അങ്കമാലി: ജനവാസ മേഖലയിലെ കാട്ടാനശല്യം തടയാന് നടപടി സ്വീകരിക്കണമെന്ന് ആവശ്യപ്പെട്ട് കോണ്ഗ്രസ് മുന്നൂര്പ്പിള്ളി-ഏഴാറ്റുമുഖം മേഖലാ കമ്മിറ്റിയുടെ നേതൃത്വത്തില് ഏഴാറ്റുമുഖം ഫോറസ്റ്റ് റേഞ്ച് ഓഫീസിലേയ്ക്ക് ജനകീയ മാര്ച്ചും പ്രതിഷേധ ധര്ണയും സംഘടിപ്പിച്ചു.
ഏഴാറ്റുമുഖം പള്ളിപ്പടി കവലയില് നിന്നാരംഭിച്ച ജനകീയ മാര്ച്ചില് സ്ത്രീകളും കുട്ടികളും ഉള്പ്പെടെ നൂറുകണക്കിനാളുകള് പങ്കെടുത്തു. തുടര്ന്ന് നടത്തിയ പ്രതിഷേധ ധര്ണ എറണാകുളം ജില്ലാ പഞ്ചായത്ത് പ്രസിഡന്റ് മനോജ് മൂത്തേടന് ഉദ്ഘാടനം ചെയ്തു. കോണ്ഗ്രസ് അങ്കമാലി ബ്ലോക്ക് വൈസ് പ്രസിഡന്റ് കെ.പി. പോളി അധ്യക്ഷത വഹിച്ചു.
പഞ്ചായത്ത് പ്രസിഡന്റ് ലതിക ശശികുമാര്, വൈസ് പ്രസിഡന്റ് ഷൈജോ പറമ്പി, മണ്ഡലം പ്രസിഡന്റ് കെ.പി. അയ്യപ്പന്, ജില്ലാ പഞ്ചാത്തംഗം ഷൈനി ജോര്ജ്, സി.പി. സെബാസ്റ്റ്യന്, ജോണി പള്ളിപ്പാടന്, ഷാജു വി. തെക്കേക്കര, റോയ് ഗോപുരത്തിങ്കല്, മിനി ഡേവീസ്, എന്.വി. ഷാജു, സി.എ. ജോയി, ജോജി കല്ലൂക്കാരന്,
ആന്റണി പാലാട്ടി, കെ.പി. സാബു, ആന്റു കാച്ചപ്പിള്ളി, ഫിനി മാത്യു, സി.പി. സാന്റോ, എന്.എം. ഷാജി, പി.വി. മാര്ട്ടിന്, ജോമോന് ജോസ്, പി.പി. ബി നോയ്, എബി സ്കറിയ, കുരുവിള പാറയ്ക്ക എന്നിവര് പ്രസംഗിച്ചു.
കാട്ടാനകള് കൂട്ടമായി ജനവാസമേഖലയില് ഇറങ്ങി കൃഷി നശിപ്പിക്കുന്നതു നിത്യസംഭവമായിരിക്കുകയാണ്. വനംവകുപ്പ് ഉദ്യോഗസ്ഥരും സംസ്ഥാനസര്ക്കാരും ഇതെല്ലാം കണ്ടില്ലെന്ന് നടിക്കുകയാണെന്ന് കോണ്ഗ്രസ് ആരോപിച്ചു.