ഒ​ഡീ​ഷ സ്വ​ദേ​ശി​ കൊ​ല്ല​പ്പെ​ട്ട നിലയിൽ പ്ര​തിയെ മ​ണി​ക്കൂ​റു​ക​ൾ​ക്ക​കം കുടുക്കി
Wednesday, July 3, 2024 4:09 AM IST
പെ​രു​മ്പാ​വൂ​ർ: ക​ടം മേ​ടി​ച്ച തു​ക​യെ ചൊ​ല്ലി​യു​ള്ള വാ​ക്കേ​റ്റ​ത്തെ തു​ട​ർ​ന്ന് ഇ​ത​ര​സം​സ്ഥാ​ന തൊ​ഴി​ലാ​ളി കൊ​ല്ല​പ്പെ​ട്ടു. പ്ര​തി​യെ മ​ണി​ക്കൂ​റു​ക​ൾ​ക്കു​ള്ളി​ൽ പോ​ലീ​സ് പി​ടി​കൂ​ടി. ഒ​ഡീ​ഷ സ്വ​ദേ​ശി ആ​കാ​ശ് ദി​ഗ​ൽ (34) ആ​ണ് കൊ​ല്ല​പ്പെ​ട്ട​ത്. ഒ​ഡീ​ഷ കാ​ണ്ഡ​മാ​ൽ ഉ​ദ​യ​ഗി​രി സ്വ​ദേ​ശി അ​ഞ്ജ​ൻ നാ​യി​കി(38)​നെ പെ​രു​മ്പാ​വൂ​ർ പോ​ലീ​സ് ക​സ്റ്റ​ഡി​യി​ലെ​ടു​ത്തു.

ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന​യു​ടെ മേ​ൽ​നോ​ട്ട​ത്തി​ൽ രൂ​പീ​ക​രി​ച്ച പ്ര​ത്യേ​ക സം​ഘം ന​ട​ത്തി​യ അ​ന്വേ​ഷ​ണ​ത്തി​ൽ ഒ​ഡീ​ഷ​യി​ലേ​ക്ക് ക​ട​ക്കാ​ൻ ശ്ര​മി​ച്ച പ്ര​തി​യെ വ​ല്ല​ത്ത് നി​ന്നാ​ണ് ക​സ്റ്റ​ഡി​യി​ലെ​ടു​ത്ത​ത്.

പെ​രു​മ്പാ​വൂ​ർ വ​ട്ട​ക്കാ​ട്ടു​പ​ടി​യി​ൽ ഇ​ന്ന​ലെ പു​ല​ർ​ച്ചെ 7.30നാ​യി​രു​ന്നു സം​ഭ​വം. പ്ര​തി​യു​ടെ പ​ക്ക​ൽ​നി​ന്ന് ആ​കാ​ശ് 1000 രൂ​പ ക​ടം വാ​ങ്ങി​ ഇ​തി​നെ ചൊ​ല്ലി​യു​ണ്ടാ​യ വാ​ക്കേ​റ്റം ക​ത്തി​ക്കു​ത്തി​ൽ ക​ലാ​ശി​ക്കു​ക​യാ​യി​രു​ന്നു. നേ​ര​ത്തെ​യും ക​ടം വാ​ങ്ങി​യ തു​ക​യെ ചൊ​ല്ലി ഇ​രു​വ​രും ത​മ്മി​ൽ ത​ർ​ക്ക​മു​ണ്ടാ​യി​ട്ടു​ണ്ട്. ര​ണ്ടു പേ​രും അ​ഞ്ച് മു​റി​ക​ളു​ള്ള ലൈ​ൻ കെ​ട്ടി​ട​ത്തി​ൽ അ​ടു​ത്ത​ടു​ത്താ​ണ് താ​മ​സി​ച്ചി​രു​ന്ന​ത്. ക​ഴി​ഞ്ഞ 29ന് ​വൈ​കി​ട്ടും വ​ഴ​ക്കു​ണ്ടാ​യി.

സം​ഭ​വ​ത്തി​ൽ കെ​ട്ടി​ട ഉ​ട​മ ഇ​ട​പെ​ട്ട​തി​നെ തു​ട​ർ​ന്ന് തി​ങ്ക​ളാ​ഴ്ച പ്ര​തി ഭാ​ര്യ​യെ​യും കൂ​ട്ടി കാ​ക്ക​നാ​ട്ടേ​ക്ക് പോ​യി. ചൊ​വ്വാ​ഴ്ച പു​ല​ർ​ച്ചെ വ​ട്ട​ക്കാ​ട്ടു​പ​ടി​യി​ലേ​ക്ക് തി​രി​കെ എ​ത്തി​യ പ്ര​തി​യും ആ​കാ​ശു​മാ​യി വാ​ക്കേ​റ്റം ഉ​ണ്ടാ​കു​ക​യും കൈ​യി​ൽ ക​രു​തി​യി​രു​ന്ന ക​ത്തി​യെ​ടു​ത്ത് ആ​കാ​ശി​നെ കു​ത്തി​വീ​ഴ്ത്തു​ക​യാ​യി​രു​ന്നു.

ആ​കാ​ശ് ദി​ഗ​ൽ ഇ​വി​ടെ താ​മ​സം തു​ട​ങ്ങി​യി​ട്ട് ആ​റു​മാ​സ​മാ​യി. അ​ഞ്ജ​ൻ നാ​യി​ക് വ​ന്നി​ട്ട് നാ​ല് മാ​സ​മേ ആ​യി​ട്ടു​ള്ളൂ. പ്ര​തി പ്ലൈ​വു​ഡ് ക​മ്പ​നി​യി​ൽ മെ​ഷി​ൻ ഓ​പ്പ​റേ​റ്റ​റാ​ണ്.

ആ​കാ​ശി​നു ജോ​ലി ക​ണ്ട​ന്ത​റ ഭാ​ഗ​ത്തെ പ്ലൈ​വു​ഡ് ക​മ്പ​നി​യി​ലാ​ണ്. ഇ​ൻ​സ്പെ​ക്ട​ർ എം.​കെ. രാ​ജേ​ഷ്, എ​സ്ഐ​മാ​രാ​യ റി​ൻ​സ് എം. ​തോ​മ​സ്, എ​ൻ.​കെ. ബി​ജു, എ​ൻ.​ഡി. ആ​ന്‍റോ, റെ​ജി മോ​ൻ, എ​എ​സ്ഐ പി.​എ. അ​ബ്ദു​ൽ മ​നാ​ഫ്, സി​പി​ഒ​മാ​രാ​യ മ​നോ​ജ് കു​മാ​ർ, എം.​ബി. സു​ബൈ​ർ, ടി.​എ. അ​ഫ്സ​ൽ, ബെ​ന്നി ഐ​സ​ക് തു​ട​ങ്ങി​യ​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.
Copyright @ 2018 , Rashtra Deepika Ltd.