെ ബൈ​പ്പാ​സാ​യും ഇ​തു മാ​റും. പ​രു​മ​ല പെ​രു​ന്നാ​ളി​നു മാ​ന്നാ​ർ ടൗ​ണി​ലെ മ​ണി​ക്കൂ​റു​ക​ളോ​ളം ഉ​ള്ള ഗ​താ​ഗ​ത കു​രു​ക്കി​നു പ​രി​ഹാ​ര​മാ​ണ് ഉ​പ​ദേ​ശി​ക്ക​ട​വ് പാ​ലം.

Tags : Upadeshikadav Parumala