നോർത്ത് ഈസ്റ്റ് മിന്നിച്ചു
Sunday, October 27, 2024 2:26 AM IST
ഗോഹട്ടി: ഐഎസ്എൽ ഫുട്ബോളിൽ നോർത്ത് ഈസ്റ്റ് യുണൈറ്റഡിനു മിന്നും ജയം. ഹോം മത്സരത്തിൽ നോർത്ത് ഈസ്റ്റ് യുണൈറ്റഡ് 5-0നു ജംഷഡ്പുർ എഫ്സിയെ തകർത്തു. അലാഡിൻ അജറൈ (5’, 90’), പാർഥിവ് ഗൊഗോയ് (44’, 55’) എന്നിവർ നോർത്ത് ഈസ്റ്റ് യുണൈറ്റഡിനുവേണ്ടി ഇരട്ടഗോൾ സ്വന്തമാക്കി. ലൂയിസ് നിക്സന്റെ (82’) വകയായിരുന്നു മറ്റൊരു ഗോൾ.
ആറു മത്സരങ്ങളിൽനിന്ന് എട്ടു പോയിന്റുമായി നോർത്ത് ഈസ്റ്റ് അഞ്ചാം സ്ഥാനത്തേക്കെത്തി. 12 പോയിന്റുമായി ജംഷഡ്പുർ എഫ്സി രണ്ടാം സ്ഥാനത്തു തുടരുന്നു. ഇന്നലെ നടന്ന രണ്ടാം മത്സരത്തിൽ ഹൈദരാബാദ് 4-0നു മുഹമ്മദനെ കീഴടക്കി. സീസണിൽ ഹൈദരാബാദിന്റെ ആദ്യ ജയമാണ്.