പൂമാല: അമ്മയുടെ സംസ്കാരത്തിനിടെ മകൻ കുഴഞ്ഞുവീണു മരിച്ചു. മേത്തൊട്ടി ഇയ്യാത്ത് പരേതനായ തങ്കപ്പന്റെ മകൻ ലാലി (ഷിനോബ്-40) ആണ് മരിച്ചത്. മാതാവ് ഇന്ദിര (73) ബുധനാഴ്ചയാണ് മരണമടഞ്ഞത്. വീട്ടുവളപ്പിൽ സംസ്കാരകർമങ്ങൾ നടക്കുന്നതിനിടെ ഇന്നലെ ഉച്ചയ്ക്ക് 12-ഓടെ ഷിനോബ് കുഴഞ്ഞുവീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അവിവാഹിതനായിരുന്നു.
ഇലക്ട്രിക് ജോലികൾ ചെയ്തുവരികയായിരുന്നു. മാതാവും ഷിനോബും ഒരുമിച്ചാണ് മെത്തോട്ടിയിലെ വീട്ടിൽ താമസിച്ചുവന്നിരുന്നത്. ഷിനോബിന്റെ സംസ്കാരവും നടത്തി. സഹോദരങ്ങൾ: രജനി നന്ദകുമാർ, സജിനി സുരേഷ്, ഷിനി.
Tags : Son collapses