സുൽത്താൻ ബത്തേരി: 2016 ലെ ഭിന്നശേഷി നിയമം പ്രകാരം ഏർപ്പെടുത്തിയ നാല് ശതമാനം പ്രമോഷൻ എല്ലാ വകുപ്പുകളിലും മുൻകാല പ്രാബല്യത്തോടെ നടപ്പാക്കണമെന്ന് വൃദ്ധ-ഭിന്നശേഷി പാർക്കിൽ നടന്ന കോണ്ഫെഡറസി ഓഫ് ഡിഫറന്റ്ലി എബിൾഡ് എംപ്ലോയീസ്(സിഡിഎഇ)ജില്ലാ സമ്മേളനം സർക്കാരിനോട് ആവശ്യപ്പെട്ടു.
ഭിന്നശേഷിക്കാർക്കു അർഹമായ പ്രമോഷൻ സമയബന്ധിതമായി നൽകുക, എല്ലാ ഓഫീസുകളും ഭിന്നശേഷി സൗഹൃദമാക്കുക, ഭിന്നശേഷിക്കാരുടെ വാഹനം പാർക്ക് ചെയ്യുന്നതിന് പ്രത്യേകം സ്ഥലം ഏർപ്പെടുത്തുക, ശന്പള പരിഷ്കരണം നടപ്പാക്കുക, ഡി.എ. കുടിശിക അനുവദിക്കുക തുടങ്ങിയ ആവശ്യങ്ങളും ഉന്നയിച്ചു.
അനിൽകുമാർ പന്നിച്ചാൽ ഉദ്ഘാടനം ചെയ്തു. പി.എം. ഷിജു അധ്യക്ഷത വഹിച്ചു. ഭാരവാഹികളായി അനിൽകുമാർ പന്നിച്ചാൽ(പ്രസിഡന്റ്), എം. ഹുസൈൻ(സെക്രട്ടറി), സി.എസ്. ഷിജു(ട്രഷറർ)എന്നിവരെ തെരഞ്ഞെടുത്തു.
Tags : Local News Nattuvishesham Wayanad