കാട്ടൂര് മിനി എസ്റ്റേറ്റ് പരിസരത്തെ കിണറുകളില് രാസമാലിന്യം കലര്ന്ന വിഷയത്തില് പരിഹാരം കാണണമെന്നാവശ്യപ്പെട്ട് ജനകീയ കുടി വെള്ള സംരക്ഷണ വേദിയുടെ നേത്വ
കാട്ടൂര്: കാട്ടൂര് മിനി എസ്റ്റേറ്റ് പരിസരത്തെ കിണറുകളില് രാസമാലിന്യം കലര്ന്ന വിഷയത്തില് പരിഹാരം കാണണമെന്നാവശ്യപ്പെട്ട് ജനകീയ കുടിവെള്ള സംരക്ഷണ വേദിയുടെ നേതൃത്വത്തില് വാഹന പ്രചാരണജാഥയും കാട്ടൂര് പഞ്ചായത്തിന് മുന്നില് പ്രതിഷേധ ധര്ണയും നടത്തി.
മൂന്നാംഘട്ട സമരത്തിന്റെ ഭാഗമായി മിനി എസ്റ്റേറ്റ് ഭാഗത്ത് നിന്നും ആരംഭിച്ച വാഹന പ്രചാരണജാഥ കാട്ടൂര് പഞ്ചായത്തിന് മുന്നില് സമാപിച്ചു. തുടര്ന്ന് പ്രതിഷേധ ധര്ണയും നടത്തി.
സമിതി പ്രസിഡന്റ് അരുണ് അധ്യക്ഷത വഹിച്ചു. മത നേതാകളായ അമേയ കുമാരേശ്വരക്ഷേത്രം മേല്ശാന്തി സുജീന്ദ്രന്, അനസ് ഉസ്താദ് എന്നിവര് ഉദ്ഘാടനം ചെയ്തു.
മുന് ഗവ. ചീഫ് വിപ്പ് അഡ്വ. തോമസ് ഉണ്ണിയാടന്, പഞ്ചായത്തംഗം മോളി പിയുസ്, ഡിസിസി ജനറല് സെക്രട്ടറി ആന്റോ പെരുമ്പുള്ളി, ബിജെപി സൗത്ത് ജില്ലാ സെക്രട്ടറി റിമ പ്രകാശ്, ഡിസിസി ജനറല് സെക്രട്ടറി സതീഷ് വിമലന്, കേരള മഹിളാ കോണ്ഗ്രസ് സെക്രട്ടറി രാജലക്ഷ്മി കുറുമാത്ത്, കെപിഎച്ച്ആര്പിസി പ്രസിഡന്റ്് മുര്ഷിദ് ജന്നത്ത്, ജയ്ഹിന്ദ് രാജന്, പ്രസന്നകുമാര് എന്നിവര് സംസാരിച്ചു.
Tags :